EPESUS 6:11 - Alkitab Singog In Mongondow Masa In Tanaa

¹¹ Bo paké domandon in touḷut in parang inta inogoi i Allah kon i monimu, sinbá moiko in mokotahang in monayow kon bayongan akaḷ in Ibilis inta diá mopia.

EPESUS 6:11 ပူးပေါင်းရင်းမြစ်များ

NEHEMIA 4:13

Tuamai in akuoi nosilai magí-mako kon pitow, pandong bo piot kon rayat, bo sinampatku in mosia pinodudui kon batúan in inanakannea kon ḻikudmai in dinding, kon tampat mita inta diápa noḷapat sinompia.

MARKUS 13:22

Sin ki inta deeman totu-totuu mopoposaḷamat bo ki inta deeman doman totu-totuu nabi in mamangoibí. Mosia in mogaid doman kon soaḷ mita inta diá in poḻiuan, bo soaḷ mita inta mokoherang sin ponguboḷ, bo aka oyúon in kasampatan yo mopoyaying doman kon umat mita i Allah.

SURAT I PAULUS KON JAMAAT RUM 13:12

Doḷom diádon moonggot; topípa mobayagdon. Dá koḻigai mogogaidon in kita in mogaid kon inta diá mopia, bo momakédon in sonjata inta mobayag.

SURAT I PAULUS KON JAMAAT RUM 13:14

Pomayádon mako bá ki Tuhan Yesus Kristus in monantú kon onu in musti aidan monimu. Bo dika dumudui kon ibog in awak inta baradosa naa sin mopoorop in onu inta koibognea.

KORINTUS 1 10:13

Bayongan in totungkuḷ inta korasaan monimu tua in bagubí totungkuḷ inta biasamai korasaan in intau. Táe ki Allah in tantúbí mosatia kon dandi-Nea. Diábí pomayá-Nea mako in moiko in koantugan totungkuḷ inta moiḻiudon kon komampuan monimu. Kon dodai in koantugan in sobaan in moiko, Sia in umuranbí mobogoi in daḷan kon i monimu, sinbá umuran moropot in moiko bo mokotahang.

KORINTUS 2 10:4

Sin ḷoḷutam mita inta pinaké nami kon usaha tanaa in deemanbí ḷoḷutam in dunia naa, táe ḷoḷutambí mita inta inogoi i Allah inta mokosanggup momoguyaat kon onu inta mokooḻingoi

KORINTUS 2 11:3

Táe moḻia-ḻiawpa in ginaku sin dika-dika bo moitabat in raian monimu bo diádon motoindudui kon i Kristus, naonda bo ki Hawa koḻipod inta kinoakaḷan in uḷag.

KORINTUS 2 2:11

Akuoi in mongampung sinbá Ibilis in diá mogamá kon kasampatan mongawasa kon i naton; sin kinotaauan bidon naton in tomayánea.

KORINTUS 2 4:4

Sin ilah moraat inta mongawasa kon dunia naa in tantú mogoḻingoi kon raian in intau mita inta diá mopirisaya. Siabí tua in tantú mogoḻingoi kon i monia sinbá diá mokoontong kon bayag in Habar Mopia soaḷ kawasa i Kristus inta moḷoben, inta nobaḻí oḻinow i Allah.

KORINTUS 2 6:7

bo poḷat doman mopotaau in habar nongkon i Allah takin kawasa i Allah, pinoontongdon nami kon kami naa in mogogaid mita kon oaidan i Allah. Kami in kinumadai kon onu in kinoibog i Allah saḷaku ḷoḷutam nami kon moḷawang andeka pobela kon onu in inaidan nami.

EPESUS 4:14

Dá kita in diábí naonda bo mongoadí mita inta pinoyaying magí-mako in noyagi-yagimai in totundú in intau mita inta mongomunapik. Mosia tua in mongonguman kon diá totuu sin mopotaḷá kon onu inta noitutui.

EPESUS 4:24

Bo kobiagdon in moiko saḷaku intau mobagu inta pinomia podudui in ibog i Allah, inta moibog dinumudui kon tabiat moitutui, motuḻid bo motusi.

EPESUS 6:13

Manangka intua, tanaa, pakédon touḷut in parang nongkon i Allah sinbá kon singgai moraat naa, moiko in mokosanggup monayow aka tubuon in saturu mita. Bo bá naonda in moiko moparang dapot in mopaḷut, yo umuranpa motorindog bo moropot in moiko.

KOLOSE 3:10

Bo tanaa moiko inogoiandon in kobiagan inta mobagu. Moiko nion in nobaḻí bidon intau nobagu, inta koyogot toimbaguon i Allah inta nopomia kon i monimu podudui in batangan-Nea tontaní. Makusudnea bá totu-totuudon kotaauan monimu in ki Allah.

TESALONIKA 1 5:8

Táe kita naa in intaubí inta nobiag kon singgai inta nobayag; manangka intua musti doman mobayag in raian naton, bo tantú mopirisaya kon i Tuhan bo mositabian doman bo umuran moharap kon bonu in pirisaya kon posaḷamatonbí i Allah in kita. Tuabí in ḷoḷutam inta pakéon naton moḷawang kon inta mosindip.

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.

YAKOBUS 4:7

Tuamai, kotoinduduidon kon i Allah bo ḷawangdon in Ibilis, dá moḷaguidon in Ibilis nongkon i monimu.

PETRUS 1 5:8

Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon.

YUDAS 1:24

Ki Allah, inta mokosanggup moḷukad sinbá moiko diá moḷabú, bo inta mokosanggup modia kon i monimu mayá in tampat pomomarentaannea inta momulia takin gina mosanang bo modarit.

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

WAHYU 2:24

Táe moiko inta ibanea mako kon Tiatira inta diá dinumudui kon totundú inta moraat tatua, bo diá doman nobalajar kon pongotahuan mita in Ibilis, naa in poguman-Ku, diábí dugangan-Ku insibuḷan in tanggungan monimu.

HAKIM MITA 3:2

Pinomia i Tuhan intua tongábí makusud motundú kon bayongan in intau mita topobiagan kon Israel moparang, inta dungkuḷ totok in mosia inta diápa kon dodai in onda sinumakin noparang.