ESTER 1:1 - Alkitab Singog In Mongondow Masa In Tanaa

^1-2 Kon Susan, ibukotá in Persia, ki Ahasyweros in nomarenta saḷaku datu. Dodatuan nea in 127 nopropinsi, pinangkoi kon India nodapot kon Sudan.

ESTER 1:1 ပူးပေါင်းရင်းမြစ်များ

EZRA 4:6

Kon pinomangkoian pinomarentaan i Datu Ahasyweros, musung mita in intau in Yerusalem bo Yohuda in nomais kon surat gugatan.

ESTER 10:1

Ki Datu Ahasyweros in nomakisa kon intau mita mogaid, deemanbí tongá kon rayat inta nogutun kon bingkí in pintad inta kon bonu in dodatuan nea, táe kon butábí doman mita inta nongoyayú kon pintad.

ESTER 2:3

Ki Tuang in musti moduídon kon pogawai mita kon bayongan in propinsi in dodatuan tanaa sin motayak kon mongodeaga mita inta mongoḷunat bo diaan monia komintan kon komaḻig in bobay kon Susan naa. Ki Hegai, pojabat inta ain sinantú nobaḻí tongguḷu in tombonu in komaḻig in bobay, in moindoi kon i monia bo monompia kon koḷoḷunat monia.

ESTER 8:9

Kon singgaipa doman tatua, inta kon singgai in doyowa nopuḷú bo toḷúnea, buḷan intoḷunea, buḷan Siwan, ki Mordekhai in nogoiní kon momais mita i datu bo nomarenta kon i monia nomais kon surat mita kon gubernur mita, kon bupati mita bo kon intau mita moḷoben inta kon 127 in propinsi, pinangkoi kon India noidapot in Sudan. Surat mita tatua in pinais kon bonu in singog bo pais in batúan propinsi mita tatua. Sia in nokidia doman in surat kon intau mita in Yahudi inta pinais kon bonu in singog bo pais in Yahudi.

ESTER 9:30

Surat tatua in pinoki dia kon bayongan in intau in Yahudi, bo salinannea mita in pinoki dia kon 127 in propinsi in dodatuan Persia. Surat tatua in sinakinan in sambayang sinbá intau in Yahudi umuran mobiag motompia bo moaman.

YESAYA 18:1

Nongkon ḻipú tobatú kon ḷoḷan in ongkag mita in Sudan kinodongogandon in singog in pangkoḷá.

YESAYA 37:9

Ki Datu in Asyur ain nokouḻí kon habar kon tontara in Mesir kon bonu in tongganut i Tirhaka nongkon Sudan niondon tayo-tayow mangoi sin monubu kon i monia. Tuamai, ki datu in Asyur nokidiadon in surat kon i Hizkia,

DANIEL 11:2

Bo onu inta pogumanku kon inimu in totuubí.” Malaekat tatua in noguman, “Toḷu in datu ibanea in momarenta kon Persia, dinuduian in datu inta inggopatnea inta mooyu-oyúon nongkon inta ibanea. Kon dodai in moḷantudon totok in kawasa bo kaoyúonannea, sia in mopoyogintayowdon in ropotnea takin dodatuan in Yunani.

DANIEL 6:1

Naonda in ki Belsyazar kinoḻimodan, ki Darius intau in Media nogagow kon dodatuan. Kon dodai intua sia umurdon onom nopuḷú bodoyowá notaong.

DANIEL 9:1

Kon taong imitánea kon pinomarentaan i Darius intau in Media, ki adí ḷoḷaki i Ahasyweros kon dodatuan in Babel, akuoi ki Daniel, in nobacamai kon buk mita in agama. Akuoi in nonano-nanobmai kon podudui in tosingogon i Tuhan kon i Nabi Yeremia, kotá in Yerusalem in tantúbí nogoguyaat mako in kon bonu in pitu nopuḷú notaong.