EPESUS 6:4 - Alkitab Singog In Mongondow Masa In Tanaa

⁴ Bo moiko uḻe guyanga mita ḷoḷaki! Dika rupa-rupaanmai monimu in mosia modapot in tumorú. Nanaa in aidai: biag in mosia kotompia bo tundú in onu inta mopia bo tongginaai podudui inta kinoibog i Tuhan.

EPESUS 6:4 ပူးပေါင်းရင်းမြစ်များ

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

TAWARIKH 1 28:20

Onda intua ki Datu Daud noguman bui kon i Salomo adínea ḷoḷaki. “Iko in musti mokopoyakin bo mokopobarani. Pangkoidon in oaidan tatua bo dika moondok kon onuka. Ki Tuhan Allah inta sinumbaku in motuḷungbí kon inimu. Diábí in Sia monaḷámai kon inimu. Umuran-Neabí takinan in iko modapot in moḷapatdon komintan in oaidan tatua.

TAWARIKH 1 29:19

Ogoiaidon in ki Salomo, ki adíku ḷoḷaki in ibog inta totu-totuu dumudui kon bayongan in parenta-Mu bo moposindog in baḷoi pooibadaan tatua inta ain pinosadiaku.”

AMSAL 19:18

Tundú kotompiraan in ki adímu kon dodai in oyúonpa in kamang; aka diá dá mangaḻenea ibogonmu in morimumud in sia.

AMSAL 22:15

Nongkon dungkuḷpabímai mongoadí mita in mogaid kon inta mobodok, táe uwoi in motaaubí pomout sinbá mobaḷui in dodia monia.

AMSAL 22:6

Tundúdon in adí tobatú in kobobiag inta patus kon inia, dá modapot in sia kogoguyangannea natuabí doman in kobobiagnea.

AMSAL 29:15

Totundú bo toboḷow mokopobaḻí kon intau mobijaksana. Adí inta tantú duduian in ibognea mokopooyámai kon i inánea.

AMSAL 29:17

Didikdon in ki adímu, dá sia in mobogoibí in kobiagan moonow kon inimu, bo mobaḻí ḷoḻipoi kon inimu.

YESAYA 38:19

Tongábí intau nobiag in modayow kon ini-Mu, ná inta inaidanku singgai in naa. Guyanga in mongonguman kon i adínea kon totuubí kon mosatia totok in Iko, o Tuhan.

EPESUS 6:3

nanaa: “Sinbá mosanang bo moumur in kobiaganmu kon dunia naa.”

ULANGAN 4:9

Taridi bo toropdon kopiaan, sinbá kinoouput in kinobiaganmu diá koḻiongan monimu onu inta ain inontong monimu tontaní. Oumandon kon adí bo ompumu

ULANGAN 6:7

Tundúdon kon i adímu mita. Ouman intua kon bonu in baḷoi bo kon ḷuai in baḷoi, kon dodai in mogogai bo kon dodai in mogaid.

KOLOSE 3:21

Utat mita, guyanga ḷoḷaki! Dika ponapusuon in gina i adímu mita, sinbá diá moinggamá in harapan monia.

TIMOTIUS 2 1:5

Umuran kotoropanku in kopopirisayamu kon i Kristus inta totu-totuu tua naonda bo kopopirisaya i baaymu ki Lois bo ki inámu ki Eunike. Bo moyakinbí totok in akuoi kon kopopirisayamu nion ná bí doman onda bo kopopirisaya monia tua.

TIMOTIUS 2 3:15

Musti umuran toroponmu mako, kon nongkon mointokanpamai iko ain nonotaau kon Buk Motusi. Bo Buk Motusi tatua in nobogoi in pongortian kon inimu, sinbá mokouḻí kon kasaḷamatan inta pinodoyon kon pirisaya kon i Kristus Yesus.

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

HAKIM MITA 13:12

Bo ki Manoah noḻibó, “Aka mobaḻídon onu inta pinoguman i Tuang tua, yo onu in musti pomiaan in adí tatua? Naonda degá in kobiagannea moiduduimai?”