DONDONG MOḶANTUD 6:4 - Alkitab Singog In Mongondow Masa In Tanaa

⁴ Moḷunat in iko, batoḷ in dodobku, ná koḷunat kotá in Yerusalem, ná kogaga in kotá in Tirzah. Iko in totokbí in mokoangá naonda bo tontara mita kodia-dia in banderanea.

DONDONG MOḶANTUD 6:4 ပူးပေါင်းရင်းမြစ်များ

DATU MITA IMITÁNEA 14:17

Nopaḷut mako kon tua nobuatdon in ki buḷoi i Yerobeam kon Tirza. Kon dodai in sia sinumuot kon baḷoinea, ki adínea in minatoi.

DATU MITA IMITÁNEA 15:21

Naonda in kinodongogan i Baesa intua, nogogaidon in sia noginrigon kon Rama. Minayá in sia in Tirza bo nogogaipa notoyong in noparang.

DATU MITA IMITÁNEA 15:33

Kon taong nogintoḷu kon pinomarentaan i Datu Asa kon Yohuda, ki Baesa ki adí i Ahia in nobaḻí datu kon bayongan in Israel. Nomarenta i sia kon Tirza doyowa nopuḷú bo opat notaong in koonggotnea.

MAZMUR 48:2

Totuubí moḷantud in ki Tuhan bo totok in dinayow kon kotá i Allah naton, kon tombuḷud inta motusi.

MAZMUR 48:3

Sion, tombuḷud i Allah nosindog notompia kotá i Datu Moḷantud mokopia kon gina in sinangkub in butá.

MAZMUR 50:2

Nongkon Sion, kotá inta totok in mogaga, Ki Allah in noitukat takin nonindar.

DONDONG MOḶANTUD 1:15

Iko in moḷunat totok, batoḷ in dodobku, totuu moḷunat in iko! Matamu naonda bo paḷoma.

DONDONG MOḶANTUD 1:5

Umpaka morondí, moḷunatbí in akuoi, ei mongodeaga mita in Yerusalem; morondí ná ḷoḷaigan mita in Kedar, táe mogaga naonda bo toipoi mita in komaḻig i Salomo!

DONDONG MOḶANTUD 2:14

O paḷomaku kon sigad in batu, kon pinogadopan kon obaga mita in buḷud inta mosindog, pomayádon mako ontongonku in pogotmu, bo mokodongog kon singogmu, sin pogotmu moḷunat, dondongmu in mopia.

DONDONG MOḶANTUD 4:7

Totuubí moḷunat in iko, batoḷ in dodobku, diábí in bogit kon inimu.

DONDONG MOḶANTUD 5:2

Akuoi in nosiug, táe ginaku in nobangon. Indongogaidon, batoḷ in dodobku nonangkokó kon ḷoḻingkop. Bukataipa in ḷoḻingkop, uḻe, batoḷ in dodobku, paḷomaku, intau inta totok in kinotabiku; uḷuku nobuntad in oḷú, buokku nobuntad in oḷú doḷom.

DONDONG MOḶANTUD 6:10

Ki ine in sia inta namangoi naonda bo bayag doḷo-doḷom, ná kogaga in moḷoben, ná kobayag in mata in singgai? Sia totok in mokoangá, naonda bo tontara mita kokada-kadai in bandera monia.

OMBAḶ 2:15

Bayongan in intau inta moitaḻib, morebeg kon inimu, sin norimumudon komintan in iko. Momombiḻing in mosia bo poḷat moguman, “Tuata degá in kotá inta totok in mogaga, kotá inta inyunggagá in dunia?”

ZAKHARIA 12:3

Táe aka singgai tatua moiangoi, baḻíon-Ku in Yerusalem naonda bo batu inta mobogat; bangusa taondaka in moḷongasi mobuat kon tua yo moboditobí. Bayongan in bangusa kon dunia in dumugangbí sin monubu kon Yerusalem.

KORINTUS 2 10:4

Sin ḷoḷutam mita inta pinaké nami kon usaha tanaa in deemanbí ḷoḷutam in dunia naa, táe ḷoḷutambí mita inta inogoi i Allah inta mokosanggup momoguyaat kon onu inta mokooḻingoi

EPESUS 5:27

Mangaḻenea kon tua, ki Kristus in noposadia in jamaat kinotompia kon tayowon i Allah, takin diá in gaatnea andeka inta motaau hojatan in intau ibanea.

WAHYU 21:2

Dá akuoi in nokoontong kon kotá motusi tatua, tuata in Yerusalem inta mobagu, noponag nongkon soroga i Allah. Kotá tatua in pinosadia naonda bo nonikaan bobay inta pinakeangan sin mokipodungkuḷdon kon nonikaan ḷoḷaki.