EPESUS 4:29 - Alkitab Singog In Mongondow Masa In Tanaa

²⁹ Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

EPESUS 4:29 ပူးပေါင်းရင်းမြစ်များ

MAZMUR 45:2

Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

MAZMUR 5:9

O Tuhan, totuubí mobayong in saturuku! Kapitdon in akuoi in mogaid kon onu in kinoibog-Mu, bo poontongdon in daḷan-Mu inta musti bayáanku.

MAZMUR 52:2

kon tungkuḷ in ki Doëg, intau in Edom, namangoi nopotaau kon i Saul kon ki Daud in noiyaputdon in baḷoi i Abimelek.

MAZMUR 71:24

Kinoouput in singgai popotaaukubí in kooadil-Mu, sin intau mita inta moibog mopobodito kon inakó ain sinaḷow bo pinokopo oyámai.

AMSAL 12:13

Intau moraat in koakaḷan in tosingogon mita moraat inta siningognea; intau mopia kotaḻiban in roriga.

AMSAL 15:23

Tosingogon mita inta siningog inta noitaná kon wakutunea, mokopoangoi kon sanang in gina.

AMSAL 15:7

Tosingogon mita in intau mobijaksana nopuḻing in sinotaau, táe raian in intau bodok in diábí natua.

AMSAL 16:21

Intau mobijaksana in kotaauanbí kon pororainea inta mopandoi; potosingognea inta mokosanang, mokorigon kon onu in siningognea.

MOHOHUTUBA 10:12

Tosingogon in intau moarip modia kon inia horomaton, táe intau bodok in moyopú popisí in tosingogonnea mita tontaní.

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

MATIUS 5:16

Natua doman bayagmu musti monindar kon tayowon in intau, sinbá ontongon monia in oaidmu mita inta mopia bo modayow kon i Amámu inta kon soroga.”

LUKAS 4:22

Onu inta poguman-Nea, komintan mokosanang kon gina monia, sahingga kinoibog monia in Sia bo umuran monia indongogan in poguman-Nea. Bayongan in intau kon tua komintan in noḻibo-ḻibóan, “Degá Siabí naa inta ki adí i Yusup?”

YOHANES 1:37

Dinongog in murínea doyowa tatua in singognea tatua, dá minayá in taya dua dinumudui kon i Yesus.

SURAT I PAULUS KON JAMAAT RUM 14:19

Tuamai koḻigai bá tayakon naton onu inta mokopoangoi kon dodamean bo mosibiagan.

SURAT I PAULUS KON JAMAAT RUM 15:2

Mustibí in kita moposanang doman in gina i utat naton, sin kopiaan doman monia, bá koyakinan monia in modugang doman moropot.

KORINTUS 1 14:19

Táe aka wakutu in jamaat moyosipun mosumba kon i Tuhan, mosana-sanangbí in ginaku in mopoyaput in ḻima notontagá inta komangaḻean in intau dika in moantó in singog inta kon bonu in bahasa mokoherang táe diá komangaḻean in intau. Tuabí in totok kinoibogku sinbá motaau in akuoi motundú kon intau.

EPESUS 4:12

Mosia naa in inogoi i Allah sinbá umat i Allah tokotompiaan sinbá mosia in motaau mogaid kon oaidan i Tuhan bo moduḷu moposindog in awak i Kristus.

EPESUS 4:16

Kon bonu in pimpinan-Nea bayongan in anggota in awak tatua nopipid notompia noyotondoḷ in ugat bo buk mita in tuḷan. Bo aka kon batúan in anggota mita tatua in mogaid podudui in oaidannea dá bayongan awak in mobiagbí moguyang bo moropot bo kototabi.

KOLOSE 4:6

Ramujidon sinbá onu in singogonmu tantú mokosanang bo koibog in intau. Bo musti kotaauan monimu naonda in pototubag kon onu in ḻibo-ḻibóon mita in intau.

TESALONIKA 1 5:11

Tuamai umuranbí positongginaan bo mosirigonan kon gina ná inta biasamai aidan monimu.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.

PETRUS 1 3:1

Ná doman tua in moiko, bobay mita, kodu-koduduibí kon i buḷoi monimu, sinbá aka oyúon in kon sigad monia in diá mopirisaya kon habar nongkon i Allah, yo oaid monimu tua in mokopobaḻí kon i monia mopirisaya. Diá bidon paraḷu in moiko mosingog kon onu bo onu kon i monia,

PETRUS 2 2:18

Mosia in umuran mopodandi in uboḷ mita bo inta diá baraguna. Ibog monia inta mokotor totok tatua pinaké monia mopoyaying kon i monia inta bagupa nopirisaya kon i Tuhan.