ESTER 1:3 - Alkitab Singog In Mongondow Masa In Tanaa

³ Kon taong intoḷunea kon pinomarentaannea, ki Datu Ahasyweros nomia kon rame moḷoben kon bayongan in intau moḷoben bo pogawainea. Tongguḷu mita totokan in tontara in Persia bo Media in namangoi doman kon rame tatua, natua doman in gubernur mita bo intau mita moḷoben kon propinsi.

ESTER 1:3 ပူးပေါင်းရင်းမြစ်များ

KINOBAḺIAN 40:20

Toḷu nosinggai noiduduimai kon tua in singgai kinotompodan umur i datu, bo sia nogaid kon rame moḷoben sin pogoiníannea kon bayongan pogawainea. Sia nomarenta sinbá mopoposadia in oinumonnea bo intau inta mopoposadia in kaanonnea poḷuaidon kon bonu in ponjara bo diaan kon tayowon in bayongan pogawai in komaḻig.

DATU MITA IMITÁNEA 3:15

Naonda in nobangon, nosadardon in ki Salomo kon ki Allah ain nosingog kon inia kon bonu in togoindop. Dá nobuidon in sia kon Yerusalem bo sinimindog kon tayowon in Poti Dodandian i Tuhan bo noposumba in kuruban payongon bo kuruban dodamean. Onda intua nomia in sia kon rame kon bayongan in pogawainea.

EZRA 1:2

“Naa in parenta i Kores, datu in Persia. Ki Tuhan, Allah inta nongawasa kon soroga ain nomaḻí kon inakó datu kon sinangkup in dunia, bo nopotabá kon inakó moposindog in baḷoi kon i-Nia kon Yerusalem kon butá in Yohuda.

ESTER 1:14

Naa in monononggina mita inta mokakit oiníon i datu: ki Karsena, ki Setar, ki Admata, ki Tarsis, ki Meres, ki Marsena, bo ki Memukan. Mosia tua in intau mita moḷoben in Persia bo Media inta koḷoḻitúan moḷantud totok kon dodatuan.

ESTER 1:4

Onom nobuḷan in koonggotnea ki datu nopoontong in kaoyúonan in komaḻignea bo kogogaga in dodatuan nea.

ESTER 2:18

Nopaḷut mako kon tua, ki datu in nomia kon rame moḷoben sin pohoromatan kon i Ester bo nogoiní kon bayongan in pogawainea bo intaunea mita moḷoben. Sia in nopotaau kon singgai pogogaian kon bayongan in dodatuan bo nosilai-silai mako kon tombuinag inta mobayong totok.

ESTER 3:7

Kon taong impuḷú bodoyowá kon pinomarentaan i Datu Ahasyweros, kon buḷan imitánea, inta buḷan Nisan, ki Haman in nopotabá mopogonik in undi inta sinangoi “purim” sin monotaau singgai bo buḷan táonda inta moyokaan in popobayáannea in tomayánea inta moraat tatua. Dá sinantúdon kon singgai impuḷú bo toḷúnea buḷan impuḷú bodoyowánea, tuata in buḷan Adar.

YESAYA 21:2

Akuoi in nokoontong kon oontongon onu mita inta mobaḻí inta mokoondok; soaḷ pomaḷidawaan bo pomutúan. Monikdon, tontara in Elam, tubudon! Ei tontara in Madai, kopungdon! Ki Allah in mogimpaḷutbí kon bayongan in roriga inta pinopisí in Babel.

YEREMIA 51:11

Ki Tuhan in nopotabádon kon datu mita in Media, sin moibog in Sia morimumud kon Babel. Natuata in pototuḻínea kon aid in intau mita inta norimumud kon baḷoi-Nea. Porwira mita in tontara in parang nomarenta, “Iḷanitai in piot! Podia kon kaḻeaw!

DANIEL 5:1

Kon singgai tobatú ki Datu Belsyazar nogoiní kon intau moḷoben toribu sin mamangoi kon bobutungannea inta mooyúon totok, bo noronginumdon kon anggur.

DANIEL 5:28

sinilai; dodatuan i Tuangku in sinilai bo inogoi kon intau in Media bo Persia.”

DANIEL 6:1

Naonda in ki Belsyazar kinoḻimodan, ki Darius intau in Media nogagow kon dodatuan. Kon dodai intua sia umurdon onom nopuḷú bodoyowá notaong.

DANIEL 8:20

Domba koḷakian inta inontongmu tatua, inta kotungoi doyowa, nobaḻí lambang in dodatuan in Media bo Persia.

MARKUS 6:21

Pangabisannea ki Herodias nokouḻí kon kasampatan kon dodai in kinotompodan umur i Herodes. Dodai intua ki Herodes nogaid kon rame kon i monia inta nokadai kon jabatan mongoḷantud kon dodatuan, mosia inta porwira bo itoi mita in ḻipú in Galilea.