DONDONG MOḶANTUD 5:6 - Alkitab Singog In Mongondow Masa In Tanaa

⁶ Binukatanku in ḷoḻingkop sin tuotan in batoḷ in dodobku, táe nomurowdon in sia bo minayá. Mokotanob totok in akuoi mokidongog kon singognea; sinayakku in sia, táe diá nouḻíku. Kinuukku in tangoinea, táe diá sinumubag in sia.

DONDONG MOḶANTUD 5:6 ပူးပေါင်းရင်းမြစ်များ

KINOBAḺIAN 42:28

“Doitku pinobuibí,” gumannea kon i utatnea mita. “Indoiai, nouḻíku kon bonu in karongku!” Gina monia nobaḻí nokawai, bo takin ondok mosia in nosiḻibóan, “Onu in pinomia i Allah kon inaton?”

SAMUEL 2 16:10

Táe noguman in ki datu kon i Abisai bo kon i Yoab ki guya-guyangnea, “Dikadon hirauonmai. Pomayádon mako in sia mogodi-godimai kon inakó. Sin aka ki Tuhan in nopotabá kon inia, yo ki inebí in kohak moḻibó kon inia nongonu sin momiabí natua in sia?”

MAZMUR 28:1

Mazmur i Daud. O Tuhan, kon ini-Mubí in pokuanianku, Iko in mododuḷuku, indongogaipa in kuaniku. Aka Iko bo tongá kibio-biómai kon inakó, yo akuoi in naonda bo intau inta moponag kon bubú in poḷobongan.

MAZMUR 30:7

Kon tungkuḷ in noaman, akuoi in noguman, “Akuoi in diábí taḷowon!”

MAZMUR 69:3

Akuoi in noibonu kon dampaḷ inta modaḷom, diá in pomuntukan. Akuoi in noḷomot kon tubig inta moḻinow, iniḻig in bokoḷ kon dodai in tubig noponik.

MAZMUR 77:3

Kon tungkuḷ in mororiga totok akuoi in nosambayang kon i Tuhan; kinoouput in doḷom tonggóonku in ḻimaku kon i-Nia takin diá angoian in bú, táe ginaku in doíbí ḻipoion.

MAZMUR 80:4

O Allah, tompiadon bui in kami; bobuipa kaasí in kami takin pia in gina, dá mosaḷamat in kami.

AMSAL 1:28

Kon dodai intua moiko in mokuani kon inakó, táe doí in akuoi tumubag. Tayakon magí-mako monimu in akuoi táe diábí mouḻí monimu.

DONDONG MOḶANTUD 5:2

Akuoi in nosiug, táe ginaku in nobangon. Indongogaidon, batoḷ in dodobku nonangkokó kon ḷoḻingkop. Bukataipa in ḷoḻingkop, uḻe, batoḷ in dodobku, paḷomaku, intau inta totok in kinotabiku; uḷuku nobuntad in oḷú, buokku nobuntad in oḷú doḷom.

DONDONG MOḶANTUD 5:4

Modoḷodok totok in ginaku sin batoḷ in dodobku nokadai kon kokadaian in ḷoḻingkop.

DONDONG MOḶANTUD 6:1

Minayá onda in batoḷ in dodobmu, ei bobay inta totok in moḷunat? Minayá onda in batoḷ in dodobmu, sinbá kami tumakin motayak kon inia?

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

YESAYA 58:2

Mosia in mosumba kon i-Nakó pomuḷoi in singgai, bo moibog monotaau kon ibog-Ku, naonda bo moibog in mosia mogaid kon inta mopia, bo motoindudui kon hukum-Ku. Mosia in moguman kon mosanang in gina monia in mosumba kon i-Nakó bo moibog in hukum-Ku inta moadil.”

YESAYA 8:17

Ki Tuhan ain nogadop kon buí i Yakub, umat-Nea, táe mopirisayabí in akuoi bo umandoḷ mako kon i-Nia.

OMBAḶ 3:8

Akuoi in kinumarak mopoigum in totuḷung, táe ki Allah in doíbí mokidongogmai.

HOSEA 5:15

Umat-Ku in taḷaan-Kubí modapot in roriga kon i monia tugatdon popisí in dosanea mita, bo mamangoi sin motayak kon i-Nakó. Degá kon bonu in roriganea, mosia in moḷongasi moyodungkuḷ-Ku.”

HOSEA 5:6

Mosia in minayá notayak kon i Tuhan kodia-dia in domba bo sapi sin pokuruban, táe tua komintan in diábí in mangaḻenea. Sin ki Tuhan in nonaḷámaidon kon i monia, bo diábí mouḻí monia in Sia.

ZAKHARIA 7:13

Akuoi in doíbí notubag kon sambayang monia, sin mosia doman in doí mokidongog kon tungkuḷ in Akuoi nosingog.

MATIUS 26:75

Bo kinotoropandon i Petrus onu inta ain pinoguman i Yesus kon inia, “Wakutu in manuk diápa mokukú iko in kotoḷudon nomayow kon deeman murí-Ku.” Bo iḷumuai in sia, bo nongombaḷ sin norobonoḷ totok in ginanea.

MARKUS 14:72

Kon dodaipa doman tuata manuk nokukú kon induanea. Bo kinotoropandon i Petrus kon munadon pinoguman i Yesus kon inia, “Kon diápa mokukú in manuk kon induanea, koyongandon kotoḷu in sia nomayow deeman murí.” Bo nongombaḷ mopoina-inak in ki Petrus.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.

SAMUEL 1 28:6

Bo nopoigum in sia in totundú kon i Tuhan, táe ki Tuhan in diábí notubag kon inia, pinomayá pinongin togoindop, andeka pinongin Urim bo Tumim andeka pinongin nabi mita.