EPESUS 6:3 - Alkitab Singog In Mongondow Masa In Tanaa

³ nanaa: “Sinbá mosanang bo moumur in kobiaganmu kon dunia naa.”

EPESUS 6:3 ပူးပေါင်းရင်းမြစ်များ

YESAYA 3:10

Ki Tuhan in noguman, “Poyaputdon kon intau inta motoindudui kon i-Nakó kon mosia in mopiabí bo mosaḷamat. Mosia in mokaanbí kon bungai in siniḷopíannea.

YEREMIA 35:7

Kami in diábí motaau in monompinomuḷa bo diá doman motaau in mononggobá andeka oyúon in gobá in anggur. Kinoouput in kobiagan kami in diá doman mobaḻí in moposindog in baḷoi. Kami in mustibí mogutun kon bonu in ḷoḷaigan, sinbá motaau umuran mogutun kon butá tanaa saḷaku intau ango-angoi.

EPESUS 6:2

“Horomatbí in ki amá bo ki inámu” tua in parenta inta totok in moponting nongkon i Allah, sin tua in noyotogot in dandi,

EPESUS 6:4

Bo moiko uḻe guyanga mita ḷoḷaki! Dika rupa-rupaanmai monimu in mosia modapot in tumorú. Nanaa in aidai: biag in mosia kotompia bo tundú in onu inta mopia bo tongginaai podudui inta kinoibog i Tuhan.

ULANGAN 12:25

Aka moiko dumudui kon parenta tatua, yo mopiabí in gina i Tuhan, bo moiko takin buímu in mobiagbí motompia.

ULANGAN 12:28

Torop kopira in bayongan inta ain pinogumanku kon inimu, dá moiko in nogaidon kon inta mopia bo kinoibog i Tuhan Allahmu, dá moiko bo buímu mosaḷamat bo umuran mobiag motompia.”

ULANGAN 22:7

Moiko in motaaubí mogamá kon i adínea mita, táe pomayádon mako in ki inánea ḷumayug, sinbá moumur in kobiaganmu bo mobiag motompia.

ULANGAN 4:40

Duduiaidon in bayongan hukum inta inogoiku kon inimu singgai naa, dá moiko bo buímu in mobiag motompia bo umuran oyúon kon butá inta inogoi i Tuhan Allahmu nobaḻí kapunyaanmu mononoi.”

ULANGAN 5:16

Horomat bo ḷukadai in ki amá bo ki inámu; tuata in parenta-Ku, ki Tuhan Allahmu, sinbá moiko mobiag motompia bo moḷanggó in kobiagan kon butá inta bain ogoi-Ku kon inimu.

ULANGAN 5:33

Aidaidon in bayongan inta pinarenta i Tuhan Allahmu kon inimu sinbá moiko mobiag motompia bo umuran mogutun kon butá inta pogutunan monimu.”

ULANGAN 6:18

Aidaidon onu inta podudui kon i Tuhan mopia bo moadil, dá moiko in mobiagbí motompia. Butá mopia inta pinodandi i Tuhan kon mogoguyangmu, in mobaḻíbí kapunyaanmu,

ULANGAN 6:3

Tuamai indongogaidon utat mita, pokosatiadon in mogaid kon tua, sinbá mopia in kobiagan monimu bo mobaḻí bangusa inta moḷoben kon butá inta nooyúon bo inta mopia, ná inta pinodandi i Tuhan Allah in mogoguyang naton.

RUT 3:1

Diá noonggot kon tua, ki Naomi noguman kon i Rut, “Adíku ramujionkudon kon bá iko in buidon pobuḷoion bo mosanangdon in kobiaganmu.