DONDONG MOḶANTUD 8:2 - Alkitab Singog In Mongondow Masa In Tanaa

² Iko in diaankubí kon baḷoi i ináku, sinbá iko motaau motundú kon inakó. Iko in poinumonku in anggur mobondu, bo tubig in bungai in delima.

DONDONG MOḶANTUD 8:2 ပူးပေါင်းရင်းမြစ်များ

AMSAL 9:2

Sia in noratádon kon bobiagon sin poramean, nomugutdon kon tubig in anggur bo nogoḷudon kon kaanon.

DONDONG MOḶANTUD 3:4

Bagupa sinaḷáanku in mosia, noyodungkuḷkudon in batoḷ in dodobku. Kinadaianku in sia, bo diádon inukatanku nodapot in diniaku kon baḷoi i ináku, kon gopot in intau inta nopononggadí kon inakó.

DONDONG MOḶANTUD 4:10

Totuu mopia in tabimu, uḻe, nonikaanku, mopia-piabí nongkon anggur. Ḷanamu totuu mobondu, mopia-pia nongkon bayongan toyokayu.

DONDONG MOḶANTUD 7:12

Igai in kita doḷo-doḷom mayá in gobá, bo moindoi mongo pangkoi in anggur nonubudon, bo bungainea nobukádon; degá pangkoi in delima nonoburdon. Kon tua ogoikudon in tabiku kon inimu.

DONDONG MOḶANTUD 7:9

bibigmu ná koromimit in tubig in anggur! Pomayádon mako sinbá anggur tatua moiḻig mayá kon batoḷ in dodobku, inta diá moobo-obot; bo mokopomuká kon totanoban, modapot in kon intau mita inta koyogot mosiug.

DONDONG MOḶANTUD 8:1

Uḻe, aka kuma iko kiutatku toinaan, inta nokoimontandon noneté kon i ináku, yo notantúbí kon ayokanku aka moyodungkuḷku kon daḷan, diábí in moningkuḻe kon inakó.

YOHANES 5:39

Moiko in mobalajar kon Buk Motusi sin kon bonu in raian monimu, aka natua yo mokouḻí kon kobiagan mopia bo mononoi. Bo umpakabí Buk Motusi tatua tontaní ain nobogoi in kosakusian soaḷ Akuoi.

GALATIA 4:26

Táe Yerusalem inta kon soroga tuata in Yerusalem inta nobebas, bo siabí tua in ki iná naton.

TIMOTIUS 2 3:15

Musti umuran toroponmu mako, kon nongkon mointokanpamai iko ain nonotaau kon Buk Motusi. Bo Buk Motusi tatua in nobogoi in pongortian kon inimu, sinbá mokouḻí kon kasaḷamatan inta pinodoyon kon pirisaya kon i Kristus Yesus.

PETRUS 2 1:19

Tuatabí in nokodugang kon pirisaya nami kon koyow i Allah inta ain pinoyaput in nabi mita. Maníka moiko in monarukira totok kon koyow tatua, sin koyow tatua in naonda bo togá inta nonindar kon wakutu in doḷom modapot in mobayagdon, bo sindar in tundi inta kon dotá in pomukaan monimbayag kon bonu in ginamu.

WAHYU 19:10

Dá sinumungkud in akuoi kon tayowonnea sin mosumba kon inia, táe sia in noguman kon inakó, “Donaai! Donaai mosumba kon inakó, sumbadon in ki Allah! Sin akuoi naa in tongábí doman bobantung ná iko nion bo notongkai doman i utatmu mita inta umuran kinumadai norigon kon onu inta pinoguman i Yesus!” Sin onu inta pinoguman i Yesus, tuatabí inta nopogonú kon gina in intau mita inta nopotaau in koyow i Allah.