DONDONG MOḶANTUD 3:11 - Alkitab Singog In Mongondow Masa In Tanaa

¹¹ Ḷuaidon, ei mongodeaga mita in Sion, indoiaidon in ki Datu Salomo takin topí in datu inta pinoḷutud i inánea, kon singgai pinonikaannea, kon singgai sia noḷunganga.

DONDONG MOḶANTUD 3:11 ပူးပေါင်းရင်းမြစ်များ

MAZMUR 48:11

Tangoi-Mu kinotaauandon totok bo dinayow kon sinangkub in butá, Iko in nomarenta nokopoadil.

MAZMUR 9:14

Indoiaidon kaasí, musung mopororiga kon inakó; kotabipa kaasí in akuoi o Tuhan, popoḷaguipa in akuoi nongkon popatoi,

DONDONG MOḶANTUD 1:5

Umpaka morondí, moḷunatbí in akuoi, ei mongodeaga mita in Yerusalem; morondí ná ḷoḷaigan mita in Kedar, táe mogaga naonda bo toipoi mita in komaḻig i Salomo!

DONDONG MOḶANTUD 2:7

Podandidon, ei mongodeaga mita in Yerusalem, podoyon kon rusa mita bo kijang mita kon kayuon, kon moiko in diábí monuyayow kon totabian, modapot in moguḻí in ibognea.

DONDONG MOḶANTUD 7:11

Koḻigai in kita mayá in rawang, uḻe batoḷ in dodobku, bo mosiug kon gobá kon yua-yuak in bungang totabian.

DONDONG MOḶANTUD 8:5

Ki ine intua inta namangoi nongkon padang gurun, inumandoḷ kon batoḷ in dodobnea? Ginuḷungku in iko kon siungon in pangkoi in apel, tampat pinonogusianan bo pinononggadían kon inimu.

YESAYA 4:4

Pongin kawasa-Nea ki Tuhan in monisigbí bo mopomurni kon umat-Nea. Sia in mondaritbí kon Yerusalem nongkon dugú in intau mita inta iḻimod kon kotá tatua.

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

YESAYA 62:5

Naonda bo tayow mobiag tobatú inta nongantang kon mongodeaga, natuata in momomaḻímu in mononibuḷoi kon inimu. Naonda bo nonikaan tobatú mopia in ginanea in nokoontong kon i buḷoinea bobay, natuata in ki Allah mopia in gina-Nea kon inimu.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

YEREMIA 2:2

nopotaau in koyow tanaa kon bayongan in intau kon Yerusalem, “Ei Israel, kinotoropan-Ku kon iko in totok in motoindudui kon tungkuḷ in iko noguodpa; totuu moḷoben in tabimu kon tungkuḷ in kita bagupa notonibuḷoi. Minayá in padang gurun in Akuoi dinuduianmu nongin butá inta diá sinompinomuḷaan.

YEREMIA 32:41

Mopiabí in gina-Ku in mopoaid kon inta mopia kon i monia, bo mopobaḻí kon i monia mogutun motantú kon butá tanaa modapot in mononoi.

ZEPANYA 3:17

Moiko in iḷukadan i Tuhan Allahmu inta motorindog. Moiko in mountung popisí in kawasa-Nea. Mopia bo moḷunganga in gina i Tuhan sin moiko, kon bonu in tabi-Nea moiko in mobiag mobagu.

ZAKHARIA 6:11

Nongkon buḷawan bo saḷaka inta inogoi monia tatua, pomiaaidon in mahkota tobatú bo popoḷutud kon uḷu i Imang Moḷoben ki Yosua ki adí i Yozadak.

MATIUS 12:42

Kon wakutu in Pohakiman, bokí nongkon dotá in Toḷatan mobangon moyotakin in intau masa in naa bo tumakin doman mohukum. Sin bokí tatua in namangoi nongkon popod in dunia sin mokidongog kon totundú i Salomo. Táe kon naa inta sinimindog mako in noiḻiubí kon i Salomo!”

LUKAS 15:32

Tanaa in kita in patusbí mosanang in gina bo morame moyotakin, sin ki ai-aimu uḻe inta ain minatoi in nobiagdon bui. Ki ai-aimu inta nobuḻi in nouḻídon bui.’ ”

YOHANES 15:11

Naa mita in pinoguman-Ku kon i monimu, sinbá sanang in gina-Ku oyúon domandon kon i monimu, bo sanang in gina-Ku motompodon.

YOHANES 3:29

Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.

KOLOSE 1:18

Siata uḷu in awak-Nea, bo awak-Nea tua inta sinangoi jamaat. Sin Siabí tua in pangkoi in kobiagan jamaat tatua. Sia doman tua in Adí guya-guyang, inta muna-munamai biniag bui nongkon kinopatoian, sahingga in Sia nobaḻí totok moponting nongkon bayongan yagi-yagi.

IBRANI 13:13

Tuamai, koḻigai mayá in kita kon i-Nia kon ḷuai in ḷoḷaigan bo moyotakin-Nea singkuḻeon.

IBRANI 2:9

Táe inontongdon naton in ki Yesus in nongawasa! Sia in binaḻídon topí noḻin ompá notoyong nongkon malaekat mita, sinbá podoyon kon kopopia in gina i Allah Sia in motaau matoi kon kopontingan in bayongan intau. Inontong naton in tanaa, kon Sia ain inogoian in ḷoḻitúan inta momulia bo inta ihoromat sin Sia in notarimadon kon roriga dapot in minatoi.

WAHYU 1:7

Indoiai, Sia in mamangoi inoḻiungan in goḷom! Bayongan intau mokoontongbí kon i-Nia, noitakin doman in mosia inta nonakuḷ kon i-Nia. Bayongan in intau kon dunia naa komintanbí mogamui lantaran Sia. Nopasti bidon intua! Amin!

WAHYU 19:12

Matanea in naonda bo dokot in tuḷú, bo kon uḷunea pinakéan in mahkota mobayong. Kon awaknea pinaisan in tangoi, bo tongábí sia in nonotaau kon tangoi tatua.

WAHYU 19:7

Koḻigai in kita mokopoḷungangadon kon gina bo moyogiyow modayow kon i-Nia! Sin nodapotdon in singgai ponikaan i Adí in Domba bo nonikaan-Nea in nobasadiadon.