EPESUS 3:13 - Alkitab Singog In Mongondow Masa In Tanaa

¹³ Tuamai naa in igumonku: donaaibí moḻia-ḻiaw in gina in mokoontong kon rorigaku inta popisí in moiko, sin bayongan in rorigaku tua, untukbí kopiaan monimu.

EPESUS 3:13 ပူးပေါင်းရင်းမြစ်များ

ZEPANYA 3:16

Moiangoibí in wakutunea intau mita in moguman, “Ei Yerusalem, dikadon moondok bo moḻia-ḻiaw in gina.

OUMAN IN RASUL MITA 14:22

Kon kotá mita tatua mosia in minayá noginrigon kon gina in intau mita inta mopirisaya kon i Yesus bo nononggina sinbá umuran mopirisaya kon i Yesus. Nanaa in tonggina monia tua, “Munapabí moantó in roriga mouḻí naton, bain tua bo mokorasa kon kopiaan kon Dunia Mobagu i Allah.”

KORINTUS 2 1:6

Tuamai aka kami bo mokorasa kon yoyiga, yo tua in mangaḻenea moginyopotbí kon gina monimu, sinbá mosaḷamat in moiko. Aka gina nami bo moropot, yo moiko in moropotbí doman, dá mokotahang domandon in moiko wakutu in koantugan in bayongan yoyiga ná inta kinorasaan nami.

KORINTUS 2 4:1

Kami nogaid kon oaidan tanaa popisíbí in totabi i Allah. Tuamai in diábí moḻia-ḻiaw in gina nami.

GALATIA 6:9

Manangka intua donaaibí mokopomaḷat in mogaid kon inta mopia; sin aka kita bo diá mogogai in mogaid kon inta diá mopia, yo korasaanbí doman naton in koonggotannea.

EPESUS 3:1

Akuoi ki Paulus, pinonjara popisí in nogaid kon oaidan i Kristus Yesus sin kopontingan monimu intau inta deeman Yahudi.

ULANGAN 20:3

‘Utat mita, indongogai! Singgai in naa moiko mayá moparang. Dika moondok ande kimiot in gina ande motoboḻingo.

PILIPI 2:18

Ná doman tua, ibogonku in mosanang doman gina monimu takin ginaku.

KOLOSE 1:24

Tanaa mopiabí in ginaku in mororiga sin kopontinganmu. Sin aka awakku bo mororiga, yo tua in mangaḻenea akuoi nogintompodon kon roriga inta diápa kinorasaan i Kristus, sin kopontingan in jamaat saḷaku awak-Nea.

TESALONIKA 2 3:13

Dikabí angoian in maḷat in mogaid kon inta mopia.