DONDONG MOḶANTUD 7:12 - Alkitab Singog In Mongondow Masa In Tanaa

¹² Igai in kita doḷo-doḷom mayá in gobá, bo moindoi mongo pangkoi in anggur nonubudon, bo bungainea nobukádon; degá pangkoi in delima nonoburdon. Kon tua ogoikudon in tabiku kon inimu.

DONDONG MOḶANTUD 7:12 ပူးပေါင်းရင်းမြစ်များ

MAZMUR 122:5

Kon naabí in datu mita buí i Daud mohakim kon rayatnea.

MAZMUR 43:4

Dá akuoi in mopobayádon in mezbah i Allah, kon tayowon i Allah pangkoi in kopiaanku. Akuoi in modondongbí bo mopogogitog in kecapi, sin modayow kon ini-Mu, o Allah, Allahku.

MAZMUR 73:25

Ki inebí in kapunyaanku kon soroga koḻikudbí in Iko? Tongábí Iko diábí in ibanea mako in koibogku in kon butá.

IḶUAIAN 25:22

Kon tampat tatua Akuoi moyodungkuḷmu, bo nongkon ḻimonik in taḷobnea, kon sigad in kerub doyowa tatua, Akuoi mobogoi in hukum-Ku mita kon inimu bo potaaumudon kon bangusa Israel.”

AMSAL 8:17

Akuoi in motabi kon i monia inta moibog kon inakó; inta motayak kon inakó, in moyodungkuḷkubí.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

DONDONG MOḶANTUD 2:13

Pangkoi in ara momangkoidon momungai, pangkoi in anggur kobóandon in toburnea. Angoidon batoḷ in dodobku, igaidon ḷunatku.

DONDONG MOḶANTUD 2:15

Domokdon in dedek mita tatua, dedek mita mointok inta momoguraat kon gobá in anggur, sin gobá in anggur nami koyogotdon monubu.

DONDONG MOḶANTUD 4:13

Kon tua nobiag in pangkoi mita in delima, nopomungai in bungai mita inta totok in mopira in nanamnea. Bungang pacar bo narwastu,

DONDONG MOḶANTUD 4:16

Pobangondon, ei tompot in utuan, angoidon, ei tompot in toḷatan! Pogirupdon kon gobáku, sinbá bondunea in kobóan. Igumon mako batoḷ in dodobku mamangoi kon gobánea, bo mokaan kon bungainea mita inta mopia in nanamnea.

DONDONG MOḶANTUD 6:11

Akuoi namangoi kon gobá in upai, moindoi kon bungang mita kon ḷopá; degá pangkoi in anggur nonubudon, bo pangkoi in delima nonoburdon.

DONDONG MOḶANTUD 7:11

Koḻigai in kita mayá in rawang, uḻe batoḷ in dodobku, bo mosiug kon gobá kon yua-yuak in bungang totabian.

DONDONG MOḶANTUD 7:6

Totuu moḷunat in iko uḻeku, inta kinotabi kon sigad inta kinosanang.

YESAYA 18:5

Kon tungkuḷ in deemanpa sempo in ayop, kon tungkuḷ in toburnea ain nototak bo bungai in anggur diápa noḷutú kon pangkoinea, Sudan in rimumudondon in musung, ná kogogampang in tosilad moratab kon tanga mita in anggur.

OUMAN IN RASUL MITA 15:36

Diá noonggot bo noguman in ki Paulus kon i Barnabas, “Igai bá mayá in kitada mokipodungkuḷ kon bayongan in utat mita inta mopirisaya kon i Yesus Kristus kon kotá-kotáannea. Kon kotá mita inta aindon nokoimontan in binayáan naton; sinbá kotaauan naton in kaadaan monia.”

SURAT I PAULUS KON JAMAAT RUM 5:11

Bo deemanbí tongá tua, táe moḷungangadon totok in gina naton kon kopopia in gina i Allah inta pinopotonsigad kon i Yesus Kristus ki Tuhan naton. Sin pinongin i Kristus tuata, dá tanaa mako kita mokoalami kon hubungan naton inta mopia takin i Allah.

KORINTUS 2 13:5

Tungkuḷaika uji in pirisaya monimu mongo totu-totuudon noidoyon kon pirisaya kon i Kristus! Taridiai kopia! Degá moiko in diápabí mopirisaya totok kon ki Kristus Yesus in oyúondon kon bonu in gina monimu! – sin aka diá natua yo moiko in diápabí monahang kon totungkuḷ.

EPESUS 6:24

Igumon doman mako barakatan i Allah in moiko komintan inta motabi kon i Tuhan naton inta ki Yesus Kristus takin tabi inta diá moobo-obot. Horomat nami, Ki Paulus

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.

IBRANI 2:13

Ki Yesus in noguman doman nanaa: “Ki Allah in nobaḻí oandoḷan in pirisaya-Ku.” Bo Sia in noguman doman nanaa, “Naadon Akuoi noyotakin in adí mita inta ain inogoi i Allah kon i-Nakó.”

IBRANI 2:15

Tua in cara-Nea moposaḷamat kon intau mita inta umuran kinawasaan in ondok kon soaḷ popatoi.

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.