DONDONG MOḶANTUD 3:8 - Alkitab Singog In Mongondow Masa In Tanaa

⁸ inta nobiasadon kon parang. Mosia komintan nopogabit in kedang nosadiadon monayow aka oyúon in monubu doḷom.

DONDONG MOḶANTUD 3:8 ပူးပေါင်းရင်းမြစ်များ

NEHEMIA 4:16

Táe pinangkoi kon singgai tatua tongá tongobotak nongkon intauku in nogaid, bo inta tongobotakpa doman in noḷukad takin nogiḷambung in ḷambung parang bo nokadai kon pandong, kaḻeaw bo piot. Itoi mita in rayat in notuḷung domandon totu-totuu kon bayongan in rayat

NEHEMIA 4:17

inta koyogot in monompiamai kon dinding tatua. Intau mita inta momotaan kon bahan in bangunan nopobayá in oaidan tatua tongá nomaké in ḻima tosimpaḷ, bo ḻima tosimpaḷ in kokada-kadai in pakakat in parang.

MAZMUR 45:3

Iko in moḷuna-ḷunat kon sigad in intau mita, tosingogonmu komintan inta mopia, tuamai iko in binarakatan i Allah modapot in mononoi.

MAZMUR 91:5

Iko in dika moondok kon anib kon dodai in doḷom, andeka daḻí tubuon kon dodai in singgai;

DONDONG MOḶANTUD 3:7

Indoiai, tua in bobuḻigan i Salomo, iḻibu in intau onom nopuḷú inta mongoroton, intau mita in Israel inta mongotorindog,

DONDONG MOḶANTUD 3:9

Ki Salomo in nokiaid in bobuḻigannea, nongkon kayu inta totok in mopia.

YESAYA 27:3

Akuoi, ki Tuhan, moḷoḷukad-Nea; pomuḷoi mako butakanku intua, singgai doḷom ḷukadanku intua, sinbá diá in monuyayow kon inia.

YEREMIA 50:9

Potabá-Kubí in tongonumai in bangusa inta mongoropot nongkon utuan sinbá monubu kon Babel. Tompiaanbí monia in pipidan sin moparang monayow kon Babel bo monaḷow kon i monia. Mosia in momomiot mita inta mongotoyang inta diábí nokoimontanmai in moitabat.

HAKIM MITA 3:16

Kon singgai tobatú ki Ehud nonontaḷ kon pitow inta noḷanit kon posiḷosi inta kobanatnea in gogió bo tongobotak in meter. Pinogabitnea in pitow tatua kon dotá in koḷanan tongá pinopobuninea kon ḷambungnea,