DONDONG MOḶANTUD 5:16 - Alkitab Singog In Mongondow Masa In Tanaa

¹⁶ Totuu mokosanang in pososingognea, bayongan yagi-yagi kon inia mokoangá. Natuata batoḷ in dodob bo yobayatku, ei mongodeaga mita in Yerusalem!

DONDONG MOḶANTUD 5:16 ပူးပေါင်းရင်းမြစ်များ

SAMUEL 2 1:23

Ki Saul bo ki Yonatan, totuu mopia in pososingog bo kinotabi; umuran motobatú kon bonu in nobiagpa nodapot in minatoidon; mosia in moḻika-ḻikat in ḷagapan garuda, moropo-ropot nongkon singa batánea.

MAZMUR 119:103

Totuu mopia in tosingogon-Mu, noiḻiu kon koromimit in biluk!

MAZMUR 148:13

Biódon mako in mosia komintan modayow kon tangoi Tuhan, sin tangoi-Nea in moḷantu-ḷantud nongkon bayongan in tangoi; koḷoḷantud-Nea in nonigad kon ḷangit bo butá.

MAZMUR 19:10

Motoguondok kon i Tuhan tua in mopiabí, moiyaputbí in mononoi. Hukum i Tuhan tua in totuubí bo moadilbí komintan.

MAZMUR 45:2

Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

MAZMUR 89:6

Mogogutun mita kon soroga modayow kon aid-Mu mita inta mokoherang, bo mopodondong in kososatia-Mu, Tuhan.

DONDONG MOḶANTUD 1:16

Totuu mogaga in iko, uḻeku totuu kon mogagabí in iko! Posiugan naton kon tudu in bonok moḷunow.

DONDONG MOḶANTUD 1:2

Ayokaidon in akuoi; tabimu in mopia-pia in anggur!

DONDONG MOḶANTUD 1:5

Umpaka morondí, moḷunatbí in akuoi, ei mongodeaga mita in Yerusalem; morondí ná ḷoḷaigan mita in Kedar, táe mogaga naonda bo toipoi mita in komaḻig i Salomo!

DONDONG MOḶANTUD 2:1

Akuoi in tongábí bungang mawar nongkon Saron, bungang bakung kon ḷopá mita.

DONDONG MOḶANTUD 2:16

Batoḷ in dodobku kapunyaanku, bo akuoi sia in kitogi, sia in noḷukad kon dombanea mita kon sigad in bungang mita bakung

DONDONG MOḶANTUD 2:3

Naonda bo pangkoi in apel kon yua-yuak in pangkoi in kayu kon kayuon, natuata in batoḷ in dodobku kon sigad in ḷoḷaki mita. Mopiabí in ginaku kon siungonnea, bungainea mita noromimit in nanamnea.

DONDONG MOḶANTUD 4:3

Kuḻit in bibigmu naonda bo pita nopura, bo mogaga in bibigmu. Putongimu naonda bo bungai in delima iḷosi, noibuni kon koḷubungmu.

DONDONG MOḶANTUD 6:3

Akuoi naa in kapunyaan i batoḷ in dodobku, bo sia in kapunyaanku, sia in noḷukad kon domba mita kon yua-yuak in bungang mobondu.

DONDONG MOḶANTUD 7:9

bibigmu ná koromimit in tubig in anggur! Pomayádon mako sinbá anggur tatua moiḻig mayá kon batoḷ in dodobku, inta diá moobo-obot; bo mokopomuká kon totanoban, modapot in kon intau mita inta koyogot mosiug.

YEREMIA 15:16

Iko in nosingog kon inakó, bo akuoi in nokidongog kon bayongan in tosingogon-Mu. Akuoi naa in Iko in kitogi, o Tuhan Allah Inta Totok in mokawasa, tuamai in tosingogon-Mu mita in mokosanang bo mokoḷunganga kon inakó.

YEREMIA 3:20

Táe notongkai in buḷoi bobay inta diá mosatia, iko in diá doman nosatia kon i-Nakó. Akuoi, ki Tuhan, ain nosingog.”

HOSEA 3:1

Ki Tuhan in noguman kon inakó, “Bayádon bui bo kotabi in bobay tobatú inta moibog mokituaḻing. Kotabidon in sia ná doman Akuoi notabi kon intau in Israel umpaka mosia ain nonaḷámai kon i-Nakó bo nosumba kon ilah mita ibanea poḷat doman noposumba in kukis kismis kon berhala.”

GALATIA 2:20

Tongá akuoi in nobiag, táe deeman bidon akuoi, sin ki Kristus bidon in naa kon awakku. Bo kobobiagku tanaa mako in kobobiag bidon inta pinodoyon kon pirisayaku kon i Adí i Allah inta notabi kon inakó, bo inta ain noposarakan in awak-Nea tontaní sin kopontinganku.

PILIPI 3:8

Deemanbí tongá kon soaḷ mita tatua; táe kon bayongan doman in rupa-rupa inanggapkudon diá in mangaḻenea. Sin naonda in akuoi nonotaaudon kon i Kristus Yesus, yo kinorasaanku kon tuabí in mopia-pia nongkon bayongan in rupa-rupa. Lantaran ki Kristus, dá bayongan in rupa-rupa sinaḷaankudon sin tua komintan diábí in mangaḻenea, bo bá mouḻíkudon in ki Kristus,

YAKOBUS 2:23

Tua noyokaan in tontagá kon Buk Motusi inta noguman nanaa: “Ki Abraham in nopirisaya kon i Allah, bo lantaran pirisayanea tatua dá sinarima i Allah in sia saḷaku intau inta nogaid kon onu in kinoibog i Allah.” Tuamai ki Abraham in sinangoi, “Yobayat i Allah”.

YAKOBUS 4:4

Moiko nion in intau inta diá mosatia! Diá kinotaauan monimu degá kon aka moiko moyobayat in dunia naa, yo moiko in mobaḻí saturu i Allah! Dá ki ine in moibog mobaḻí yobayat in dunia naa, yo mangaḻenea kon tua, baḻíonnea in sia saturu i Allah.