DONDONG MOḶANTUD 4:6 - Alkitab Singog In Mongondow Masa In Tanaa

⁶ Moibog in akuoi mayá kon buḷud in taḷong mobondu, kon buḷud in kamania, modapot in mogirup in tompot doḷo-doḷom, inta monginggamá kon sindip in doḷom.

DONDONG MOḶANTUD 4:6 ပူးပေါင်းရင်းမြစ်များ

MAZMUR 66:15

Posumbaku kon ini-Mu kuruban payongon nongkon biag notompiḻí, bembé domba bo sapi koḷakian, poyoknea in moidamonik kon ḷangit.

IḶUAIAN 20:24

Pomiaidon in Akuoi kon mezbah tobatú nongkon butá, bo pobogoidon in sosumba kon tua domba bo sapimu mobaḻí kuruban inta sinubá bo kuruban pondamean. Kon bayongan in tampat inta sinantú-Ku kon inimu mobaḻí tampat poibadaan kon i-Nakó, Akuoi in mamangoibí bo momarakat kon i monimu.

IḶUAIAN 30:8

Tua in musti pomiaannea doman kon dodai in sia mopoyongkit in togá wakutu in ḷoḷabungnea. Sosumba kamania tatua musti umurannea pomiaan dapot in adí bo ompu.

IḶUAIAN 37:29

Ki Bezaleel nomia doman kon ḷana in upacara bo dupa totokea inta mobondu, pinoyobauk naonda bo ḷana mobondu.

DONDONG MOḶANTUD 2:17

modapot in tompot doḷo-doḷom mogirup inta monginggamá kon sindip in doḷom. Pobuidon mangoi, batoḷ in dodobku, naonda bo kijang, naonda bo ki adí in rusa kon buḷud in Beter.

DONDONG MOḶANTUD 3:6

Onu degá intua inta namangoi nongkon padang gurun, naonda bo poyok nosipun? Kobondunea in naonda bo taḷong mobondu bo kamania, bo pupur mita mobondu nongkon mopopotaḷui.

DONDONG MOḶANTUD 4:14

narwastu, koḷawag, kayu manis bo túan, bo noyagi-yagimai in pangkoi in kamania. Taḷong mobondu bo gaharu, takin noyagi-yagimai in toyokayu inta notompiḻí.

DONDONG MOḶANTUD 8:14

Batoḷ in dodobku, angoidon naonda bo kijang, naonda bo ki adí in rusa kon buḷud in Beter.

YESAYA 2:2

Kon singgai mita moiduduimai buḷud kinoḻitúan in Baḷoi Tuhan inta moḷantud bo inta noisindog moroton kon tudu in buḷud mita bo tombuḷudnea mita. Bayongan in bangusa moyotakinbí in mayá intua,

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

LUKAS 1:78

Ki Tuhan naton mopia in gina bo motabi doman totok. Sia in mamangoi sinbá mosaḷamat in kita. Sia naonda bo mata in singgai inta momuká doḷo-doḷom,

PETRUS 2 1:19

Tuatabí in nokodugang kon pirisaya nami kon koyow i Allah inta ain pinoyaput in nabi mita. Maníka moiko in monarukira totok kon koyow tatua, sin koyow tatua in naonda bo togá inta nonindar kon wakutu in doḷom modapot in mobayagdon, bo sindar in tundi inta kon dotá in pomukaan monimbayag kon bonu in ginamu.

YOHANES 1 2:8

Umpaka natua, táe parenta inta pinaisku naa in nobagubí doman; sin kobobanarnea in motaaubí indoian kon i Kristus bo kon i monimu. Sin sindip in koinggamá-koinggamádon bo bayag inta moḷoben momangkoidon monindar.

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”

WAHYU 5:8

Koyogot in ki Adí in Domba tatua nogabat kon ḻitodan in buk tatua, sinumungkudon in mahaḷuk opat tatua takin itoi mita doyowa nopuḷú bo opat kon tayowon-Nea. Mosia notukid in kecapi bo palo buḷawan inta binonuan in kamania, tuata in sambayang mita in umat i Allah.