EPESUS 5:4 - Alkitab Singog In Mongondow Masa In Tanaa

⁴ Ná doman tua, dika mosingog kon inta moromú, inta mokotor bo inta diá in baragunanea. Táe moiko in mustidon mopoyaput in sukur kon i Allah.

EPESUS 5:4 ပူးပေါင်းရင်းမြစ်များ

MAZMUR 33:1

Ei intau mita motoḷutui, porogiowdon takin pia in gina sin onu inta ain inaidan i Tuhan; patusbí in intau motuḻid in gina umuran modayow.

MAZMUR 92:1

Dondong kon singgai in Sabat.

AMSAL 12:23

Intau mobijaksana in diábí mongonguman kon sinotaaunea; intau bodok mopotaa-taau mako in kobobodoknea.

AMSAL 15:2

Tosingogon in intau mobijak mokopomia kon gina moangá kon sinotaau; tosingogon in intau bodok tongábí moguman kon kobobodok.

MOHOHUTUBA 10:13

Pangkoiannea in ouman uboḷ, táe imbuitnea oumannea naonda bo intau nobundai.

DANIEL 6:10

Dá ki Datu Darius in notekengdon kon surat parenta tatua.

MARKUS 7:22

monuaḻing, monguboḷ, moponapud in diá totuu, bo mogaid kon bayongan inta moraat, modunia, diá koendar, mointoi, mokaḷakuang, bo moyoyiga didikon.

YOHANES 6:23

Noiduduimai kon tua tongonumai uangga nongkon kotá in Tiberias namangoi bo sinumubu kon diug in tampat pinokaanan kon intau moantó kon roti naonda in ki Tuhan nopoyaput in sukur.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

KORINTUS 2 9:15

Posukurdon kon i Allah sin diá in poḻiu kon barakat inogoi-Nea.

EPESUS 1:16

dá akuoi in tantú mopoyaput in sukur kon i Allah sin lantaran moiko. Pomuḷoi in akuoi mosambayang umuranku doman kotangoian i moiko.

EPESUS 4:29

Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

KOLOSE 3:8

Táe tanaa, ḷumbúdon monimu in soaḷ mita inta moraat nongkon inimu: dika tumorú ande momarontak, ande moyaat in gina kon intau ibanea, ande monibá, bo mosingog kon tosingogon inta moromú.

TESALONIKA 1 3:9

Diádon in poporupaan in sukur nami kon i Allah sin bayongan inta mokosanang kon gina kon tayowon-Nea, lantaran moiko.

TESALONIKA 1 5:18

Naondakabí in kaadaan monimu, yo tantúbí posukur, sin tuata in kinoibog i Allah aidan monimu saḷaku intau mita inta ain nobiag notobatú i Yesus Kristus.

PILEMON 1:8

Manangka intua, saḷaku intau inta tumpaḷa mopirisaya kon i Tuhan Yesus dá sabanarnea oyúonbí in hakku mokiaid kon i Utat in onukadon inta musti aidan i utat.

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

PETRUS 2 2:18

Mosia in umuran mopodandi in uboḷ mita bo inta diá baraguna. Ibog monia inta mokotor totok tatua pinaké monia mopoyaying kon i monia inta bagupa nopirisaya kon i Tuhan.

PETRUS 2 2:7

Táe ki Lot in pinosaḷamat sin sia in dinumudui kon singog i Allah; mororiga totok in ginanea sin umuran mokoontong kon aid mita mokotor inta pinomia in intau mita inta moromú.

YUDAS 1:10

Táe mosia in kopia nopoyaput in tosingogon mita pohojat kon bayongan inta diá kinomangaḻean monia. Mosia tua in nádon onda bo mahaḷuk inta diá koraian, inta nonotaau kon soaḷ mita tongá podudui in porasaan monia. Bo soaḷbí mita tatua inta mokopopisí kon koyoyangan monia.

YUDAS 1:13

Mosia notongkai doman in bokoḷ moropot kon dagat inta mokopomuká kon burá, natua in mosia monomburá kon oaid mita monia inta mokooyá. Mosia tua in ná doman onda bo mahaḷuk mita inta modondaḷoi magí mako bo inta ain pinosadiaan i Allah kon tampatnea kon bonu in tampat inta totok in mosindip modapot in kopaḷutannea.