EPESUS 4:31 - Alkitab Singog In Mongondow Masa In Tanaa

³¹ Ḷumbúdon in bayongan inta mokosakí kon gina, donaaidon motagú kon gina bo rogi. Donaai domandon umuran moyogenggeng bo mosiponapudan in diá totuu bo ḷumbú domandon in bayongan inta moraat.

EPESUS 4:31 ပူးပေါင်းရင်းမြစ်များ

KINOBAḺIAN 27:41

Dá ki Esau nosaturudon kon i Yakub pinopisí in ki amánea ain nobogoi in barakatnea kon i ai-ainea tatua. Kon bonu in raiannea, “Diádon moonggot bo ki amánea in matoi bo bain mopaḷut mako kon kopatoian, ki Yakub ḻimodonku!”

KINOBAḺIAN 37:21

Ki Ruben nokodongog kon tomayá monia tatua, dá sia in moramuji moposaḷamat kon i Yusup. “Dika ḻimodon in sia,” gumannea.

KINOBAḺIAN 37:4

Naonda in ki guya-guyang mita i Yusup nokoontong kon ki Yusupbí in kotabi-tabi amá monia, noyaatdon in gina monia kon i Yusup, dapot in mosia doídon mongonguman tumompiamai takinnea.

KINOBAḺIAN 4:8

Bo ki Kain in noguman kon i Habel, ki ai-ainea tua, “Koḻigai kita mayá in gobá.” Naonda in mosia kon tua, ki Kain in nomongkug bo poḷat noḻimod kon i Habel inta ki ai-ainea tontaní tua.

SAMUEL 2 13:22

Sinagú totok i Absalom kon gina in yaat in ginanea kon i Amnon bo doídon in sia mongonguman takinnea popisí in sia ain nodomok kon i Tamar inta ki ai-ainea.

SAMUEL 2 19:27

Nodapot in pinoponapudannea akuoi in uboḷ kon i Tuang datu. Táe ki Tuang in naonda bo malaekat i Allah. Tuamai in pomiadon in onu inta mopia kon mata i Tuang datu.

SAMUEL 2 19:43

Intau in Israel in notubag, “Hak nami kon i datu in mopuḷú noguntuḷ in koḷobennea nongkon i monimu. Nongonu sin moiko in diábí moindoimai kon inami? Dika koḻiongan kon kamibí naa inta muna-munamai totok noguman kon modiadon bui kon i datu mobui!” Táe intau in Yohuda in motoga-togat in intau in Israel bo doí taḷowon.

MAZMUR 101:5

Intau inta umuni-uni moponapud in uboḷ in putúanbí. Intau inta moḷoḷatú bo motosiḷantud in diábí pomayáku mako.

MAZMUR 140:11

Biódon mako mosia in kotampurangan baga in tuḷú, bo pinogonag kon bonu in bubú in popatoi, dá diádon mokoḷuai bui.

MAZMUR 15:3

inta diá noponapud in uboḷ kon tumpaḷa intau, diá mopoaid in moraat kon yobayat, bo diá moporaa-raatmai kon tangoi in topodiugneamai;

MAZMUR 37:8

Dika tumorú bo monanaḻi in gina, tua in tongábí mokobodito.

MAZMUR 50:20

Iko in umuranbí moponapud in uboḷ kon ginaḷummu, bo moposingo-singogmai kon i utatmu totok.

MAZMUR 64:3

Oḻingoiaipa in akuoi nongkon pinoyopopogan in intau moromú, nongkon tomayá molicik in intau mita moraat.

AMSAL 10:12

Yaat in gina mokopomuká kon ropatoi; totabian mongampung kon bayongan in taḷá.

AMSAL 10:18

Intau inta mobuni kon yaat in gina yo sia in intaubí mouboḷ. Intau inta moponapud magí mako in uboḷ in intaubí dondunguḷ.

AMSAL 14:17

Intau tumorú in mogaid kon inta mobodok; intau mobijaksana in mosabar.

AMSAL 18:8

Moponapud tua in mopiabí in korasaan; intau moibog moḻiom kon tua.

AMSAL 19:12

Torú in datu naonda bo ganggor in singa; kopopia in datu naonda bo oḷú inta momobat kon mobobiag mita.

AMSAL 25:23

Tompot in utuan notantúbí kon mopoangoi in uyan; natua doman in rorebegan notantúbí kon mokopomuká kon rogenggeng.

