EPESUS 5:16 - Alkitab Singog In Mongondow Masa In Tanaa

¹⁶ Pakédon kopia in kasampatan inta oyúon kon i monimu, sin masa in tanaa in masa bidon inta moraat.

EPESUS 5:16 ပူးပေါင်းရင်းမြစ်များ

KINOBAḺIAN 29:7

Guman i Yakub, “Singgai nobayagpa bo deemanpa wakutunea bembé domba potuoton kon ḷantung. Yo nongonu sin biag mita tatua in diábí poinumon monimu, bodongka pomayádon mako in mosia mokaan kon bonok?”

MAZMUR 37:19

Kon tungkuḷ in mororiga, diábí moajar in mosia, kon dodai in malarat in kaanon yo mosia in diábí kodaitan.

MOHOHUTUBA 11:2

Paké in doitmu kon bayongan in totayak; kobayongbí in totayak. Sin intau in mustibí kiḷuka-ḷukadmai, kon dodai in bodito diápa moiantug.

MOHOHUTUBA 12:1

Toropbí in ki Inta nomaḻí kon inimu kon tungkuḷ in iko nobagupa, kon dodai in diápa moiangoi in taong mita inta mopuḻing in roriga. Kon tungkuḷ intua iko in moguman, “Kobiaganku in diá mokosanang.”

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

DANIEL 2:8

Nokodongogmai kon tua ki datu in notubag, “Totuu ná inta kon raianku. Moiko in tongábí moduga-dugang kon wakutu, sin kinotaauan monimu kon akuoi in komakusud

AMOS 5:13

Popisí in aidmu tatua, dá intau mita inta mobijaksana mokorasa kon mopia-piabí kon kibio-biómai kon sempo inta moraat ná tatua.

MATIUS 25:17

Ná doman tua in simpaḷ inta nokouḻí kon doyowa noribu, pinobaragunanea doman intua, sahingga in nokouḻí doman kon kauntungan doyowa noribu.

YOHANES 12:35

Ki Yesus in notubag: “Tongábí samantara in bayag tatua kon yua-yuak monimu. Tuamai bayádon kon dodai in bayag tatua kon yua-yuakpa monimu, sinbá moiko in diá kokawasaan in sindip, sin intau inta mayá kon bonu in sindip in diábí kotaauannea in bayáannea.

SURAT I PAULUS KON JAMAAT RUM 13:11

Koḻikud intua komintan, kinotaauan monimu kon masai in naa wakutudon monimu mobangon nongkon pinosiugan. Sin wakutu poposaḷamatan kon i naton kodiug-kodiugdon totok nongkon wakutu in kita bagupa nopirisaya.

KORINTUS 1 7:26

Moindoimai kon kaadaan masai naa, yo maníka ki ine in diápa pinobuḷoi yo tantúpa natua.

GALATIA 1:4

Ki Kristus in dinumudui kon koibog i Allah, ki Amá naton, sahingga in Sia noposarakan in awak-Nea tontaní nobaḻí kuruban potobut kon taḷá mita naton, sinbá kita in posaḷamaton nongkon kaadaan masai naa inta diádon mopia naa.

GALATIA 6:10

Dá tuamai kon dodai in oyúonpa in kasampatan naton, yo koḻigai in kita sinbá mogaid kon inta mopia kon bayongan in intau, muna-munamai kon i utat mita naton inta mopirisaya kon i Tuhan Yesus.

EPESUS 6:13

Manangka intua, tanaa, pakédon touḷut in parang nongkon i Allah sinbá kon singgai moraat naa, moiko in mokosanggup monayow aka tubuon in saturu mita. Bo bá naonda in moiko moparang dapot in mopaḷut, yo umuranpa motorindog bo moropot in moiko.

EPESUS 6:15

Bo ginamu inta mobayag in mopoyaput in Habar Mopia inta mokopoangoi kon kobiagan motompia, tua in baḻídon sapatumu.

KOLOSE 4:5

Mokopobijaksanadon in mobiag moyotakin intau mita inta diá mopirisaya, bo pakédon kopira pomuḷoi oyúon in kasampatan.