DONDONG MOḶANTUD 3:6 - Alkitab Singog In Mongondow Masa In Tanaa

⁶ Onu degá intua inta namangoi nongkon padang gurun, naonda bo poyok nosipun? Kobondunea in naonda bo taḷong mobondu bo kamania, bo pupur mita mobondu nongkon mopopotaḷui.

DONDONG MOḶANTUD 3:6 ပူးပေါင်းရင်းမြစ်များ

IḶUAIAN 30:34

Ki Tuhan noguman kon i Musa, “Pogamádon kon tongonumai norupa in pododungú inta kobayongnea notongkai, inta puḷut in taḷong, kuḻit in ḷungká, puḷut in rasamala bo dupa inta mopia totok.

AMSAL 7:17

bo ain binutakanku in taḷong mobondu, sondana bo kayu manis.

DONDONG MOḶANTUD 1:13

Batoḷ in dodobku naonda bo taḷong mobondu in bónea, kon dodai in inumuḻid kon dodobku.

DONDONG MOḶANTUD 1:3

Iko in mobondu totok, tangoimu naonda bo ḷana mobondu inta noibutak; tuamai mongodeaga mita moibog kon inimu!

DONDONG MOḶANTUD 3:7

Indoiai, tua in bobuḻigan i Salomo, iḻibu in intau onom nopuḷú inta mongoroton, intau mita in Israel inta mongotorindog,

DONDONG MOḶANTUD 4:6

Moibog in akuoi mayá kon buḷud in taḷong mobondu, kon buḷud in kamania, modapot in mogirup in tompot doḷo-doḷom, inta monginggamá kon sindip in doḷom.

DONDONG MOḶANTUD 5:13

Putonginea naonda bo gobá in toyokayu inta mobondu, kuḻit in bibignea bungang bakung inta nopototuyú in taḷong mobondu taakan.

DONDONG MOḶANTUD 5:5

Dá nobangondon in akuoi sin momukat kon ḷoḻingkop tuotan in batoḷ in dodobku. Taḷong mobondu mototuyú nongkon ḻima bo gongguyamúku mita, nomuntad kon kokadaian in ḷoḻingkop.

DONDONG MOḶANTUD 8:5

Ki ine intua inta namangoi nongkon padang gurun, inumandoḷ kon batoḷ in dodobnea? Ginuḷungku in iko kon siungon in pangkoi in apel, tampat pinonogusianan bo pinononggadían kon inimu.

YESAYA 43:19

Taridiaika, Akuoi in nogaidon kon inta mobagu; tanaa in momangkoidon, diá degá inontongmu? Akuoi in momiabí kon daḷan kon padang gurun, bo ongkag mita kon rawang kayuon.

YEREMIA 2:2

nopotaau in koyow tanaa kon bayongan in intau kon Yerusalem, “Ei Israel, kinotoropan-Ku kon iko in totok in motoindudui kon tungkuḷ in iko noguodpa; totuu moḷoben in tabimu kon tungkuḷ in kita bagupa notonibuḷoi. Minayá in padang gurun in Akuoi dinuduianmu nongin butá inta diá sinompinomuḷaan.

YEREMIA 31:2

Kon padang gurun Akuoi ain noponiata in tabi-Ku kon i monia inta ain noiḷagui kon popatoi. Kon dodai in umat in Israel notayak kon koodoman,

HOSEA 9:10

Ki Tuhan in noguman, “Kon tungkuḷ in Akuoi dungkuḷ nokouḻí kon Israel, nopia in gina-Ku naonda bo intau nokouḻí kon bungai in anggur kon padang gurun. Kon tungkuḷ in Akuoi dungkuḷ nokoontong kon mogoguyangmu, nopia totok in gina-Ku naonda bo intau inta nokoontong kon bungai in ara inta dungkuḷ. Táe, kon dodai in mosia minayá in Buḷud in Peor, mosia in nomangkoidon nosumba kon Baal, dá nonajisdon in mosia naonda bo dewa inta kinoibog monia tatua.

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

PILIPI 4:18

Bayongan inta paraḷuonku inogoidon monimu kon inakó, sedang bo noiḻiudon kon tugat! Bayongan inta inogoi monimu inta pinoki dia kon i Epaproditus aindon sinarimaku. Dá tanaa mako komintandon oyúon in onu inta paraḷuku. Bayongan inta inogoi monimu kon inakó tua naonda bo kobondu in kuruban inta pinosumba kon i Allah bo inta sinarima domandon i Allah takin pia in gina.

WAHYU 12:14

Táe bobay tatua inogoiandon in koḻikip doyowa. Koḻikip in boniá moḷoben, sinbá ḷumayug in sia mayá in tampatnea kon padang gurun, tampat inta poḷukadan kon inia kon bonu in toḷu notaong kapin, sin pomiḷagui kon uḷag.

WAHYU 12:6

Dá bobay tatua in noḷagui nopobayá in padang gurun, tampat inta ain sinadia i Allah kon inia. Sia in iḷukadan kon tampat tatua kon bonu in 1.260 nosinggai in koonggotnea.

WAHYU 18:13

Kuḻit in kayu manis, pododungú mita, bahan mita mobondu, taḷong mobondu bo kamania, anggur bo ḷana, topong bo gandum; sapi, domba, kabaḷo bo kereta, ata mita, nodapot kon nyawa in intau.

WAHYU 5:8

Koyogot in ki Adí in Domba tatua nogabat kon ḻitodan in buk tatua, sinumungkudon in mahaḷuk opat tatua takin itoi mita doyowa nopuḷú bo opat kon tayowon-Nea. Mosia notukid in kecapi bo palo buḷawan inta binonuan in kamania, tuata in sambayang mita in umat i Allah.