DONDONG MOḶANTUD 1:8 - Alkitab Singog In Mongondow Masa In Tanaa

⁸ Umpaka dá diá kotaauanmu in tampatnea, uḻeku inta totok in moḷunat kon sigad in bobay mita? Duduiaidon in ḻiod in paanan domba, bo ḷukadaidon in bembému mita kon diug in ḷoḷaigan in gombala mita.

DONDONG MOḶANTUD 1:8 ပူးပေါင်းရင်းမြစ်များ

MAZMUR 16:3

Ihoromatku in intau mita motusi kon butá tanaa; inta mokosanang kon ginaku in mogutunbí takin i monia.

MAZMUR 45:11

Ei adí bobay, indongogaipa in tosingogonku mita, ḻiongdon in bangusa bo inanakanmu.

MAZMUR 45:13

Intau in Tirus in nodia kon sosumba kon inimu; intau nooyúon moḷongasi mogamá kon ginamu.

AMSAL 8:34

Pia in kamang in intau inta mokidongog kon inakó inta pomuḷoi in singgai ḻimitú mogoḷat mako kon ngara in baḷoiku, bo umuran moḷukad kon bonawang in pinogutunanku.

DONDONG MOḶANTUD 1:15

Iko in moḷunat totok, batoḷ in dodobku, totuu moḷunat in iko! Matamu naonda bo paḷoma.

DONDONG MOḶANTUD 2:10

Indongogai, batoḷ in dodobku noguman kon inakó. Angoidon batoḷ in dodobku, igaidon ḷunatku!

DONDONG MOḶANTUD 4:1

Totuu moḷunat in iko, batoḷ in dodobku, totuu, totuubí kon moḷunat in iko. Matamu noibuni kon koḷubungmu naonda bo paḷoma; buokmu naonda bo paanan in bembé inta mosiḻig kon buḷud mita in Gilead.

DONDONG MOḶANTUD 4:10

Totuu mopia in tabimu, uḻe, nonikaanku, mopia-piabí nongkon anggur. Ḷanamu totuu mobondu, mopia-pia nongkon bayongan toyokayu.

DONDONG MOḶANTUD 4:7

Totuubí moḷunat in iko, batoḷ in dodobku, diábí in bogit kon inimu.

DONDONG MOḶANTUD 5:9

Yo degá batoḷ in dodobmu noiḻiu kon batoḷ in dodob mita ibanea, ei mongodeaga inta totok in moḷunat? Degá batoḷ in dodobmu noiḻiu kon batoḷ mita in dodob ibanea, modapot in iko nopotabá kon inami modandi?

DONDONG MOḶANTUD 6:1

Minayá onda in batoḷ in dodobmu, ei bobay inta totok in moḷunat? Minayá onda in batoḷ in dodobmu, sinbá kami tumakin motayak kon inia?

YEREMIA 6:16

Ki Tuhan in noguman kon umat-Nea, “Sindogdon kon poyotangaan mita in daḷan, bo taridiadon kopira! Ḻibódon in daḷan mita dungkuḷmai, bo onda in mopia-pia kon sigadnea. Duduiaidon in daḷan tatua, sinbá moiko in mobiag moodom.” Táe mosia in noguman, “Diá, kami in doíbí mongin daḷan tatua!”

YOHANES 21:15

Nopaḷut mako mosia nongaan, ki Yesus in noguman kon i Simon Petrus, “Simon, adí i Yohanes, degá tabimu in moḷobe-ḷoben nongkon tabi monia kon i-Nakó?” “Totuu, Tuhan,” tubag i Petrus, “Kinotaauanbí i Tuhan kon akuoi in motabibí kon i Tuhan.” Ki Yesus in noguman kon inia, “Ḷukadaidon in ki adí mita in domba-Ku.”

KORINTUS 1 11:1

Duduiaidon onu in inaidanku, ná doman akuoi dinumudui kon onu inta inaidan i Kristus.

EPESUS 5:27

Mangaḻenea kon tua, ki Kristus in noposadia in jamaat kinotompia kon tayowon i Allah, takin diá in gaatnea andeka inta motaau hojatan in intau ibanea.

IBRANI 13:7

Dikabí koḻiongan monimu in itoi mita monimu inta mopoyaput in koyow i Allah kon i monimu. Tarukirabí naonda in kobobiag monia bo naonda in kopopatoi monia, bo duduiai in kopopirisaya monia.

IBRANI 6:12

Donaai mokopomaḷat, táe duduiaidon aid in intau mita inta ain notarima kon onu inta pinodandi i Allah, sin mosia in umuran nopirisaya kon i Allah bo nosabar doman mako in nogoḷat.

YAKOBUS 2:21

Indoiaika in ki Abraham mogoguyang naton. Sia in sinarima nopia i Allah popisíbí in oaidnea, wakutu in sia noposumba kon i adínea ki Ishak. Pinosumbanea kon i Allah kon tudu in mezbah.

YAKOBUS 2:25

Natua doman in ki Rahab, bobay sundaḷ tua. Sia sinarima nopia i Allah popisíbí in oaidnea, wakutu in sinarimanea kon baḷoinea in totabá mita intau Israel bo sinuḷungannea pinoḷagui in mosia nongin daḷan ibanea.

YAKOBUS 5:10

Utat mita, toropdon in nabi mita inta nosingog pinodoyon kon tangoi i Tuhan. Mosia in nosabar bo notaba in kinoantugan in yoyiga. Dá baḻídon in mosia saḷaku contoh.

PETRUS 1 3:6

Natuabí doman in ki Sara. Sia in motoindudui totok kon i Abraham ki buḷoinea, bo sinangoinea doman ki tuangnea. Moiko nion ki adíbí mita i Sara, aka umuran mogaid kon mopia bo diá doman moondok kon yagi-yagi.