DONDONG MOḶANTUD 4:4 - Alkitab Singog In Mongondow Masa In Tanaa

⁴ Sigogowmu naonda bo ḷangkeang i Daud, inta pinosindog sin potagúan kon ḷoḷutam. Boboḷmu notongkai in kaḻeaw toribu, tungkud in intau mita mongobarani.

DONDONG MOḶANTUD 4:4 ပူးပေါင်းရင်းမြစ်များ

SAMUEL 2 1:21

Ei buḷud mita in Gilboa, indongogaidon in baḷúku: Dika modapot in oḷú bo uyan momuntad kon inimu! Pomayádon mako moingkag bo moḷogat in gobá bo tampat popokaanmu in biag. Sin kon tuata in kinogambatan in kaḻeaw in intau mita mobarani. Bo kaḻeaw i Saul in kaḻiotáan, diádon iḻepoan bui in ḷana.

SAMUEL 2 22:51

Ki Allah in nobogoi in kauntungan moḷoben kon datu inta dinuí-Nea, Sia in umuranbí motabi kon intau inta piniḻí-Nea, ki Daud bo buínea in umur mononoi.

MAZMUR 144:12

Igumon mako in ki adí mita ḷoḷaki naton kon dodai in nobagupa naonda bo pinomuḷa inta nobiag noḷoben. Igumon mako in adí mita bobay naton naonda bo oigi moḷunat, inta noḷambá kon batúan siku in komaḻig.

DONDONG MOḶANTUD 1:10

Putongimu totuu moḷunat kon sigad in ḷambá, sigogowmu in moḷunat pinakéan in boboḷ permata.

DONDONG MOḶANTUD 7:4

Sigogowmu naonda bo ḷangkeang uwaḷa in gajah. Matamu naonda bo tabang mita kon Hesybon, kon diug in bonawang Batrabim. Ngiungmu naonda bo ḷangkeang kon Buḷud in Libanon, inta noitayow kon kotá in Damsyik.

DONDONG MOḶANTUD 7:5

Uḷumu naonda bo Buḷud in Karmel; buokmu inta sinuḷapid naonda bo aḻibobag, mokosanang in moindoi umpaka datu.

DONDONG MOḶANTUD 8:10

Akuoi naa in dinding tobatú, bo tetéku in ḷangkeangnea. Kinotaauanbí in batoḷ in dodobku kon inia mosanang in akuoi.

MIKHA 4:8

Bo iko Yerusalem, tampat pinoḷukadan i Allah kon umat-Nea naonda bo gombala noḷukad kon paanan in dombanea, iko in buibí mobaḻí ki iná in kotá in dodatuanmu ná dungkuḷmai.

KOLOSE 2:19

sahingga in diádon kumadai kon i Kristus inta nobaḻí tongguḷu. Kon bonu in pimpinan i Kristus, bayongan in awak iḷukadan bo sinobatú in sendinea mita, poḷat nobiag podudui in ibog i Allah.

PETRUS 1 1:5

Tua komintan in ogoi kon i monimu, sin moiko in mopirisaya kon i Allah. Moiko iḷukadanbí doman in kawasa i Allah sinbá moiko in motarima kon kasaḷamatan inta sinadiadon bo poponiata kon singgai tumi.