EPESUS 4:21 - Alkitab Singog In Mongondow Masa In Tanaa

²¹ Kinodongogan bidon monimu in soaḷ Sia! Bo saḷaku dumodudui-Nea mita, sinundú domandon kon i monimu in sipat mita i Allah inta oyúon kon i-Nia!

EPESUS 4:21 ပူးပေါင်းရင်းမြစ်များ

MAZMUR 45:4

Pogabitdon in kedangmu kon ogotan, ei datu inta motorindog, iko in totok in momulia bo motaingkat!

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

LUKAS 10:16

Bo ki Yesus in noguman kon murí-Nea mita, “Ki ine in moibog mokidongog kon i monimu, yo mosia tua i mokidongog doman kon i-Nakó. Táe ki ine in doí motarima kon i monimu, yo sia in doí doman motarima kon i-Nakó. Bo ki ine in doí motarima kon i-Nakó, yo sia in doí doman motarima kon i-Nia inta nopotabá kon i-Nakó.”

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

YOHANES 10:27

Domba-Ku mita in mokidongogbí kon singog-Ku mita. Kinotaauan-Kubí in mosia, bo mosia in dumuduibí kon i-Nakó.

YOHANES 14:17

Sia tua in Roho i Allah inta mopoontong in inta nobanar soaḷ ki Allah. Dunia naa in diá mokotarima kon i-Nia, sin mosia in diá nokoontong ande diá nonotaau kon i-Nia. Táe moiko in nonotaaubí kon i-Nia, sin Sia in mogutun moyotakin monimu bo motobatúbí takin i monimu.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

SURAT I PAULUS KON JAMAAT RUM 10:14

Táe naondabí in intau mokuani kon i Tuhan aka mosia bo diápa mopirisaya kon i-Nia? Naondabí in popopirisaya monia aka diápa dinongog monia in soaḷ Sia tua? Naondabí in mosia mokodongog kon soaḷ Sia aka diápa doman intau in nopotaau?

KORINTUS 2 1:20

Sin ki Allah nopototuu in dandi-Nea pinongin i Yesus. Tuabí in nobaḻí dodoyonan sahingga intau moguman “Amin” kon i Allah sin ki Yesus Kristus. Tua in inaidan nami sinbá dayowon in ki Allah.

KORINTUS 2 11:10

Ḷunganga in ginaku diábí modai-dait kon bayongan ḻipu in Akhaya, sin totundú mita inta mobanar in umuran moyotakinku mako.

EPESUS 1:13

Moiko nion aindon nobaḻí umat i Allah wakutu in moiko nokodongog kon koyow i Allah. Koyow tatua in Habarbí Mopia inta mobogoi in kasaḷamatan kon i monimu. Moiko in nopirisaya kon i Yesus Kristus, tuamai sinontandáan-Neadon in moiko saḷaku kapunyaan-Nea. Tanda-Nea tatua in Rohobí mokudus inta pinodandi-Nea.

EPESUS 2:17

Manangka intua ki Kristus in namangoi bo nopotaau in Habar Mopia soaḷ dodamean tatua kon i monimu; pinomayá moiko intau inta deeman Yahudi inta koḻipod noyayú kon i Allah, ande intau mita in Yahudi inta nodiug kon i Allah.

KOLOSE 1:5

Moiko in mopirisaya bo motabi, sin moiko in moharap kon onu inta ain sinadia i Allah kon i monimu kon soroga. Ain dinongog monimu in soaḷ tatua wakutu in Habar Mopia inta nobanar in pinoyaput kon i monimu.

KOLOSE 1:6

Habar nongkon i Allah tatua in noiwayadon kon bayongan dunia naa, bo kobiagan in intau umuran binarakatan in habar tatua, notongkai doman in kobiaganmu ain binarakatan pinangkoipamai in moiko nokodongog kon soaḷ totabi i Allah bo totu-totuu inindongogan monimu intua.

KOLOSE 2:7

bo monguakat kon bonu i Kristus Yesus. Moiko in musti moposindogdon in kobiaganmu bo ki Kristus in dodoyonanmu. Mustidon modugang in pirisaya monimu kon i Kristus, podudui in onu inta ain sinundú kon i monimu. Bo ginamu in umurandon moibo-ibog mopoyaput in sukur moantó.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.