DONDONG MOḶANTUD 7:11 - Alkitab Singog In Mongondow Masa In Tanaa

¹¹ Koḻigai in kita mayá in rawang, uḻe batoḷ in dodobku, bo mosiug kon gobá kon yua-yuak in bungang totabian.

DONDONG MOḶANTUD 7:11 ပူးပေါင်းရင်းမြစ်များ

MAZMUR 45:12

Koḷoḷunatmu in mokoḻiai kon gina i datu, sia in ki tuangmu, kotoinduduidon kon inia.

DONDONG MOḶANTUD 1:4

Mokopoḷamemet in kita, o datuku, diádon in akuoi tumuot in gopotmu. Sin popisí in iko dá moḷunganga totok in gina nami, bo modayow kon totabimu in moiḻiu kon anggur; patusdon in mongodeaga mita moibog kon inimu!

DONDONG MOḶANTUD 2:16

Batoḷ in dodobku kapunyaanku, bo akuoi sia in kitogi, sia in noḷukad kon dombanea mita kon sigad in bungang mita bakung

DONDONG MOḶANTUD 4:8

Koḻigai in kita mosiḻig nongkon Libanon, nonikaanku, koḻigai mosiḻig nongkon Libanon. Posiḻigdon nongkon tudu in Amana, nongkon tudu in Senir bo Hermon, tampat pogogutunan in macan tutul bo singa.

DONDONG MOḶANTUD 7:10

Akuoi in kapunyaan i batoḷ in dodobku, sia in moibog kon inakó.

DONDONG MOḶANTUD 7:12

Igai in kita doḷo-doḷom mayá in gobá, bo moindoi mongo pangkoi in anggur nonubudon, bo bungainea nobukádon; degá pangkoi in delima nonoburdon. Kon tua ogoikudon in tabiku kon inimu.