EPESUS 6:1 - Alkitab Singog In Mongondow Masa In Tanaa

¹ Uḻe! Moiko mongoadí mita inta saḷaku dumodudui i Kristus, duduiaibí in tonggina in guyangamu, sin natuabí in kinoibog i Allah aidanmu.

EPESUS 6:1 ပူးပေါင်းရင်းမြစ်များ

KINOBAḺIAN 28:7

Kinotaauannea doman kon ki Yakub in dinumuduidon kon tosingogon i amá bo i inánea bo minayádon in Mesopotamia.

KINOBAḺIAN 37:13

ki Yakub in noguman kon i Yusup, “Bayápa iko in Sikhem, kon tampat pinoḷukadan i guya-guyangmu mita kon paanan bembé domba naton.” Tubag i Yusup, “Mobaḻí, Papa.”

KINOBAḺIAN 48:12

Onda intua ki Yusup nogamá kon i monia nongkon kokoyo-koyot i Yakub, bo sia doman tontaní sinumungkud kon tayowon i amánea.

KINOBAḺIAN 50:12

Natuadon ki adí mita i Yakub nomia kon onu in tongkoyow i Yakub kon i monia.

NEHEMIA 9:13

Nongkon ḷangit noponag in Iko kon tudu in Buḷud in Sinai, bo nongonguman in Iko takin umat-Mu tontaní. Inogoian-Mu in hukum, atorang bo parenta inta moadil, mobanar bo oyúon in mangaḻenea.

ESTER 2:20

Ki Ester in diápabí doman nopotaau kon sia in intau in Yahudi, sin diá ogoi i Mordekhai potaaunea. Ki Ester in dinumuduibí kon tonggina i Mordekhai ná kon dodaipa in sia nointokpa bo biniag in ki adí in doyowa mogutatnea tatua.

AYUB 33:27

Dá kon tayowon in intau moantó sia in moguman, ‘Inta moraat inanggapku mopia, moḷobenbí in dosaku, tongá ki Allah in diábí nohukum kon inakó.’

MAZMUR 119:128

Tuamai akuoi in nobiag podudui in bayongan topotundú-Mu; dodia inta mobelung in kinodoíku.

MAZMUR 119:75

Kinotaauanku kon pinononantú-Mu in moadil o Tuhan, Iko in nohukumdon kon inakó popisí in kososatia-Mu.

MAZMUR 19:8

Hukum i Tuhan tua in motomoman, mokosanang kon dimukud. Parenta i Tuhan motaau pirisayaan, mobogoi in hikmat kon intau inta diá kopongalaman.

AMSAL 1:8

Tondudutka in onu inta pinoguman i amá bo i inámu kon inimu, adíku,

AMSAL 23:22

Duduiaibí in ki amámu; sin, aka diá in sia yo diábí doman in iko. Aka ki inámu in mogoguyangdon, yo poniatabí kon iko in mohoromat kon inia.

AMSAL 30:11

Oyúon in intau mogodi-godimai kon i amánea bo diá mohoromat kon i inánea.

AMSAL 30:17

Intau inta moningkuḻe kon i amánea andeka kon i inánea inta ain nogoguyang, patusbí pogambat kon ḷuai sinbá matanea padokon in ḷagapan kawag bo awaknea in kaanon in ḷagapan boniá.

AMSAL 6:20

Adíku, aidaidon onu inta pinoki aid i amámu, bo dika mokoḻiong kon tonggina mita i inámu.

YEREMIA 35:14

Ki Yonadab in nogimaḷow kon buínea in monginum kon anggur, bo mosia in motoindudui kon imaḷow tatua. Nodapot in singgai naa diá tobatúmai in intau nongkon i monia in nonginum kon anggur. Táe Akuoi in tantúbí mosingog kon i monimu, bo moiko in doí mokidongog.

YEREMIA 35:18

Bo Akuoi in noguman kon intau mita inanakan i Rekhab kon ki Tuhan Inta Totok in mokawasa, Allah in Israel, noguman nanaa, “Moiko in notoinduduidon kon mogoguyangmu ki Yonadab, bayongan in parentanea aindon dinuduian bo pinobayá.

YEREMIA 35:8

Bayongan inta pinarenta i Yonadab kon inami ain sinokoduduian nami. Kinoouput in kobiagan, kami bo adí buḷoi nami in diábí nonginum kon anggur.

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

IMAMAT 19:3

Bayongan intau musti mohoromat kon i amá bo kon i inánea bo mohoromat kon singgai in Sabat ná inta pinarenta-Ku. Akuoi in ki Tuhan Allahmu.

LUKAS 2:51

Onda intua ki Yesus nobuidon kon Nazaret noyotakin monia bo umuran dinumudui kon parenta in guyanga-Nea. Bayongan inta ain nobaḻí umuran sinagú i Maria kon bonu in ginanea.

SURAT I PAULUS KON JAMAAT RUM 12:2

Donaai in moiko dumudui kon ibog in dunia naa. Pomayádon mako in ki Allah in monoimbagu kon i monimu, sinbá mobaḷui in moiko. Sahingga in kotaauandon monimu onu kinoibog i Allah, tuata inta mopia bo inta mokosanang kon gina-Nea bo inta mosompurna.

SURAT I PAULUS KON JAMAAT RUM 16:2

Tarimadon in sia saḷaku tobatú umat i Tuhan. Mustibí natua in intau mita inta mopirisaya mositarimaan. Tuḷungai in sia aka oyúon in paraḷunea kon i monimu, sin sia tontaní ain notuḷung kon intau mobayong bo kon inakó doman.

SURAT I PAULUS KON JAMAAT RUM 7:12

Hukum agama tua in nongkon i Allahbí, bo pomuḷoi in parenta kon bonu in hukum tatua namangoibí nongkon i Allah, manangka intua moadilbí bo mopia.

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

ULANGAN 21:18

“Aka oyúon in adí ḷoḷaki inta motogat i gina, moibog momarontak bo doí dumudui kon singog in guyanganea umpaka aindon ihukum monia in sia.

TIMOTIUS 1 5:4

Táe aka intau boba-bobay tatua kogadípa ande kogompupa, yo ki adínea andeka ki ompuneapa tatua in muna tongginaan kon bá umuran tarukiraan in guyanga monia tatua, bo motuḻí kon tabi i iná ande i baay monia tua, sin tuabí in kinoibog i Allah.

PETRUS 1 2:13

Popisí in mopirisaya kon i Tuhan, dá moiko in musti mokopotoindudui kon pomarenta, pinomayá kon i Kaisar inta nokadai kon kawasa inta totok moponting,

RUT 3:5

“Mopia, Iná,” tubag i Rut, “Aidankubí in bayongan inta pinoki aid i Iná.”

SAMUEL 1 17:20

Nobangon monik, doḷo-doḷom, ki Daud nobangon bo nonouḷut. Dombanea in pinoki ḷukadnea kon moḷoḷukad tobatú, onda intua nogamá in sia kon tongkaaḷnea bo minayá, podudui in parenta i amánea. Sia in nodapot kon pinononḷoḷaigan kon dodai in intau in Israel mobuat mayá in tampat popoparangan sindaḷan momaḷú in parenta moparang.