EPESUS 3:21 - Alkitab Singog In Mongondow Masa In Tanaa

²¹ Ki Allah in musti umuran dayowon, modapot kon adí bo ompu kon bonu in jamaat, pongin i Yesus Kristus. Dinayo-dayowdon in ki Allah modapot in kopaḷutannea! Amin.

EPESUS 3:21 ပူးပေါင်းရင်းမြစ်များ

TAWARIKH 1 29:11

Iko in totuu moḷoben, bo nongawasa. Iko in momulia, ponango-nangoian bo moagung. Bayongan in yagi-yagi kon ḷangit bo kon butá Ikobí in kitogi. Iko in Datu Moḷoben, pongawasa kon bayongan in yagi-yagi.

MAZMUR 115:1

Deemanbí kami, o Tuhan, deemanbí kami, táe tongábí Iko in musti dayowon, sin Iko in mosatia bo umuran motabi.

MAZMUR 72:19

Dinayo-dayowdon in tangoi-Nea inta moḷantud dapot in mononoi; igumon mako sinangkub in butá mopuḻing in kamuliaan-Nea! Natuadon in mobaḻí. Amin!

YESAYA 42:12

Yo mosia in mohoromatdon kon i Tuhan, bo mopotaaudon in tangoi-Nea kon ḻipú mita moyayú.

YESAYA 6:3

Mosia in nosigumanan tobatú bo tobatú: “Kudus, kudus, kudus. Mokudusdon in ki Tuhan Inta Totok in mokawasa. Butá nopuḻing in kinoangoian-Nea inta momulia.”

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

LUKAS 2:14

“Dinayo-dayowdon in ki Allah kon tampat inta Totok in Moḷantud! Bo dodamean umuran kotaki-takin monimu, intau inta umuran mogaid kon mokosanang kon gina i Tuhan!”

SURAT I PAULUS KON JAMAAT RUM 11:36

Ki Allah in nomia kon bayongan yagi-yagi. Komintanbí nongkon i Allah bo pinomakusudbí doman kon i-Nia. Dinayo-dayowdon in ki Allah nodapot in kopaḷutan dunia naa! Amin.

SURAT I PAULUS KON JAMAAT RUM 16:27

Tongábí Sia-sia mita in Allah, mobijaksana totok in Sia. Poigumondon mako Sia in umuran duíon bo dayowon pomuḷoi mako pongin i Yesus Kristus! Amin. Horomat nami, Ki Paulus, mogogaid kon oaidan i Kristus Yesus

GALATIA 1:5

Dinayo-dayowdon in ki Allah nodapot in koyoyangan dunia naa! Amin.

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

EPESUS 2:7

Inaidan i Allah intua, sinbá kon singgai moiduduimai koontongandon intau in koḷoben tabi i Allah. Tabi tatua in pinoniata i Allah pinototoi kon kopopia in gina-Nea kon i naton inta pinotonsigad kon i Kristus Yesus.

EPESUS 4:1

Manangka intua akuoi – saḷaku intau inta pinonjara sin nogaid kon oaidan i Tuhan – mopoigum totok kon i monimu: sinbá moiko, intau inta inoinídon in kobiag domandon ná inta kaadaanmu saḷaku intau inta inoiní i Allah.

PILIPI 1:11

Moiko in mobiag takin oaid mita inta totu-totuu mopia inta tongábí mouḻí nongkon i Yesus Kristus tontaní, dá ki Allah pomuliaan bo dayowon.

PILIPI 2:11

Bo akúonbí monia komintan kon ki Yesus Kristus tua in Tuhanbí; takin natua dá ki Allah, ki Amá naton in pinomuliadon.

PILIPI 4:20

Dinayo-dayowdon in ki Allah, ki Amá naton modapot in kopaḷutan dunia naa. Amin.

TIMOTIUS 2 4:18

Totuubí kon ki Tuhan in momilatbí kon inakó nongkon bayongan tomayá moraat, sahingga in diaan-Neabí in akuoi tumuot kon dodatuan-Nea kon soroga takin saḷamat. Tuamai in tantúbí dayow in Sia modapot in kopaḷutan dunia naa! Amin.

IBRANI 13:21

Poigum mako, ki Allah inta nobaḻí pangkoi in kobiagan motompia, umuran mobogoi in bayongan inta mopia inta paraḷu pakéon monimu mogaid kon onu inta koibog i Allah. Bo poigumon doman mako takin totuḷung i Yesus Kristus, popoaidon i Allah kon i naton in onu inta kinoibog-Nea. Tantúbí dayow in ki Kristus dapot in kopaḷutannea! Amin.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

PETRUS 1 5:11

Siabí doman tua inta mongawasa modapot in kopaḷutan in yagi-yagi! Amin.

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus

YUDAS 1:25

Tongábí Sia tua in ki Allah, Mopoposaḷamat naton pongin i Yesus Kristus Tuhan naton. Siata in ki Allah inta momulia, Moḷoben, mokawasa bo inta mokobangkaḷ nongkon tungkuḷpa intua, masai naa bo modapot kopaḷutan in dunia naa! Amin.