DONDONG MOḶANTUD 7:4 - Alkitab Singog In Mongondow Masa In Tanaa

⁴ Sigogowmu naonda bo ḷangkeang uwaḷa in gajah. Matamu naonda bo tabang mita kon Hesybon, kon diug in bonawang Batrabim. Ngiungmu naonda bo ḷangkeang kon Buḷud in Libanon, inta noitayow kon kotá in Damsyik.

DONDONG MOḶANTUD 7:4 ပူးပေါင်းရင်းမြစ်များ

KINOBAḺIAN 15:2

Táe ki Abram in noguman, “Tuhan Inta Totok in Moḷantud, ki Tuhan diá nobogoi in adí kon inakó. Intau inta mogabat kon kapunyaanku tongábí ki Eleazer, bobantungku inta nongkon Damsyik. Dá onubí in mangaḻenea ki Tuhan mobogoi kon inakó in tondan pinogaidanku?”

SAMUEL 2 8:6

Onda intua ki Daud noposindog in ḷoḷaigan mita in tontara kon bonu in butá monia, bo motoguondok in mosia bo moguboḻi kon pajak kon inia. Ki Tuhan in nopountung kon i Daud kon ondakabí in bayáannea poparangan.

DATU MITA IMITÁNEA 10:18

Sia in nogaid doman in kadera in dodatuan inta moḷoben inta inaipan in gading bo iḷambáan in buḷawan taakan.

DATU MITA IMITÁNEA 10:22

Mobayong doman in kapaḷ moḷoben i Salomo inta ḷumeag moyotakin in kapaḷ mita i Datu Hiram. Toḷu notaong in komintan kapaḷ mita tatua mobui modia kon buḷawan, saḷaka, gading, boḷai bo ḷagapan merak.

DATU MITA IMITÁNEA 22:39

Ouman ibanea kon i Datu Ahab, bo ouman komaḻig in gading in gajah bo bayongan in kotá inta pinosindognea, in pinaisdon kon bonu in buk Ouman in Datu mita in Israel.

DATU MITA IMITÁNEA 7:2

Kon komaḻig tatua ki Salomo in nomia kon yuang inta sinangoian “Baḷoi Kayuon in Libanon”. Ukurannea: Kobanatnea in 44 nometer, kooḷadnea in 22 nometer, bo koḷantudnea in 13,5 nometer. Baḷoi tatua in toḷu nopipid in oigi nongkon kayu ḷokuyú in Libanon: pomuḷoi in pipidan in tumopopuḷú bo ḻima in oigi bo kon ḻimonikannea in pinakéan in bilabagnea mita inta nongkon kayu ḷokuyú in Libanon. Ḷuntungnea in pinomia nongkon kayu inta notongkai bo noikaḻeaw kon bilabagnea mita tatua.

DATU MITA IMITÁNEA 9:19

Kotá mita inta pinotagúan kon tongkaaḷ, bo kotá mita inta nobaḻí pososipunan kon kereta in parang bo kabaḷonea. Bayongan in tomayá pobangonan kon Yerusalem, Libanon, bo kon bayongan in butá inta kon bonu in kawasanea aindon inaidannea.

TAWARIKH 2 8:6

Bo pinosindognea doman bui in kotá in Baalat, bo bayongan in kotá inta pototagúan kon tongkaaḷ, bo kotá mita doman inta pototagúan kon kereta mita in parang takin kabaḷonea. Bayongan in tomayá moposindog intua in kon Yerusalem, Libanon bo bayongan in butá kawasa nea in ain inaidannea.

MAZMUR 144:12

Igumon mako in ki adí mita ḷoḷaki naton kon dodai in nobagupa naonda bo pinomuḷa inta nobiag noḷoben. Igumon mako in adí mita bobay naton naonda bo oigi moḷunat, inta noḷambá kon batúan siku in komaḻig.

MAZMUR 45:8

Iko in moibog in inta mobanar bo mondoí kon inta moraat; tuamai, ki Allah, Allahmu ain nomiḻí kon inimu, bo nopoḷunganga kon inimu noiḻiu kon datu mita ibanea.

DONDONG MOḶANTUD 1:10

Putongimu totuu moḷunat kon sigad in ḷambá, sigogowmu in moḷunat pinakéan in boboḷ permata.

DONDONG MOḶANTUD 4:1

Totuu moḷunat in iko, batoḷ in dodobku, totuu, totuubí kon moḷunat in iko. Matamu noibuni kon koḷubungmu naonda bo paḷoma; buokmu naonda bo paanan in bembé inta mosiḻig kon buḷud mita in Gilead.

DONDONG MOḶANTUD 4:4

Sigogowmu naonda bo ḷangkeang i Daud, inta pinosindog sin potagúan kon ḷoḷutam. Boboḷmu notongkai in kaḻeaw toribu, tungkud in intau mita mongobarani.

DONDONG MOḶANTUD 4:5

Tetému naonda bo ki adí in rusa doyowa, ki adí in kijang apang inta koyogot in moranut kon bonok kon yua-yuak in bungang mobondu.

DONDONG MOḶANTUD 6:5

Dikapa imindoi mako kon inakó, sin pooindoimu mokotoboḻingu kon inakó. Buokmu naonda bo paanan in bembé inta mosiḻig kon buḷud mita in Gilead.

YESAYA 54:4

Dika moondok, iko in diábí pokopooyáanmai: diábí singkuḻeon bo oyáon. Iko in mokoḻiong bidon kon aidmu inta diá motoindudui kon tungkuḷ noguodpa; diá bidon mokotorop bui kon kaadaanmu saḷaku boba-bobay.

IBRANI 5:14

Aka kaanon notogat, tua in ogoi kon intau inta noguyangdon in raiannea bo inta nobayongdon in kinoyitakannea bo inta kinorasaannea, sahingga motaaudon in sia mopoyoposi kon onu inta mopia bo onu inta moraat.