EPESUS 3:20 - Alkitab Singog In Mongondow Masa In Tanaa

²⁰ Takin kawasa i Allah inta tantú moigonú kon bonu in gina naton, motaau in ki Allah mogaid kon mobayo-bayong nongkon onu inta motaau igumon andeka inta koraian naton.

EPESUS 3:20 ပူးပေါင်းရင်းမြစ်များ

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

KINOBAḺIAN 18:4

Pomayádon mako bain akuoi in mogamá kon tubig sin pondaritan kon sioḷ i Tuang mita. Koḻigai bá mogogaipa kon siungon in kayu tanaa sinbá moinggamápa in ḷopí.

SAMUEL 2 7:19

Nodapot in Iko nomia kon noiḻiubí totok nongkon tua, o Tuhan Inta Totok in Moḷantud; Iko ain nomia kon dandi kon buíku inta kobayáan kon singgai moiduduimai. Bo pinoontong-Mu intua kon inakó, umpakabí akuoi naa in tongá intau, o Tuhan Inta Totok in Moḷantud!

DATU MITA IMITÁNEA 3:13

Nodapot in onu inta diá inigummu yo ogoi-Kubí doman kon inimu: kino ouput in kobiaganmu iko in mobiagdon mooyúon bo horomaton moiḻiu kon datu ibanea inta kon ondakabí.

TAWARIKH 2 25:9

“Dá naonda degá in bayongan saḷaka inta ain inogoiku kon i monia?” iḻibó i Amazia. Ki Nabi tatua in notubag, “Ki Tuhan in mokopobuibí kon i Tuang moiḻiu nongkon tua!”

TAWARIKH 2 9:12

Koḻikud in tombuinag mita tontuḻí inta biasamai ogoi i Salomo, ki Salomo in nobogoi doman kon i datu bobay nongkon Syeba tatua in bayongan inta inigumnea. Onda intua nobuidon in ki datu bobay tatua kon butánea noyotakin in bayongan tumotakinnea.

IḶUAIAN 34:6

Onda intua ki Tuhan sinumaḻib kon tayowon i Musa bo noguman, “Akuoi ki Tuhan, in ki Allah inta nopuḻing in pia in gina bo tabi. Tabi-Ku mobarong totok, Akuoi naa in motoḷutui bo diá ḷagi tumorú.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

YESAYA 35:2

Padang gurun in kobiagandon in yagi-yagi, bo mopodondong in dondong mita mosanang. Kogaganea in naonda bo Buḷud in Libanon, koḷoḷumbánea in naonda bo Ḷopá in Karmel bo Saron. Dá bayongan in intau in mokoontongbí kon kawasa i Tuhan, bo kamuliaan i Allah naton.

YESAYA 55:7

Igumon mako intau inta moraat in monompiadon kon kobobiagnea, bo momaḷui kon pororainea. Biódon mako in sia in mobui mangoi kon i Tuhan, sinbá mokouḻí kon totabi-Nea. Igumon mako sinbá sia in mamangoi bui kon i Allah naton, sin ki Tuhan in mongampung takin pia in gina.

YEREMIA 32:17

“Tuhan Inta Totok in momulia, Ikobí inta nomaḻí kon ḷangit bo butá pinongin kawasa bo ropot-Mu inta moḷoben. Diábí in tobatúmai in mororiga aidan-Mu.

YEREMIA 32:27

“Akuoibí in Tuhan, Allah in bayongan intau. Diábí in mororiga-Ku aidan.

DANIEL 3:17

Aka ki Allah inta sinumba nami mokoposaḷamat kon inami nongkon tuḷú inta kodoko-dokot tatua bo nongkon kawasa i Tuangku, yo notantúbí kon aidan-Nea intua.

DANIEL 6:20

Kon tungkuḷ in modiugpa mobayag nobangondon in ki datu bo iḻimikat minayá in angob in singa.

MATIUS 3:9

Bo naaipa muna morai kon moiko in mosaḷamatbí sin moiko in moguman kon bonu in gina kon ki Abraham in ki amá nami, pogumankudon kon i monimu, kon batu mita tanaa in motaaubí aidan i Allah ki buí mita i Abraham.

YOHANES 10:10

Mononakow tua in tongábí mamangoi monakow, moḻimod bo momoguyaat. Táe Akuoi in mamangoibí sinbá mosia in mokouḻí kon kobiagan, kobiagan inta mobayong totok in kasanangan.

SURAT I PAULUS KON JAMAAT RUM 16:25

Dinayo-dayowdon in ki Allah! Sia in mongawasa moginrigon kon pirisaya monimu podudui in Habar Mopia nongkon i Allah inta pinotaauku soaḷ ki Yesus Kristus. Habar inta pinotaauku tua in notongkai in onu inta pinoontong i Allah kon inakó; tuata in soaḷ tomayá i Allah inta noonggotdon totok in kinotaauan intau.

SURAT I PAULUS KON JAMAAT RUM 4:21

Totokbí in moyakin in sia kon mokosanggupbí in ki Allah momia kon onu inta ain pinodandi-Nea tua.

KORINTUS 1 2:9

Tongá soaḷ tatua ain bidon noipais kon Buk Motusi, “Onu inta diá kon dodai in onda inontong andeka dinongog in intau, bo diá doman dodai onda in kinoraian intau, tuatabí in sinadia i Allah kon bayongan intau inta motoindudui kon i-Nia.”

KORINTUS 2 9:8

Sin ki Allah in mokawasabí mobogoi in barakat kon i monimu, sinbá tantú oyúon in pakéon monimu; bo bá tantú oyúon in pogaid monimu kon inta mopia bo potuḷung kon intau.

EPESUS 1:19

bo moḷoben totok in kawasa-Nea kon i naton inta mopirisaya, notongkai in ropot in kawasa-Nea inta moḷoben

EPESUS 3:7

Ki Allah ain noponotabi kon i nakó in oaidan mopoyaput magí-mako in Habar Mopia tatua. Sinarimaku in totabi tatua pinongin kawasa i Allah inta nogaid kon bonu in awakku naa.

KOLOSE 1:29

Sinbá koyaputanku intua, dá tuamai akuoi in moramuji totok in mogaid. Akuoi in moramuji takin bayongan ropot inta inogoi i Kristus kon inakó bo inta nongawasa doman kon inakó.

TIMOTIUS 1 1:14

Bo moḷobenbí totok in totabi i Tuhan naton kon i nakó. Inogoian-Nea in akuoi in pirisaya moḷoben bo tabi kon tumpaḷa intau inta ain notobatú i Kristus Yesus.

IBRANI 11:19

Ki Abraham in noyakinbí totok kon mokosanggupbí in ki Allah momiag kon i Ishak nongkon kinopatoiannea tua, dá motaaubí tangoion kon ki Abraham in notarimadon bui kon i Ishak nongkon kinopatoiannea.

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.

YAKOBUS 4:12

Bokaka tongábí tobatú in kokawasa mobogoi in hukum kon intau bo mohakim kon intau. Sia tuata in ki Allah inta kokawasa moposaḷamat bo momutú. Dá, ki ine in moiko nion, sahingga in moiko moibog mopotaḷá kon tumpaḷa intau?

PETRUS 2 1:11

Aka natua, dá moiko in motaaudon totok tumuot kon dodatuan inta mononoi nongkon i Tuhan bo Datu Mopoposaḷamat naton ki Yesus Kristus.

YUDAS 1:24

Ki Allah, inta mokosanggup moḷukad sinbá moiko diá moḷabú, bo inta mokosanggup modia kon i monimu mayá in tampat pomomarentaannea inta momulia takin gina mosanang bo modarit.