AMSAL 26:20

Aka kayu modaitdon, yo tuḷú in mopiong domandon; aka intau bibigon diádon, yo bobayowan in mogogaibí domandon.

AMSAL 29:22

Intau inta bayá-bayá tumorú mokopopisí kon mobayong in intau mobobayowan bo baradosaan.

AMSAL 29:9

Aka intau mobijaksana bo intau bodok mopelekara, intau bodok tua in tongábí momarontak bo kumosing dá mokopomukádon kon dowawá.

MOHOHUTUBA 7:9

Dika baḷú tumorú totok; tongábí intau bodok in motagú kon gina.

YEREMIA 6:28

Mosia komintan in momomarontak inta pamandot, naonda bo kotogat in bitú bo uatoi. Oaid monia in diá mopia bo maya-mayá mako sin mopotaau in habar inta moporomú kon intau ibanea.

YEREMIA 9:4

Umpaka kon yobayat, yo kon batúan in intau musti mokopoingat bo utat inoyod yo diá doman motaau pirisayaan. Sin, ná ki Yakub yo natua doman in mosia, kon batúannea monguboḷ kon i utatnea. Batúan in intau maya-mayá mako sin moponapud in diá totuu bo uboḷ.

OUMAN IN RASUL MITA 21:30

Dá notombaukdon in bayongan intau kon kotá tatua, bo bayongan in intau namangoi noyosipun. Mosia in nodomok kon i Paulus bo pinoḷuai monia nongkon Baḷoi Tuhan bo kon dodaipa doman tatua bayongan in ngara in Baḷoi Tuhan sinokoḻingkopan.

SURAT I PAULUS KON JAMAAT RUM 3:14

Bibig monia nopuḻing in singog inta pogodi-godi bo pohojat.

KORINTUS 1 14:20

Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon.

KORINTUS 1 5:8

Manangka intua, koḻigai in kita morame takin momaké in roti inta diá koragi, tuata in roti inta pinodoyon kon gina motuḻid bo inta kinopopia in gina i Allah. Dika in kita momaké in ragi inta nokoyongandon, ragi inta diádon nopia bo ain noromú.

KORINTUS 2 12:20

Sin moḻia-ḻiaw in ginaku, dikabo naonda in akuoi mamangoi, koangoiankumai moiko diádon ná inta iharapku mako, ná doman tua in akuoi, koangoianmai monimu, diádon ná inta iharap mako monimu. Sin dikabo mobobayowanmai in moiko, mosiintoian, dumodia, tongá moibog morai kon kopontingan tontaní bo mopotombauk.

GALATIA 5:20

Mosia in moibog mosumba kon ilah mita ibanea, mongonggaing, moibog mosisaturuan, moibog moropatoi, mointoi kon intau ibanea, ḷagi tumorú, bo tongá morai kon kopontingan tontaní, momoguyaat kon jamaat; bo moibog mopoyoposi kon inta,

EPESUS 4:22

Manangka intua taḷaaidon in aid monimu koḻipod inta dinumudui kon kobobiag koyongan inta ain pinoguyaat in bayongan ibog mokobaradosa.

EPESUS 4:25

Manangka intua Utatku mita, dikadon moibog monguboḷ. Mokopojujurbí aka mobiag, sin kita komintan naa in tumpaḷabí anggota in awak i Kristus.

EPESUS 4:26

Aka moiko bo tumorú, yo mokopopia sinbá diá baradosaan popisí in torúmu tatua. Dika tumorú tumongo singgai tua,

KOLOSE 3:19

Bo moiko utat mita buḷoi ḷoḷaki, kotabibí in ki buḷoimu, dikabí rumomú kon inia.

KOLOSE 3:8

Táe tanaa, ḷumbúdon monimu in soaḷ mita inta moraat nongkon inimu: dika tumorú ande momarontak, ande moyaat in gina kon intau ibanea, ande monibá, bo mosingog kon tosingogon inta moromú.

TIMOTIUS 1 3:11

Ná doman tua, ki buḷoi monia bobay in mustibí intau mopia deemanbí intau inta maya-mayá mako mongonguman kon uboḷ. Mosia in mustibí intau inta mokokotahang kon bibig bo motaau doman pirisayaanmai kon bayongan in yagi-yagi.

