ESTER 3:2 - Alkitab Singog In Mongondow Masa In Tanaa

² Ki datu in nomarenta kon bayongan in pogawainea sinbá mohoromat kon i Haman poḷat tumungkud kon tayowonnea. Komintanbí dinumudui kon parenta tatua, koḻikudbí in ki Mordekhai.

ESTER 3:2 ပူးပေါင်းရင်းမြစ်များ

KINOBAḺIAN 41:43

Bo inogoineadon kon i Yusup in kereta dodatuan inta induanea, bo pongawal kahoromatan i datu minaya-mayá kon muna in kereta tatua takin mobaḷu, “Pokoingat! Ogoiai in daḷan! Ogoiai in daḷan!” Natuata ki Yusup binaḻídon gubernur kon butá in Mesir.

ESTER 2:19

Kon dodai intua ki Mordekhai in dinuídon i datu nobaḻí pogawainea.

ESTER 2:21

Kon singgai tobatú, kon tungkuḷ in ki Mordekhai mopobayámai in oaidannea kon komaḻig, intau doyowa pojabat i datu, ki Bigtan bo ki Teres, in noyopopog moibog moḻimod kon i Datu Ahasyweros, sin totok in moyaat in gina monia kon inia.

ESTER 2:5

Kon kotá in Susan tatua oyúon in intau in Yahudi inta tangoinea in ki Mordekhai ki adí i Yeir. Sia in buí i Kis bo i Simei nongkon suku i Benyamin.

ESTER 3:1

Diá noonggot kon tua ki Datu Ahasyweros noduí kon intau tobatú inta ki Haman in tangoinea nobaḻí perdana menteri. Ki Haman in ki adí i Hamedata nongkon buí in Agag.

ESTER 3:3

Pogawai mita ibanea kon komaḻig in noḻibó kon inia nongonu sin sia in ḻimimpatbí kon parenta i datu,

ESTER 3:5

Ki Haman in sinumorú totok kon dodai in nokotaau kon ki Mordekhai in doí tumonsiup kon inia.

ESTER 5:9

Ki Haman in nobui nongkon bobutungan i Ratu Ester takin pia in gina. Táe naonda in kon bonawang in komaḻig inontongnea in ki Mordekhai inta diá sinimindog mohoromat kon inia, sinumorúdon totok in sia.

MAZMUR 15:4

inta mopoompámai kon intau inta kinodoí i Allah, táe mohoromat kon intau inta mosatia kon i Tuhan; inta mogintompod kon dandi, umpakabí morugi

IḶUAIAN 17:14

Guman i Tuhan kon i Musa, “Paisdon in soaḷ kinountungan tanaa sinbá tantú toropon. Poguman kon i Yosua kon Akuoi in moyompatbí kon intau in Amalek.”

IḶUAIAN 17:16

Guman i Musa, “Kadaiaidon bo tonggó koḷantud in bandera i Tuhan! Ki Tuhan noparang nonayow kon intau Amalek modapot kon adí bo ompu!”

DANIEL 2:49

Táe pinodoyon kon oigum i Daniel, ki datu in nobogoi in pomarentaan propinsi kon i Sadrakh, Mesakh bo ki Abednego, bo ki Daniel tontaní in nogutundon kon komaḻig i datu.

ULANGAN 25:19

Tuamai, aka ki Tuhan Allahmu mobogoidon in butá tatua kon inimu bo moiko moamandon nongkon bayongan musung inta nogutun kon ḻibumumai, yo bayongan intau in Amalek tua in mustibí modait ḻimodon dá mosia in diádon toropon bui. Dika koḻiongan!”

PILIPI 2:10

Sinbá kon bonu in tangoi Yesus, bayongan in mahaḷuk inta kon ḷangit, kon butá ande kon ḻimonag in butá, komintandon mosumba kon i-Nia.

SAMUEL 1 15:3

Dá bayá bo tubudon in intau in Amalek bo rimumudon in bayongan kapunyaan monia. Dikabí taḷaanmai in onuka; ḻimodon in bayongan intau ḷoḷaki, bobay, mongoadí mita bo adí mointok; takin doman sapi, domba, unta bo keledai.”