EPESUS 5:25 - Alkitab Singog In Mongondow Masa In Tanaa

²⁵ Buḷoi ḷoḷaki, musti motabi kon i buḷoinea, ná doman tabi i Kristus kon jamaat inta dapot in noposarakan in awak-Nea sin kopontingan in jamaat tatua.

EPESUS 5:25 ပူးပေါင်းရင်းမြစ်များ

KINOBAḺIAN 2:24

Tuamain ḷoḷaki in musti monaḷámai kon i amá bo kon i inánea, bo motobatú takin i buḷoinea.

KINOBAḺIAN 24:67

Nopaḷut mako kon tua ki Ishak nodia kon i Ribka sinumuot kon ḷoḷaigan i Sara, ki inánea, bo sinonibuḷoineadon in ki Ribka. Ki Ishak motabi totok kon i Ribka; dá noḻipoidon in susa i Ishak popisí in kinopatoiandon i inánea.

SAMUEL 2 12:3

bo ki inta nobiag nobogá in tongá oyúon in ki adí in domba tobatú, inta sinaḷuinea. Ki adí in domba tatua biniagnea nodapot in noḷoben kon bonu in baḷoinea noyotakin i adínea mita. Ki adí in domba tatua pinokaannea in kaanon in intau tatua, nodapot in nonginum kon palonea, bo mosiug kokoyo-koyotnea; impoḷok mako in tosingogon, pinomianea naonda bo ki adínea bobay tontaní.

DONDONG MOḶANTUD 1:11

Pogaidan nami kon ḷambá buḷawan in iko, manik-manik doman mita nongkon saḷaka.

MATIUS 20:28

Ná ki Adí Intau namangoi deemanbí mokibantung, táe mamangoibí mobantung bo mobogoi in nyawa-Nea potobut kon dosa in intau mobarong.”

YOHANES 6:51

Akuoibí in roti inta noponag nongkon soroga, roti inta mobogoi in kobiagan. Intau inta mokaan kon roti tanaa in umuranbí mobiag. Roti inta ogoi-Ku kon kobiagan intau kon dunia naa in awak-Kubí.”

OUMAN IN RASUL MITA 20:28

Manangka intua yo mokopopiadon in moiko bo umuran moḷukad kon awak monimu bo poḷat doman ḷukadai in bayongan umat i Allah inta ain pinosarakan i Allah kon i monimu sinbá ḷukadan. Sin moiko nion ain sinantú in Roho i Allah mobaḻí moḷoḷukad bo mononompia kon umat i Allah inta ain sinobut-Nea in dugú i Adí-Nea tontaní.

GALATIA 1:4

Ki Kristus in dinumudui kon koibog i Allah, ki Amá naton, sahingga in Sia noposarakan in awak-Nea tontaní nobaḻí kuruban potobut kon taḷá mita naton, sinbá kita in posaḷamaton nongkon kaadaan masai naa inta diádon mopia naa.

GALATIA 2:20

Tongá akuoi in nobiag, táe deeman bidon akuoi, sin ki Kristus bidon in naa kon awakku. Bo kobobiagku tanaa mako in kobobiag bidon inta pinodoyon kon pirisayaku kon i Adí i Allah inta notabi kon inakó, bo inta ain noposarakan in awak-Nea tontaní sin kopontinganku.

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.

EPESUS 5:24

Tuamai in naonda bo jamaat inta musti motoindudui kon i Kristus, yo musti doman natua in buḷoi bobay, kon bayongan in yagi-yagi musti in sia motoindudui kon i buḷoinea.

EPESUS 5:28

Dá mustibí doman natua in buḷoi ḷoḷaki, musti in sia totu-totuu motabi kon i buḷoinea ná kototabinea kon awaknea tontaní. Intau inta motabi kon i buḷoinea bobay, mangaḻenea kon tua, sia motabi kon awaknea tontaní. (

EPESUS 5:33

Táe tontagá tanaa noyohubung doman i monimu: Tuamai kotabibí in ki buḷoimu naonda bo kototabimu kon awakmu tontaní, ná doman tua, buḷoi bobay in musti tantú moramuji mohoromat kon i buḷoinea.

KOLOSE 3:19

Bo moiko utat mita buḷoi ḷoḷaki, kotabibí in ki buḷoimu, dikabí rumomú kon inia.

TIMOTIUS 1 2:6

Sia in tobatú intau inta ain noposarakan in awak-Nea sin pinotobut kon dosa mita in bayongan intau. Tua in moponiata kon wakutu inta ain sinantú i Allah, ibogon-Nea in bayongan intau in posaḷamaton.

PETRUS 1 3:7

Moiko doman, ḷoḷaki mita komangartibí kon i buḷoi monimu poḷat doman monotaau kon mosia tua in intaubí mita inta moyangkó. Horomatbí in mosia, sin mosia tua in moyotakin monimu motarima kon tombuinag kobiagan inta mononoi nongkon i Allah. Aidaibí in naa sinbá diá in mokoḷamboi kon sambayang monimu.

WAHYU 1:5

bo nongkon i Yesus Kristus, sakusi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kon bayongan datu kon dunia naa. Ki Yesus in motabi kon i naton, tuamai Sia in noibog minatoi sin momilat kon i naton nongkon kawasa in dosa mita naton,

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.