EPESUS 2:11 - Alkitab Singog In Mongondow Masa In Tanaa

¹¹ Utatku mita inta deeman intau in Yahudi! Toropka in kaadaan monimu koḻipod: Moiko in sinangoi “intau diá sinunat”. Tua in pinonangoi intau in Yahudi inta sinumangoi sinunat (makusudnea, ain nokouḻí kon tanda inta inaidan intau kon awak monia).

EPESUS 2:11 ပူးပေါင်းရင်းမြစ်များ

YEHEZKIEL 20:43

Kon tua kotoropandon monimu in bayongan in oaid inta mokorongó inta ain nokonajis kon awakmu. Dá morongódon in moiko in mokotorop kon bayongan inta nobaḻí tatua.

YEHEZKIEL 36:31

Kotoropanbí monimu in dodiamu inta moraat bo aidmu inta diá patus tua, bo morongódon bui in moiko kon awakmu tontaní popisí in dosamu mita bo aidmu inta diá mopia tua.

MATIUS 20:7

Mosia in notubag kon inia, ‘Kakaa diá onda intau mogoiní kon inami mogaid.’ Dá sia in noguman doman kon i monia, ‘bayádon moiko pogaid kon gobá in anggurku.’

SURAT I PAULUS KON JAMAAT RUM 11:17

Tosilai in tanga mita in kayu Zaitun – tuata intau mita in Yahudi – ain pinongkó. Bo kon paḷot in pinomongkóan tatua pinopokompitdon in tanga in pangkoi zaitun ḷoḷog, tuata in ki utat mita inta deeman Yahudi. Ki utat pinopokompitdon kon tua sinbá ki utat in mokorasa kon bayongan inta mopia nongkon kobobiag in rohani in intau mita Yahudi.

SURAT I PAULUS KON JAMAAT RUM 2:26

Aka intau deeman Yahudi inta diá sinunat dinumudui kon hukum agama in Yahudi, yo sia in inanggap bidon i Allah naonda bo intau inta ain sinunat?

SURAT I PAULUS KON JAMAAT RUM 2:27

Bo intau inta diá sinunat tua in mopotaḷá kon i monimu intau in Yahudi, sin oyúondon in hukum agama monimu bo sinunat domandon in moiko, táe moiko tontaní in doíbí dumudui kon hukum tatua. Mosia tua in diábí sinunat táe totu-totuubí dinumudui kon hukum in agama Yahudi.

KORINTUS 1 12:2

Toropdon, kon wakutu in moiko diápa nonotaau kon i Tuhan, moiko in umuranpabí dinumudui kon berhala inta bobó.

KORINTUS 1 6:11

Koḻipod oyúon in kon sigad monimu in umuran mogaid kon natua mita. Táe tanaa in poniatadon kon nodaritdon in moiko nongkon bayongan oaid inta diá mopia. Moiko in nobaḻídon umat i Allah inta piniḻí-Nea. Moiko buidon noyobayat i Allah, sin nopirisayadon kon i Tuhan Yesus Kristus bo popisí kawasa doman in Roho inta nongkon i Allah naton.

GALATIA 2:15

Aka podudui in buí, yo kami naa intaubí in Yahudi bo deemanbí “intau deeman Yahudi inta binaradosa”.

GALATIA 6:12

Intau mita inta mokikoontong kon tumpaḷa intau, mosia inta moramuji momakisa kon i monimu sinbá sunaton. Táe tua in aidan monia sinbá diá pogutúon in intau Yahudi in mosia. Sin mosia in nopoyaput in habar soaḷ roriga i Kristus.

EPESUS 2:2

Wakutu intua moiko in dinumudui kon kabiasaan mita in dunia naa; tua in mangaḻenea moiko in dinumudui kon mongongawasa kon baḷangon, tuata in roho inta masai naa nongawasa kon gina in intau mita inta diá motoindudui kon i Allah.

EPESUS 5:8

Moikopa tontaní koḻipod in mobiag doman kon sindip. Táe tanaa moiko in nobaḻídon umat i Tuhan, mangaḻenea kon tua, moiko in kon bonudon in bayag. Tuamai moiko in mustidon mobiag kon bonu in bayag.

ULANGAN 15:15

Toropdon kon moiko in koḻipod in atabí doman kon Mesir bo pinoḷuatdon i Tuhan Allahmu; tuamai in ogoiku in parenta tanaa kon inimu.

ULANGAN 16:12

Duduiaibí in bayongan parenta-Nea pokosatia, bo dika mokoḻiong kon koḻipod in moiko in atabí kon Mesir.”

ULANGAN 5:15

Toropdon kon moiko in koḻipod in sinonggata doman kon Mesir, bo pinoḷuat i Tuhan Allahmu takin ropot inta moḷoben. Tuamai moiko parentaan-Ku sinbá morame kon singgai in Sabat.

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

ULANGAN 9:7

Toropbí naonda in pinogogaid monimu nodapot in ki Tuhan Allahmu sinumorú kon padang gurun. Pinangkoi kon moiko nonaḷámai kon Mesir nodapot in moiko nodapot in naa, moiko ain noḷawang kon i Tuhan.

PILIPI 3:3

Bokaka kitabí naa in intau mita inta notarima kon sunat nongkon i Allah. Kitabí naa in intau inta ain dinia i Allah sin mosumba kon i-Nia, bo umuran mosukur mako in kita sin notobatúdon i Kristus Yesus. Diá bidon in kita moitogot mako kon upacara inta sipatnea in tongábí samantara.

KOLOSE 1:21

Koḻipod moiko noyayú nongkon i Allah, bo Sia in sinaturu monimu sin oaid bo raian monimu moraat.

KOLOSE 2:11

Lantaran notobatú takin i Kristus, dá moiko ain sinunat, táe deemanbí sunat inta inaidan in intau, táe sunatbí inta inaidan i Kristus, inta nopobebas kon i monimu nongkon kawasa in tabiat inta binaradosa.

KOLOSE 2:13

Koḻipod, moiko ain minatoi secara rohani popisí in moiko binaradosa, bo popisí in moiko diá sinunat inta inaidan in intau. Táe tanaa ki Allah ain nomiag kon i monimu noyotakin i Kristus. Ki Allah ain nongampung kon bayongan dosa naton,

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!

SAMUEL 1 17:26

Bo ki Daud in noguman, “Mobaranibí totok in intau in Pilistin kaper tatua monontot kon tontara i Allah inta nobiag!” Onda intua noḻibó in sia kon tontara tobatú, “Onu in ogoi kon intau inta mokoḻimod kon intau in Pilistin tatua bo momopat kon tosingogon mopoonagmai kon Israel?”

SAMUEL 1 17:36

Bobantungmu naa in ain noḻimod kon singa andeka beruang, bo intau in Pilistin kaper tatua in potongkaionku domandon ná mahaḷuk mita tatua, sin sia in mokobaḻídon mopoonagmai kon tontara mita inta nongkon i Allah inta nobiag.