DONDONG MOḶANTUD 2:6 - Alkitab Singog In Mongondow Masa In Tanaa

⁶ Ḻimanea koḷoigi notonoi kon uḷuku, ḻimanea koḷanan nokoyot kon inakó.

DONDONG MOḶANTUD 2:6 ပူးပေါင်းရင်းမြစ်များ

AMSAL 4:8

Untubí in hikmat, dá poḷantudonneabí in iko. Gakapai in sia dá sia in mokopoangoibí kon kahoromatan kon inimu.

DONDONG MOḶANTUD 3:5

Podandidon, ei mongodeaga mita in Yerusalem, podoyon kon rusa mita bo kijang mita kon kayuon, kon moiko in diábí monuyayow kon totabian, modapot in ibognea moguḻídon.

YEREMIA 32:41

Mopiabí in gina-Ku in mopoaid kon inta mopia kon i monia, bo mopobaḻí kon i monia mogutun motantú kon butá tanaa modapot in mononoi.

ZEPANYA 3:17

Moiko in iḷukadan i Tuhan Allahmu inta motorindog. Moiko in mountung popisí in kawasa-Nea. Mopia bo moḷunganga in gina i Tuhan sin moiko, kon bonu in tabi-Nea moiko in mobiag mobagu.

YOHANES 3:29

Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.