DONDONG MOḶANTUD 2:14 - Alkitab Singog In Mongondow Masa In Tanaa

¹⁴ O paḷomaku kon sigad in batu, kon pinogadopan kon obaga mita in buḷud inta mosindog, pomayádon mako ontongonku in pogotmu, bo mokodongog kon singogmu, sin pogotmu moḷunat, dondongmu in mopia.

DONDONG MOḶANTUD 2:14 ပူးပေါင်းရင်းမြစ်များ

AYUB 9:16

Aka kuma bo Sia in motubag aka akuoi mokuani, moḻia-ḻiaw in ginaku, totuu degá kon moibog in Sia mokidongog kon singogku?

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

MAZMUR 22:3

O Allahku, akuoi in nokuani kon tungkuḷ in singgai, táe Iko in tantúbi kibio-biómai. Akuoi in nosambayang doḷom, ginaku diá doman moodom.

MAZMUR 45:11

Ei adí bobay, indongogaipa in tosingogonku mita, ḻiongdon in bangusa bo inanakanmu.

MAZMUR 45:12

Koḷoḷunatmu in mokoḻiai kon gina i datu, sia in ki tuangmu, kotoinduduidon kon inia.

MAZMUR 50:23

Intau inta moposumba in sukur mobaḻí kurubannea, siabí tua inta mohoromat kon i-Nakó; bo kon intau inta nosadia kon daḷan in poontong-Kubí in kasaḷamatan nongkon i-Nakó.”

MAZMUR 68:13

“Datu mita takin tontaranea in noḷaguidon!” Mosia in noḷagui naonda bo paḷoma inta iḷumayugdon minayá. Bobay mita kon baḷoi in mosila-silaidon mako kon saḷaka bo buḷawan inta sinaḷáan. Umpaka nobayong in diá dinumudui noparang, umat i Allah in pinountungdon.

MAZMUR 74:19

Dika mopomayá mako in umat-Mu inta diádon mokopongonu moḷabú kon kawasa in musung inta moḻingá. Dikabí modapot in mononoi mokoḻiong kon ukur in umat-Mu inta kinatuḷa.

IḶUAIAN 3:6

Akuoi naa ki Allah in mogoguyangmu, ki Allah i Abraham, i Ishak bo i Yakub.” Dá ki Musa in nogoḻingoi kon pogotnea, sin moondok in sia moindoi kon i Allah.

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

DONDONG MOḶANTUD 1:15

Iko in moḷunat totok, batoḷ in dodobku, totuu moḷunat in iko! Matamu naonda bo paḷoma.

DONDONG MOḶANTUD 1:5

Umpaka morondí, moḷunatbí in akuoi, ei mongodeaga mita in Yerusalem; morondí ná ḷoḷaigan mita in Kedar, táe mogaga naonda bo toipoi mita in komaḻig i Salomo!

DONDONG MOḶANTUD 1:8

Umpaka dá diá kotaauanmu in tampatnea, uḻeku inta totok in moḷunat kon sigad in bobay mita? Duduiaidon in ḻiod in paanan domba, bo ḷukadaidon in bembému mita kon diug in ḷoḷaigan in gombala mita.

DONDONG MOḶANTUD 5:2

Akuoi in nosiug, táe ginaku in nobangon. Indongogaidon, batoḷ in dodobku nonangkokó kon ḷoḻingkop. Bukataipa in ḷoḻingkop, uḻe, batoḷ in dodobku, paḷomaku, intau inta totok in kinotabiku; uḷuku nobuntad in oḷú, buokku nobuntad in oḷú doḷom.

DONDONG MOḶANTUD 8:13

Ei, intau mita kon gobá, yobayat mita moibog mokidongog kon tosingogonmu; popodongogdon intua kon inakó!

YESAYA 51:3

Yerusalem, ḻipoion-Ku in iko, bo bayongan inta nogutun kon kino rumbunanmu. Rawangmu mita inta noḷogat binaḻí-Kudon taman, naonda bo Eden, taman-Ku inta noḷumbá. Kon tua intau in morogiow bo mopia in gina bo mosukur pongin dondong mita.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

YESAYA 60:8

Onu degá in inta noiḷayug naonda bo goḷom naonda bo paḷoma inta iḷumayug nobui?

