DONDONG MOḶANTUD 4:1 - Alkitab Singog In Mongondow Masa In Tanaa

¹ Totuu moḷunat in iko, batoḷ in dodobku, totuu, totuubí kon moḷunat in iko. Matamu noibuni kon koḷubungmu naonda bo paḷoma; buokmu naonda bo paanan in bembé inta mosiḻig kon buḷud mita in Gilead.

DONDONG MOḶANTUD 4:1 ပူးပေါင်းရင်းမြစ်များ

MAZMUR 45:11

Ei adí bobay, indongogaipa in tosingogonku mita, ḻiongdon in bangusa bo inanakanmu.

DONDONG MOḶANTUD 1:15

Iko in moḷunat totok, batoḷ in dodobku, totuu moḷunat in iko! Matamu naonda bo paḷoma.

DONDONG MOḶANTUD 2:10

Indongogai, batoḷ in dodobku noguman kon inakó. Angoidon batoḷ in dodobku, igaidon ḷunatku!

DONDONG MOḶANTUD 2:14

O paḷomaku kon sigad in batu, kon pinogadopan kon obaga mita in buḷud inta mosindog, pomayádon mako ontongonku in pogotmu, bo mokodongog kon singogmu, sin pogotmu moḷunat, dondongmu in mopia.

DONDONG MOḶANTUD 6:5

Dikapa imindoi mako kon inakó, sin pooindoimu mokotoboḻingu kon inakó. Buokmu naonda bo paanan in bembé inta mosiḻig kon buḷud mita in Gilead.

DONDONG MOḶANTUD 6:7

Putongimu naonda bo bungai in delima iḷosi, noibuni kon koḷubungmu.

DONDONG MOḶANTUD 7:5

Uḷumu naonda bo Buḷud in Karmel; buokmu inta sinuḷapid naonda bo aḻibobag, mokosanang in moindoi umpaka datu.

YEREMIA 22:6

Bo kon i-Nakó yo komaḻig in datu in Yohuda in totuubí kon mogaga, ná kogaga in butá in Gilead bo buḷud mita in Libanon; táe tampat tatua in baḻíon-Kubí naonda bo padang gurun inta diá inutunan in intau.

YEHEZKIEL 16:14

Bayongan in bangusa moduí kon koḷoḷunatmu inta notompod tua, bo Akuoibí naa inta ain nopomia kon inimu noḷunat. Akuoi ki Tuhan Inta Totok in moḷantud ain nosingog.

MIKHA 7:14

O Tuhan, ḷukadaidon in umat-Mu, umat inta piniḻí-Mu. Mosia in nogutun noitontaní kon kayuon mai-maí, kon yuak in butá inta mopia. Biódon mako in mosia mokouḻí kon kaanon kon rawang bonok in Basan bo kon Gilead ná dungkuḷmai.

PINOGIAPAN 32:1

Suku mita i Ruben bo i Gad kobobiagon inta modamaḷ totok. Naonda in inontong monia kon totok in mopia in butá in Yaezer bo butá in Gilead kon ponombobiagan,

PINOGIAPAN 32:40

Tuamai ki Musa nobogoi in butá in Gilead tatua kon inanakan in Makhir, bo mosia nogutundon notantú kon tua.

MATIUS 11:29

Aidaidon onu inta pinoki aid-Ku kon inimu, bo duduidon kon oaid-Ku, mokopoompá kon dodia bo mokopoaḷus kon pososingog, dá iko in mokodungkuḷ kon kopiaan.

KORINTUS 2 3:18

Tongá tanaa mako, pogot naton naa in diá bidon kinokoḷubungan, bo moposindar bidon in bayag i Tuhan Yesus. Tuamai tantú baḷuian ná Sia in kita; koonggot-koonggot, yo kobayag-kobayag domandon in kita. Bayag tatua in nongkon Roho, bo Roho tatua in ki Tuhanbí.