EPESUS 1:12 - Alkitab Singog In Mongondow Masa In Tanaa

¹² Koḻigai in kita inta muna-munamai moharap kon i Kristus, modayow kon i Allah sin oaidan-Nea inta totok in moḷoben!

EPESUS 1:12 ပူးပေါင်းရင်းမြစ်များ

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

YESAYA 11:10

Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí.

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 45:23

Akuoi in ain nodandi, bo dandi-Ku in diábí motaau inggamáan; podoyon kon i-Nakó tontaní Akuoi in mongibot: Pomuḷoi in intau in tumungkudbí kon tayowon-Ku, bo kon bonu in tosingogonnea tontaní modandi kon mosatia kon i-Nakó.

YESAYA 45:25

Táe buí i Yakub in posaḷamatonbí, bo mosia in modayowbí kon i-Nakó, ki Tuhan.

YEREMIA 23:6

Aka momarenta in sia, intau in Yohuda in mosaḷamatbí, bo intau in Israel in mobiagbí moaman. Datu tatua in tangoionbí ‘Tuhan kasaḷamatan naton’.

YOHANES 14:1

“Donaai mohawatir in ginamu,” guman i Yesus kon i monia. “Popirisayadon kon i Allah, bo popirisaya kon i-Nakó doman.

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

EPESUS 2:7

Inaidan i Allah intua, sinbá kon singgai moiduduimai koontongandon intau in koḷoben tabi i Allah. Tabi tatua in pinoniata i Allah pinototoi kon kopopia in gina-Nea kon i naton inta pinotonsigad kon i Kristus Yesus.

EPESUS 3:21

Ki Allah in musti umuran dayowon, modapot kon adí bo ompu kon bonu in jamaat, pongin i Yesus Kristus. Dinayo-dayowdon in ki Allah modapot in kopaḷutannea! Amin.

TESALONIKA 2 2:13

Utatku mita inta kinotabi i Tuhan! Kami in musti umuran mopoyaput in sukur kon i Allah popisí in moiko, sin nongkon pinomangkoianpabímai piniḻídon i Allah in moiko sin posaḷamaton. Kasaḷamatan inta inaidan in Roho i Allah kon i monimu sinbá moiko in baḻíon umat i Allah inta mokudus sin mopirisaya in moiko kon habar inta mobanar nongkon i Allah.

TIMOTIUS 2 1:12

Tuamai akuoi in nokorasa kon bayongan roriga tatua, táe akuoi in umuranbí moyakin sin kinotaauankubí totok ki ine in pinirisayaku tua. Moyakinbí in akuoi kon onu inta ain inogoi-Nea pinoki aid kon inakó tantúbí koḷukadan-Nea modapot in Singgai Pangabisan.

YAKOBUS 1:18

Ibog-Neabí tontaní in nopobaḻí kon i naton ki adí-Nea mita pinongin Pirman-Nea inta nobanar. Tua komintan in pinomia-Nea sinbá kita in mokouḻí kon tampat inta moponting kon sigad in bayongan mahaḷuk inta pinomia-Nea.

PETRUS 1 1:21

Sia in pinopodoyonan in pirisaya monimu kon i Allah inta ain nomiag bui kon i-Nia. Dá ki Allahbí in pinirisaya monimu bo ki Allahbí doman in pinopoandoḷan monimu in harapan.