DONDONG MOḶANTUD 2:12 - Alkitab Singog In Mongondow Masa In Tanaa

¹² Kon gobá bungang mita nongomusirdon; sempo in morapad noiangoidon; singog in tarangkuku kinodongogan kon butá naton.

DONDONG MOḶANTUD 2:12 ပူးပေါင်းရင်းမြစ်များ

KINOBAḺIAN 15:9

Tubag i Tuhan, “Pogamáaidon in Akuoi kon sapi kobaayan tobatú, bembé kobaayan tobatú, bo domba koḷakian tobatú, tua mita in komintandon umur toḷu notaong, bo ḷagapan doman tarangkuku tobatú bo ḷagapan paḷoma tobatú.”

MAZMUR 74:19

Dika mopomayá mako in umat-Mu inta diádon mokopongonu moḷabú kon kawasa in musung inta moḻingá. Dikabí modapot in mononoi mokoḻiong kon ukur in umat-Mu inta kinatuḷa.

MAZMUR 89:15

Kooadil bo hukum in nobaḻí dodoyonan in dodatuan-Mu, tabi bo kososatia in noniata kon bayongan aid-Mu.

DONDONG MOḶANTUD 2:11

Indoiai, sempo in tumping noiḻimpatdon, sempo in uagat noitaḻibdon.

DONDONG MOḶANTUD 6:11

Akuoi namangoi kon gobá in upai, moindoi kon bungang mita kon ḷopá; degá pangkoi in anggur nonubudon, bo pangkoi in delima nonoburdon.

DONDONG MOḶANTUD 6:2

Batoḷ in dodobku minayá in gobánea, kon gobá in toyokayu sin moḷukad kon domba mita kon gobá, bo mosipú kon bungang mita bakung.

YESAYA 55:12

Moiko in monaḷámai kon Babel takin pia in gina, bo inatod iḻumuai takin nosaḷamat. Buḷud bo tombuḷudnea in moḷunganga bo morogiow, pangkoi in kayu mita kon gobá in mononggoḷokap.

YEREMIA 8:7

Ḷagapanpa bangow in kotaauanneabí in wakutunea mobui; tarangkuku, ḷagapan tansibí bo murai in monotaau doman kon wakutunea momamping kon tampat. Táe moiko, umat-Ku, in diábí nonotaau in hukum mita inta inogoi-Ku kon inimu.

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.