DONDONG MOḶANTUD 6:11 - Alkitab Singog In Mongondow Masa In Tanaa

¹¹ Akuoi namangoi kon gobá in upai, moindoi kon bungang mita kon ḷopá; degá pangkoi in anggur nonubudon, bo pangkoi in delima nonoburdon.

DONDONG MOḶANTUD 6:11 ပူးပေါင်းရင်းမြစ်များ

KINOBAḺIAN 2:9

Ki Tuhan Allah in nopobiag in bayongan pangkoi in kayu inta mongogaga, inta mopomungai doman in ayop inta mopia. Kon yua-yuak in taman tatua nobiag domandon in kayu inta mobogoi in kobiagan bo pangkoi in kayu inta mobogoi in pongotahuan kon soaḷ inta mopia bo inta moraat.

KINOBAḺIAN 40:10

Pangkoi in anggur tatua nonanga toḷu. Bagupa in tanganea mita tatua monondaun, indoianmai mulaidon ḷumuai doman in bungainea, bo indoianmai bungainea in noḷutúdon.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

DONDONG MOḶANTUD 6:12

Akuoi mokotanobdon totok kon tabimu, ná tanobku tumakoi kon kereta in parang moyotakin in intau mita moḷoben.

DONDONG MOḶANTUD 6:2

Batoḷ in dodobku minayá in gobánea, kon gobá in toyokayu sin moḷukad kon domba mita kon gobá, bo mosipú kon bungang mita bakung.

DONDONG MOḶANTUD 7:12

Igai in kita doḷo-doḷom mayá in gobá, bo moindoi mongo pangkoi in anggur nonubudon, bo bungainea nobukádon; degá pangkoi in delima nonoburdon. Kon tua ogoikudon in tabiku kon inimu.

DONDONG MOḶANTUD 7:13

Pangkoi in koitó mobondu in bónea, kon diug in ngara naton oyúon in bungai mita in ayop inta mopira in nanamnea, inta noonggotdon in sinipú bo inta bagupa sinipú; tua in sinagú kon inimu, uḻe batoḷ in dodobku.

MARKUS 11:13

Nongkon moyayúpa inontong-Neadon in pangkoi in ara inta nobambar. Dá nongandupa in Sia notayak kon ḷabú in bungainea. Táe diábí tobatúmai in nouḻí-Nea, koḻikud in daunnea mita, sin dodai intua deemanpabí doman pomomungai in ara.

LUKAS 13:7

Dá sia in noguman kon moḷoḷukad kon gobá in anggurnea tatua, ‘Aindon toḷu notaong in akuoi umuran mamangoi motayak kon bungai in pangkoi ara tanaa, táe diá kon dodai onda in akuoi nokouḻí kon bungainea. Dá maní pupuḷdon in pangkoinea naa! Sin diábí in baraguna kobiagannea kon butá tanaa!’

YOHANES 15:16

Deemanbí moiko in nomiḻí kon i-Nakó. Akuoibí in nomiḻí kon i monimu, bo nopotabá kon i monimu mayá sinbá modiamai kon bungai mobayong, bungai mita inta diá moyopú. Dá ogoibí i Amá in onukabí inigum monimu inta pinodoyon kon tangoi-Ku.

OUMAN IN RASUL MITA 15:36

Diá noonggot bo noguman in ki Paulus kon i Barnabas, “Igai bá mayá in kitada mokipodungkuḷ kon bayongan in utat mita inta mopirisaya kon i Yesus Kristus kon kotá-kotáannea. Kon kotá mita inta aindon nokoimontan in binayáan naton; sinbá kotaauan naton in kaadaan monia.”