TIMOTIUS 1 3:3

donaaibí in intau inta umuran moḷoḷangu, ande intau inta moibo-ibog moropatoi, táe intaubí inta moaḷus in dodia bo pososingognea bo inta moibog doman in dodamean, bo diá dinoit.

TIMOTIUS 1 5:13

Apadoman wakutu monia in tongá modait kon agían akoan kon baḷo-baḷoiannea. Bo moiḻiu doman in raat kon tua aka mosia in moibog doman moporaa-raatmai kon tangoi intau ibanea bo moibog doman umaui kon urusan in intau ibanea, bo mongonguman doman kon soaḷ mita inta diá patus oumanon kon intau ibanea.

TIMOTIUS 2 2:23

Dika moibog mobobayowan takin intau mita bodok inta diá nonotaau kon onu bo onu. Ain bidon kinotaauanmu kon tongábí intua mokopomuká kon yogenggeng.

TIMOTIUS 2 3:3

Diábí in tabi monia kon tumpaḷa intau, sahingga doíbí mongampung kon intau inta kotaḷá kon i monia, bo moibo-ibog in moporaatmai kon intau ibanea, bo diá doman mokotahang kon ibog, totok doman in morogi bo soaḷ inta mopia in kodoíbí monia.

TITUS 1:7

Sin itoi kon jamaat tua in mogaidbí kon oaidan i Allah, manangka intua mustibí intau inta mopia, diá mododia bo diá morogi, deemanbí intau inta umuran moḷoḷangu, deeman doman intau inta moibog-ibog motayak kon mokorogenggeng bo diá doman dinoit.

TITUS 2:3

Tongginaai doman in guyanga mita bobay, sinbá oaid monia in moidudui kon aid in intau mita inta nonotaau kon i Allah. Tundú doman sinbá mosia in diá moibog moponapud in soaḷ mita inta diá totuu kon intau ibanea. Dika doman ogoi monginum kon oinumon inta mokoḷoḷangu. Mosia in musti motaau motundú kon inta mopia,

YAKOBUS 1:19

Utat mita inta kinotabiku, tarukira kopira in naa! Pomuḷoi in intau musti ḻimikat in mokidongog, tongá mokopoḷaḷoi in mosingog bo donaai doman baḷú tumorú.

YAKOBUS 3:14

Táe aka moiko in mointoi bo tongá morai kon kopontingan tontaní, donaaibí pongaḷakuang monimu in kabijaksanaan tatua, sin dodia monimu natua in mopoyotuuybí in habar inta nobanar nongkon i Allah.

YAKOBUS 4:11

Utatku mita, donaai in moiko mosiponapudan ande mosipotaḷáan. Intau inta moponapud ande mopotaḷá kon i utatnea inta tumpaḷa Keresten, yo intau tatua in moningkuḻe bo mopotaḷá in hukum i Allah. Bo aka moiko in mopotaḷá kon hukum i Allah, mangaḻenea kon tua moiko in diá dinumudui kon hukum mita tatua, táe moiko in mobaḻídon hakimnea.

PETRUS 1 2:1

Manangka intua, ḷumbúdon in bayongan inta moraat; kon i monimu, bo donaaidon umuran monguboḷ, momunapik. Dikadon mointoi, bo dikadon mohojat kon intau ibanea.

YOHANES 1 3:12

Donaaibí in kita ná ki Kain, inta nobaḻí ki adí in Ibilis bo noḻimodon kon i utatnea tontaní. Nongonu sin ki Kain in noḻimodbí kon i utatnea? Popisíbí in soaḷ mita inta pinomianea in nongoitaḷá, táe soaḷ mita inta pinomia i ai-ainea in noitutui.

YOHANES 1 3:15

Intau inta mosaturu kon i utatnea in intaubí moḷoḻimod, bo kinotaauanbí monimu kon intau moḷoḻimod in diábí mokouḻí kon kobiagan mopia bo mononoi.

WAHYU 12:10

Bo akuoi in nokodongog kon singog noḷangon nongkon soroga inta noguman, “Tanaadon in wakutunea ki Allah moposaḷamat kon umat-Nea! Tanaadon in wakutunea ki Allah mopoontong in kawasa-Nea saḷaku Datu! Tanaa in Datu Mopoposaḷamat inta pinodandi tatua mopoontong domandon in kawasa-Nea! Sin ki inta moponapudmai doḷom bo singgai kon i utat naton ain pinoḷuai nongkon soroga.