DONDONG MOḶANTUD 8:8 - Alkitab Singog In Mongondow Masa In Tanaa

⁸ Oyúon in ki ai-ai nami bobay inta nointokpa in teténea. Onu in pomiaan nami kon inia aka oyúon in mamangoi moigum mongantang kon inia?

DONDONG MOḶANTUD 8:8 ပူးပေါင်းရင်းမြစ်များ

MAZMUR 2:8

Igumdon, dá bayongan in bangusa ogoi-Kubí kon inimu, bo sinangkub in dunia baḻíon-Kudon kapunyaanmu.

DONDONG MOḶANTUD 4:5

Tetému naonda bo ki adí in rusa doyowa, ki adí in kijang apang inta koyogot in moranut kon bonok kon yua-yuak in bungang mobondu.

DONDONG MOḶANTUD 7:3

Tetému naonda bo ki adí in rusa doyowa, rusa apang doyowa.

DONDONG MOḶANTUD 8:10

Akuoi naa in dinding tobatú, bo tetéku in ḷangkeangnea. Kinotaauanbí in batoḷ in dodobku kon inia mosanang in akuoi.

DONDONG MOḶANTUD 8:9

Aka kuma bo sia in dinding tobatú, yo posindogon nami in ḷangkeang saḷaka kon tudunea. Aka kuma bo sia tua in bonawang tobatú, yo bonoboianbí nami in kayu ḷokuyú.

YESAYA 49:6

Ki Tuhan in noguman kon inakó, “Oaidan inta moḷobe-ḷoben in mogoḷat mako kon inimu, ei mogogundoi-Ku; iko in diábí tongá mopobui in ki agat in buí i Yakub bo mopoguḻit kon koḷoḷoben in suku mita in Israel, táe baḻíon-Ku doman bayag in bangusa mita, sinbá sinangkub in dunia posaḷamaton.”

YEHEZKIEL 16:46

Ki guya-guyangmu in ki Samaria kon utuan takin bayongan in ḻipúnea. Bo ki ai-aimu in Sodom kon toḷatan takin bayongan in ḻipúnea.

YEHEZKIEL 16:61

Kotoropanmubí in aidmu mita bo angoian in oyá kon dodai in ki utatmu mita pobuion-Kudon kon inimu. Baḻíon-Ku in mosia naonda bo ki adímu mita, umpakabí intua diá noituot kon dodandian-Ku takinmu.

YEHEZKIEL 16:7

Ginamá-Ku in tubig bo dinaritan in dugú kon awakmu. Iḻepoan-Ku in ḷana zaitun in kuḻitmu. Biniag-Ku in iko naonda bo pinomuḷa inta noḷumbá. Notoyong in kinoḷantudanmu, nosehat bo nopia in pinongongawak, bo nobaḻí mongodeaga. Tetému momangkoidon mobiag bo buokmu in noḷanggó, táe nopilang in iko. Kon dodai in Akuoi noitaḻib bui, inontong-Ku kon wakutumudon mononggaso. Pinoḷutudan-Ku in jubah-Ku in awakmu inta nopilang tua, bo dinandi-Ku kon ogoian-Ku in tabi-Ku in iko. Oo, sinogotan-Kudon in dodandian tonibuḷoi takinmu, bo iko in nobaḻídon Akuoi in kitogi. Akuoi, ki Tuhan Inta Totok in mokawasa ain nosingog.

YEHEZKIEL 23:33

Palo i guya-guyangmu Samaria, binonuan in ondok bo korimumudan. Naonda in inumonmu in bayongan in bonunea moḷoḷangu in iko bo mororiga. Bo bonsig mita in palo tatua pakéonmu pomerak kon dodobmu. Akuoi ki Tuhan Inta Totok in moḷantud ain nosingog.”

LUKAS 19:44

Rimumudon monia in iko takin intaumu mita inta nogutun kon naa; bo diábí in tobatúpamai in batu in pomayápa mako monia in moitudu motompia kon tampatnea. Sin diábí in kon ginamu mako in ki Allah in mamangoi moposaḷamat kon inimu!”

YOHANES 10:16

Oyúonpabí doman in domba-Ku mita ibanea, inta diá noitakin kon paanan in domba tanaa. Mosia tua in mustibí doman diaan-Ku bo mosia in mokidongogbí kon singog-Ku. Mosia komintan in mobaḻí topaanan takin tobatú in gombalanea.

OUMAN IN RASUL MITA 10:1

Kon Kaisarea oyúon in tobatú ḷoḷaki, tangoinea in ki Kornelius. Sia naa in itoi in “Tontara in Rum”.

OUMAN IN RASUL MITA 16:9

Nodoḷom monag, kon Troas, ki Paulus in nokoontong kon tobatú oontongon. Kon bonu in oontongon tatua sia in nokoontong kon intau in Makedonia tobatú sinimindog kon tayowonneamai bo totok in nopoigum sinbá mosia in mayápa in Makedonia motuḷung kon i monia.

OUMAN IN RASUL MITA 22:21

Táe ki Tuhan in noguman kon inakó, ‘bayádon sin Akuoi in mopotabá kon inimu mayá in tampat moyayú kon ḻipú in intau mita inta deeman Yahudi.’ ”

OUMAN IN RASUL MITA 7:38

Ki Musabí tuata inta kon yua-yuak in bangusa Israel kon padang gurun, inta nobaḻí tonsigad kon malaekat inta nopoyaput in singog kon inia kon Buḷud in Sinai takin mogoguyang naton. Sia tuata inta notarima kon habar inta nobiag nongkon i Allah sin poyaput kon i naton.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.