EPESUS 4:8 - Alkitab Singog In Mongondow Masa In Tanaa

⁸ Sin kon bonu in Buk Motusi ain pinais nanaa, “Wakutu in Sia namonik in tampat inta totok in moḷantud, Sia nodia kon intau mobayong inta sinokodomok; bo Sia in nobogoi in totabi mita kon intau.”

EPESUS 4:8 ပူးပေါင်းရင်းမြစ်များ

ESTER 2:18

Nopaḷut mako kon tua, ki datu in nomia kon rame moḷoben sin pohoromatan kon i Ester bo nogoiní kon bayongan in pogawainea bo intaunea mita moḷoben. Sia in nopotaau kon singgai pogogaian kon bayongan in dodatuan bo nosilai-silai mako kon tombuinag inta mobayong totok.

MAZMUR 68:18

Takin puḷúan ribu in kereta inta moropot ki Allah in sinimindog kon yuak monia kon bonu in kamuliaan-Nea.

AMSAL 30:4

Intaubí táonda in nokoimontandon in noponik noponag kon soroga? Nokoimontandon degá in sia norangkom mako kon tompot, bo mopobakut in ḷambungnea kon tubig, andeka nonantú kon sigad mita in dunia? Ki ine in sia, bo ki ine in ki adínea? Notantúbí kon kinotaauanmu!”

EPESUS 4:11

Sia doman tua inta nobogoi in rasul, nabi bo intau mita inta mopoyaput in Habar Mopia, gombala bo guru mita.

KOLOSE 2:15

Kon kayu pinoyotaḻempang tatuata pinomia i Kristus in bayongan roho inta nomarenta bo inta nongawasa diádon nokopongonu bui. Mosia in pinomiadon tontonan in bayongan intau kon wakutu in diaan i Kristus in mosia saḷaku intau inta sinokodakop kon pinoramean in kinountungan-Nea.

HAKIM MITA 5:12

Sindogdon Debora, bo podondongdon. Pobuatdon Barak, diádon in intau mita inta sinokodomok!

SAMUEL 1 30:26

Naonda in ki Daud nobui kon Ziklag, nokidia in sia in tongo tonsilai nongkon barang mita inta inagow tatua kon itoi mita in kotá in Yohuda inta ain notuḷung kon inia, gumannea, “Naadon in tombuinag kon inimu nongkon barang inta inagow inta ginamá nami nongkon musung i Tuhan.”