EPESUS 1:10 - Alkitab Singog In Mongondow Masa In Tanaa

¹⁰ Makusud in tomayá-Nea tatua in bá bayongan in yagi-yagi inta kon soroga ande inta kon dunia naa, in motobatúdon i Kristus saḷaku tongguḷu. Bo soaḷ tatua in iḷapatandon i Allah aka aindon wakutunea.

EPESUS 1:10 ပူးပေါင်းရင်းမြစ်များ

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

AMOS 9:11

Ki Tuhan in noguman, “Moiangoibí in wakutunea Akuoi monompia bui kon dodatuan i Daud. Tanaa dodatuan tatua in nobaḻídon naonda bo baḷoi inta noumpag. Táe dindingnea mita in tompiaan-Kubí bui bo posindogon-Ku bui dá mobaḻídon bui ná dungkuḷmai.

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

MATIUS 25:32

Bo bayongan intau in sipunon kon tayowon-Nea bo poyotontaníon-Nea i mosia naonda gombala mopoyotontaní in domba bo bembé.

MARKUS 1:15

Ki Yesus in noguman, “Ki Allah in ḷagidon momangkoi momarenta. Pogogaidon moiko in mogaid kon dosa bo popirisayadon kon Habar Mopia inta nongkon i Allah!”

KORINTUS 1 10:11

Tua komintan ain noiantug kon i monia saḷaku contoh kon intau mita ibanea. Bo komintan tua in pinaisbí doman sin mobaḻí tompoingat kon i naton kon singgai tumi inta ain nodiug.

KORINTUS 1 11:3

Tongá ibogonku in bá kotaauan doman monimu in atorang mita kon bonu in jamaat. Tongguḷu i Kristus in ki Allah. Tongguḷu in ḷoḷaki in ki Kristus. Yo tongguḷu in bobay tuata in ḷoḷaki.

GALATIA 4:4

Táe naonda in motompodon in wakutunea, potabádon i Allah in ki Adí-Nea mamangoi in dunia naa. Ki Adí-Nea tatua in pinononggadí in tobatú bobay inta nobiagpa kon bonu in kawasa in hukum i Musa.

EPESUS 1:22

Pinotungkud i Allah in bayongan yagi-yagi kon ḻimonag in kawasa i Kristus, bo ki Kristus inogoi kon jamaat saḷaku tongguḷu in bayongan yagi-yagi.

EPESUS 2:15

Hukum agama in Yahudi takin parenta bo atorangnea mita aindon pinopatan i Kristus, sinbá bangusa doyowa tatua in mobaḻídon tobangusa, bangusa in intau mobagu, inta motobatú takin-Nea. Tua in pinogogaid i Kristus nopoyodame.

EPESUS 3:15

Nongkon i-Niabí intua, bayongan motoḷuadí kon soroga bo kon dunia naa in motarima kon sipatnea tontaní.

EPESUS 3:2

Ain bidon dinongog monimu, kon ki Allah in lantaran kopopia in gina-Nea, dá inogoian-Neadon in oaidan tanaa in akuoi sin kopontingan monimu.

KOLOSE 1:16

Sin pinongin i-Nia tua ki Allah in nomia kon bayongan in yagi-yagi kon soroga bo kon dunia naa, inta koontongan bo inta diá koontongan, noitakin doman in bayongan roho inta nongawasa bo inta nomarenta. Bayongan inta kon ḷangit bo inta kon butá pinomia pinongin i Kristus bo untuk doman kon i Kristus.

KOLOSE 1:20

Bo Sia doman tua inta pinaké i Allah namangoi nopoyodame kon bayongan in yagi-yagi takin-Nea, inta kon butá ande kon soroga. Tua in pinomia i Allah pinodoyon kon kinopatoian i Adí-Nea kon kayu pinoyotaḻempang.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!

IBRANI 1:2

Táe kon singgai tumi naa in ki Adí-Neadon tontaní in pinotabá-Nea nopoyaput in singog-Nea tatua kon i naton. Ki Adí-Nea doman tanaa inta pinopodoyonan i Allah in nomia kon dunia naa. Sia in sinantú domandon i Allah motarima kon bayongan kapunyaan-Nea.

IBRANI 11:40

sin oyúonbí in tomayá i Allah kon i naton inta mopia-piabí totok nongkon tua. Naa in tomayá-Nea tua, tongábí moyotakin naton, mosia in mobaḻí mosompurna.

IBRANI 9:10

Sin upacara mita tatua in tongábí soaḷ kokaanon bo oinumon bo noyagi-yagimaidon upacara pondaritan. Bayongan intua tongábí atorang mita in intau inta pakéon modapot wakutunea ki Allah monoimbagu kon dunia naa.

PETRUS 1 1:20

Ki Kristus in piniḻídon i Allah kon wakutupa in dunia naa diápa pinomia. Bo kon singgai mita tumi naa, sia namangoi in dunia naa sinbá posaḷamaton in moiko.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.