YEREMIA 48:28

Moiko intau in Moab, taḷaaidon in kotámu mita bo pogutundon kon tombuḷud in batu ná ḷagapan paḷoma nogaid kon pugadnea kon bingkí in irang.

YEREMIA 49:16

Iko in koakaḷanbí in aidmu inta mododia. Diábí in moondok kon inimu ná kainimu. Iko in mogutunbí kon sigad mita in batu, kon tudu in buḷud. Táe, umpaka inaidanmu in baḷoimu kon tampat inta moḷantud totok, ná koḷantud in pugad in ḷagapan boniá, yo poponagonbí doman i Tuhan in iko nongkon tua. Ki Tuhanbí in noguman kon tua komintan.”

YEHEZKIEL 7:16

Tongosilai in kotaḻibanbí bo moḷagui mayá in buḷud. Kon tua mosia in nádon onda bo ḷagapan mita paḷoma inta binuntun nongkon ḷopá mita; komintanbí mogongot popisí in dosa mita monia.

DANIEL 9:7

Oo Tuhan, aid-Mu umuranbí moitombutung bo moadil, táe kami in umuranbí mokopoangoi kon oyá kon inami tontaní, tuata in kami inta nogutun kon Yudea bo kon Yerusalem bo bayongan in intau tongobangusa nami inta ain pinorangkap-Mu kon butá mita inta nongoyayú bo inta nongodiug popisí in mosia diá motoindudui kon ini-Mu.

OBAJA 1:3

Iko in koakaḷan in ginamu inta mododia. Ki iná in kotámu in buḷud batu inta moropot; pogogutunanmu in kon tudu in buḷud inta moḷantud. Sin kon raian monimu, ‘Ki ine in mokopoḷabú kon i nakó?’

MATIUS 10:16

“Tagú totok kon gina in singog-Ku: Akuoi in mopotabá kon i monimu, naonda bo domba dinia kon yua-yuak in serigala. Manangka intua mokopoingat totok naonda bo uḷag bo mokopotuḻid kon gina naonda bo ḷagapan paḷoma.

MATIUS 3:16

Naonda in nopaḷut binaptis, ki Yesus ḷagi nobatun nonaḷámai kon tubig tatua, bo kon dodai doman intua ḷangit nobukat bo inontong-Nea in Roho i Allah naonda bo ḷagapan paḷoma noponag kon i-Nia.

EPESUS 5:27

Mangaḻenea kon tua, ki Kristus in noposadia in jamaat kinotompia kon tayowon i Allah, takin diá in gaatnea andeka inta motaau hojatan in intau ibanea.

KOLOSE 1:22

Táe tanaa, pinodoyon kon kinopatoian i Adí-Nea, sinompiadon bui i Allah in hubungan monimu takin-Nea. Natua in pinogogaid-Nea sinbá moiko in motaau diaan tumayow kon i Allah takin kaadaan mokudus, modarit bo diá in aid moraat.

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.

PETRUS 1 3:4

Táe, ḷambáaibí bonu in gina monimu in ḷambá inta diá mogogu-goguyaat, tuata in budi inta mopia bo moonow in raian. Tuabí in ḷambá moḷunat inta kinoibog i Allah.

YUDAS 1:24

Ki Allah, inta mokosanggup moḷukad sinbá moiko diá moḷabú, bo inta mokosanggup modia kon i monimu mayá in tampat pomomarentaannea inta momulia takin gina mosanang bo modarit.

WAHYU 5:8

Koyogot in ki Adí in Domba tatua nogabat kon ḻitodan in buk tatua, sinumungkudon in mahaḷuk opat tatua takin itoi mita doyowa nopuḷú bo opat kon tayowon-Nea. Mosia notukid in kecapi bo palo buḷawan inta binonuan in kamania, tuata in sambayang mita in umat i Allah.