DONDONG MOḶANTUD 4:3 - Alkitab Singog In Mongondow Masa In Tanaa

³ Kuḻit in bibigmu naonda bo pita nopura, bo mogaga in bibigmu. Putongimu naonda bo bungai in delima iḷosi, noibuni kon koḷubungmu.

DONDONG MOḶANTUD 4:3 ပူးပေါင်းရင်းမြစ်များ

KINOBAḺIAN 32:10

Akuoi in diá patus motarima kon bayongan tabi bo kososatia inta ain pinoontong i Tuhan kon inakó. Naonda in akuoi nobuat iḷumoḷan kon Ongkag in Yordan, akuoi in diábí nodia kon onu bo onu koḻikudbí in tungkud. Tanaa akuoi in nobui mangoi takin nobaḻídon doyowa nokolompok tanaa.

EZRA 9:6

Akuoi in noguman, “Oo Allahku, akuoi naa in mooyá in dumungá kon tayowon-Mu. Dosa nami in moyo-moyoguntuḷdon kon tudu in uḷu nami noidapotdon in ḷangit.

MAZMUR 119:13

Noḷangon in singogku in nopotaau in bayongan in hukum inta inogoi-Mu.

MAZMUR 37:30

Intau mopia mosingog takin bijaksana, sia in umuranbí motuḻid kon bonu in singognea.

MAZMUR 45:2

Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

AMSAL 10:13

Intau inta mopandoi in pororainea mopoyaput in tosingogon mita inta mobijaksana; intau bodok paraḷubí ḷubagon.

AMSAL 31:26

Pososingognea in moḷukó totok; tosingogonnea mita in mobijaksana.

DONDONG MOḶANTUD 1:5

Umpaka morondí, moḷunatbí in akuoi, ei mongodeaga mita in Yerusalem; morondí ná ḷoḷaigan mita in Kedar, táe mogaga naonda bo toipoi mita in komaḻig i Salomo!

DONDONG MOḶANTUD 4:11

Mopia in tosingogonmu mita, nonikaanku, naonda bo biluk taakan bo susu. Ḷambungmu in ná kobondu in Buḷud Libanon.

DONDONG MOḶANTUD 5:13

Putonginea naonda bo gobá in toyokayu inta mobondu, kuḻit in bibignea bungang bakung inta nopototuyú in taḷong mobondu taakan.

DONDONG MOḶANTUD 5:16

Totuu mokosanang in pososingognea, bayongan yagi-yagi kon inia mokoangá. Natuata batoḷ in dodob bo yobayatku, ei mongodeaga mita in Yerusalem!

DONDONG MOḶANTUD 6:7

Putongimu naonda bo bungai in delima iḷosi, noibuni kon koḷubungmu.

DONDONG MOḶANTUD 7:9

bibigmu ná koromimit in tubig in anggur! Pomayádon mako sinbá anggur tatua moiḻig mayá kon batoḷ in dodobku, inta diá moobo-obot; bo mokopomuká kon totanoban, modapot in kon intau mita inta koyogot mosiug.

YEHEZKIEL 16:63

Ampungan-Kubí in bayongan in taḷámu, táe diábí koḻionganmu intua bo angoianbí in oyá in moguman kon onu bo onu in iko. Akuoi ki Tuhan Inta Totok in moḷantud ain nosingog.”

IMAMAT 14:4

dá ki imang mopotabá kon inia modia kon ḷagapan doyowa inta kobia-biagpa inta diá haram, takin doman topongkó in kayu ḷokuyú, tali nopuya tobatú bo hisop totanga.

IMAMAT 14:6

Ḷagapan inta tobatú doman takin kayu ḷokuyú, tali nopura bo hisop totanga musti poḷodok kon bonu in dugú in ḷagapan inta ain iratá.

PINOGIAPAN 19:6

Moiduduimai kon tua ki imang musti mogamá kon kayu aras topiḻik, hisop totanga mointok bo tontogot nopura tobatú, bodongka pogambatnea kon tuḷú inta momayongmai kon sapi nopura tatua.

PINOGIAPAN 4:8

Musti daiton monia koḷoban in kuḻit nopuya tobatú, bodongka guntuḷan monia in kaeng moaḷus, bo poḷutudandon in kayu tombuḻigan in meja tatua.

MATIUS 12:35

Intau inta mopia mosingog doman kon inta mopia sin ginanea nopuḻing doman inta mopia. Bo intau inta moraat in ginanea in nopuḻing doman inta moraat.

LUKAS 4:22

Onu inta poguman-Nea, komintan mokosanang kon gina monia, sahingga kinoibog monia in Sia bo umuran monia indongogan in poguman-Nea. Bayongan in intau kon tua komintan in noḻibo-ḻibóan, “Degá Siabí naa inta ki adí i Yusup?”

EPESUS 4:29

Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

KOLOSE 4:6

Ramujidon sinbá onu in singogonmu tantú mokosanang bo koibog in intau. Bo musti kotaauan monimu naonda in pototubag kon onu in ḻibo-ḻibóon mita in intau.

IBRANI 9:19

Munapabí in ki Musa nopotaau in bayongan hukum i Allah kon intau mita in Israel. Onda intua sia nogamá kon dugú in ki adí in sapi bo dugú in bembé koḷakian bo binaukannea in tubig. Noiduduimai kon tua pinisikanneadon in Buk inta pinomaisan kon hukum mita inta nongkon i Allah bo bayongan intau in Israel. Sia in nomisik kon tua takin hisop bo bubuḷ in domba inta nopuya totok in batangannea.

YOSUA 2:18

Tongá naa in musti aidanmu. Aka kami bo monubudon kon butámu tanaa, yo popotogotdon in tontogot nopura tanaa kon jandela inta pinonuntunanmu kon inami tanaa. Ki amá bo ki inámu, ki utatmu mita bo bayongan in ginaḷum i amámu sipunmudon kon baḷoimu tanaa.