EPESUS 4:10 - Alkitab Singog In Mongondow Masa In Tanaa

¹⁰ Bo Sia inta ain noponag tua, Sia doman tua inta ain noponik nodapot in tampat inta moḷantu-ḷantud nongkon ḷangit sahingga kon ondakabí in Sia oyúonbí kon dunia naa.

EPESUS 4:10 ပူးပေါင်းရင်းမြစ်များ

MATIUS 24:34

Poguman-Ku kon i monimu! Tua komintan in mobaḻídon kon wakutu in intau mita masa in naa diápa matoi modait.

LUKAS 24:44

Onda intua Sia in noguman kon i monia, “Naadon in soaḷ mita inta ain pinoguman-Ku kon i monimu kon wakutu in kotaki-takinpa monimu in Akuoi: kon bayongan inta ain pinais soaḷ Akuoi kon bonu in buk i Musa bo buk in nabi mita, bo buk Mazmur, tua in mustibí mobaḻí.”

YOHANES 1:16

Moḷoben totok in tabi-Nea; diá in gogainea Sia in momarakat kon i naton.

YOHANES 19:24

Dá tontara mita tatua in noyosingog, “Donaaidon poyopongkóon in jubah tanaa. Koḻigai bá morabut kon lot in kita, tayakon mongo ki ine in mokouḻí.” Soaḷ tatua in nobaḻí sinbá motompodon onu inta ain pinais kon bonu in Buk Motusi, nanaa: “Mosia in mosilai kon pakeang-Ku, bo norabut kon lot sin motayak kon jubah-Ku.” Bo totuu natuabí in pinomia in tontara mita tatua.

YOHANES 19:28

Kinotaauan bidon i Yesus kon tanaa bayongan yagi-yagi ain noḷapat, bo bá onu inta ain pinais kon bonu in Buk Motusi in mobaḻídon, dá Sia in noguman, “Akuoi in moyogang.”

YOHANES 19:36

Tua in nobaḻí sinbá mobaḻídon onu inta pinais kon bonu in Buk Motusi, “Diábí tobatúmai in tuḷannea putoḷon.”

OUMAN IN RASUL MITA 1:11

bo noguman kon i monia, “Ei, intau mita in Galilea, nongonu sin moiko in simindogbí mako kon nion bo ḷumangag mako kon ḷangit? Ki Yesus inta inontong monimu nobingkat namonik in soroga tua in mamangoibí bui. Bo koangoi-Nea bui in notongkaibí ná inta inontong monimu tanaa.”

OUMAN IN RASUL MITA 1:9

Naonda in nosingog mako kon tua in Sia, Sia in biningkatdon namonik in soroga koonto-ontongpa mako monia tua. Bo kinooḻingoiandon in goḷom in Sia dá diádon inontong monia.

OUMAN IN RASUL MITA 2:33

Sia biningkat bo inogoian in tampat pomomarentaan inta moḷantud, bo inogoian i Allah in kawasa, bo notarima kon Roho i Allah inta ain pinodandi tua, bo Roho doman tatua in inogoi-Nea kon inami naa, tuata inta inontong bo dinongog monimu kon naa,

OUMAN IN RASUL MITA 3:18

Táe natuabí in aid i Allah mogintompod kon onu inta ain pinotaau-Nea muna pinongin nabi-Nea mita inta kai-Nia, ‘Mopoposaḷamat inta pinotabá-Nea in musti mokorasa kon roriga.’

KORINTUS 2 12:2

Kon bonu in oontongon tatua, kinotaauanku in intau inta noibingkat monik kon soroga tatua, mopuḷúbí bo opat notaong inta noitaḻibdon. (Diá doman notarangku totok mongo takin awaknea in noibingkat tatua mongo tongábí noiḷabot magí kon mataku – tongábí ki Allah in nonotaau kon tua.)

EPESUS 3:19

inta aka tongá podoyon kon raian intau yo diábí monotaau kon tua moako-ako. Sambayanganku sinbá moiko in monotaaudon kon tabi i Kristus tatua, sahingga moiko in kawasaandon in sipat i Allah inta nosompurna.

KOLOSE 1:19

Ibogbí i Allah tontaní in mopooyúon kon bayongan in yagi-yagi kon i-Nia, bo bayongan tua oyúon domandon kon i Adí-Nea.

KOLOSE 2:9

Sin bayongan in onu inta oyúon kon i Allah in tuadon komintan kon i Kristus, inta kon bonu in kaadaan-Nea saḷaku intau.

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

IBRANI 4:14

Manangka intua, musti umuran in kita kumadai kon onu inta ain ináku bo pinirisaya naton sin oyúondon in Imang naton momulia bo inta moḷoben. Sia ain sinumuot dapot kon tayowon i Allah, Sia tuata in ki Yesus ki Adí i Allah.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

IBRANI 8:1

Naabí in pangkoi totok onu in inouman naton: Oyúondon in Imang Moḷoben naton ná tatua inta iḻimitú nomarenta noyotakin i Allah inta totok Momulia kon soroga.