EPESUS 1:8 - Alkitab Singog In Mongondow Masa In Tanaa

⁸ Pinomia-Nea intua sin motabi totok kon i naton bo tabi-Nea tatua in inogoi-Neadon kon i naton takin bayongan hikmat bo pongortian.

EPESUS 1:8 ပူးပေါင်းရင်းမြစ်များ

MAZMUR 104:24

Totuu mobayong in mia-Mu, Tuhan, komintanbí pinomia-Mu takin mobijaksana; butá in nopuḻing in aid-Mu.

AMSAL 8:12

Akuoi naa in hikmat; kon inakó naa oyúon in pongortian, kabijaksanaan bo pongotahuan.

YESAYA 52:13

Ki Tuhan in noguman, “Totuubí, mogogundoi-Ku in mokodapotbí kon aidannea; sia in horomatonbí bo poḷantudon.

MATIUS 11:19

Onda intua Adí Intau namangoi, Sia nongaan bo nonginum kon anggur, táe kai monimu, ‘Indoiaika, Sia in intau! Moturá bo yobayat in moigum kon pajak bo intau inta baradosa.’ Táe kawasa i Allah pinoponiata kon i-Nia.”

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

SURAT I PAULUS KON JAMAAT RUM 5:15

Tongá diábí notongkai in taya dua; sin totabibí i Allah in moḷobe-ḷoben aka poyobandingonmai in taḷá inta pinomia i Adam. Sin taḷá in intau tobatú in nokopopisí kon nobayong in intau minatoi. Táe moḷobe-ḷobenbí doman kon tua in bungai in totabi i Allah bo tombuinag in kasaḷamatan inta inogoi-Nea kon modamaḷ in intau, inta pinongin kopopia in gina in tobatú intau, tuata in ki Kristus.

KORINTUS 1 2:7

Kabijaksanaan inta poyaputku naa in nongkon i Allahbí. Kabijaksanaan tatua in diápa kinotaauan in bayongan intau kon dunia naa, táe munadon sinadia i Allah wakutu in diápa inaidan-Nea in dunia, sinbá mosanang in kita.

EPESUS 1:11

Bayongan yagi-yagi in pinomia i Allah pinoduduibí in ibog-Nea bo kaputusan-Nea tontaní. Nongkon pinomangkoianpamai Sia ain nomiḻí kon i naton sin ibogon-Nea kita in mobaḻídon umat-Nea sin motobatú i Kristus.

EPESUS 1:7

Ki Kristus in minatoidon sin mopobebas kon i naton bo mongampung kon bayongan dosa.

EPESUS 1:9

Ibog-Neabí tontaní in nopotaau kon i naton in tomayá-Nea inta noibunipa tatua; Sinantú-Neadon kon tomayá-Nea tatua in iḷapatan-Neadon pongin i Yesus Kristus.

EPESUS 3:10

Makusud i Allah tua in bá tanaa mako jamaat-Nea, mopotaau in bayongan yagi-yagi soaḷ kabijaksanaan i Allah kon pomarenta mita bo kon bayongan inta nongawasa kon soroga.

KOLOSE 2:3

Ki Kristusbí tua in mobuká kon bayongan pandoi bo pongotahuan i Allah inta koḻipod noibunipa.

YUDAS 1:25

Tongábí Sia tua in ki Allah, Mopoposaḷamat naton pongin i Yesus Kristus Tuhan naton. Siata in ki Allah inta momulia, Moḷoben, mokawasa bo inta mokobangkaḷ nongkon tungkuḷpa intua, masai naa bo modapot kopaḷutan in dunia naa! Amin.

WAHYU 5:12

Bo mosia in nodondong noropot nanaa, “Ki Adí in Domba inta ain iratá tatua, patusbí motarima kon kawasa, kaoyúonan, kabijaksanaan bo ropot; Sia in patusbí horomaton, poḷantudon bo dayo-dayowon!”