EPESUS 5:30 - Alkitab Singog In Mongondow Masa In Tanaa

³⁰ Kinotaauanbí naton intua, sin kita in anggota mita in awak i Kristus.)

EPESUS 5:30 ပူးပေါင်းရင်းမြစ်များ

KINOBAḺIAN 2:23

Dá intau tatua in nogumandon nanaa, “Naa in sia, intau inta notongkaiku – tuḷan nongkon tuḷanku, bo tapú nongkon tapúku. Tangoianku in sia bobay, sin sia in ginamá nongkon ḷoḷaki.”

SURAT I PAULUS KON JAMAAT RUM 12:5

Natua doman in kita. Umpaka kita in nobayong, táe kita in tongoawakanbí monag, sin kita ain notobatú kon i Kristus. Bo kita komintan in noyoguputbí in tobatú bo tobatú saḷaku anggota in awak tobatú.

KORINTUS 1 6:15

Kinotaauan bidon monimu uḻe utatku mita, kon awak monimu nion in notobatúbí i Kristus. Dá umpaka yo motaau gamáan in tobonsig bo pakéon mogaid kon inta diá mopia? Tantú diábí motaau!

EPESUS 1:23

Jamaat tua awakbí i Kristus, pinosompurna i Allah inta noposempurna in bayongan yagi-yagi kon ondaka.

EPESUS 5:29

Diábí kon dodai in onda in intau mosakí in gina kon awaknea tontaní. Táe tompiaan bo ḷukadanneabí ná doman ki Kristus monompia kon jamaat-Nea.

KOLOSE 2:19

sahingga in diádon kumadai kon i Kristus inta nobaḻí tongguḷu. Kon bonu in pimpinan i Kristus, bayongan in awak iḷukadan bo sinobatú in sendinea mita, poḷat nobiag podudui in ibog i Allah.