DONDONG MOḶANTUD 1:7 - Alkitab Singog In Mongondow Masa In Tanaa

⁷ Pogumandon, uḻe batoḷ in dodobku, kon onda in pinopokaananmu in domba mita, kon onda in pinoposiuganmu kon i monia aka ḷoḷabungneadon? Umpaka yo akuoi ná don onda bo intau mododondaḷoi kon sigad in paanan domba yobayatmu mita?

DONDONG MOḶANTUD 1:7 ပူးပေါင်းရင်းမြစ်များ

KINOBAḺIAN 37:16

“Akuoi motayak kon i guya-guyangku mita. Mosia yogot moḷukad kon paanan in bembé domba,” tubag i Yusup, “Kinotaauan degá i amá kon onda in mosia tua?”

MAZMUR 116:1

Akuoi in moibog kon i Tuhan, sin inindongogan-Nea in akuoi bo nonaridimai kon oigumku.

MAZMUR 18:1

Kon i itoi in Koor. Mazmur i Daud, mogogundoi i Tuhan. Pinodondong kon i Tuhan kon tungkuḷ in ki Daud pinosaḷamat nongkon i Saul bo musungnea mita.

MAZMUR 28:1

Mazmur i Daud. O Tuhan, kon ini-Mubí in pokuanianku, Iko in mododuḷuku, indongogaipa in kuaniku. Aka Iko bo tongá kibio-biómai kon inakó, yo akuoi in naonda bo intau inta moponag kon bubú in poḷobongan.

MAZMUR 80:1

Kon i itoi in mododondong. Podudui in dondong: Bungang bakung. Mazmur kosakusian i Asap.

DONDONG MOḶANTUD 2:16

Batoḷ in dodobku kapunyaanku, bo akuoi sia in kitogi, sia in noḷukad kon dombanea mita kon sigad in bungang mita bakung

DONDONG MOḶANTUD 2:3

Naonda bo pangkoi in apel kon yua-yuak in pangkoi in kayu kon kayuon, natuata in batoḷ in dodobku kon sigad in ḷoḷaki mita. Mopiabí in ginaku kon siungonnea, bungainea mita noromimit in nanamnea.

DONDONG MOḶANTUD 5:10

Batoḷ in dodobku motorindog bo moḷunat, noiḻiu kon intau mopuḷú noribu.

DONDONG MOḶANTUD 5:16

Totuu mokosanang in pososingognea, bayongan yagi-yagi kon inia mokoangá. Natuata batoḷ in dodob bo yobayatku, ei mongodeaga mita in Yerusalem!

DONDONG MOḶANTUD 5:8

Podandidon, ei mongodeaga mita in Yerusalem, aka moyodungkuḷ in batoḷ in dodobku, potaaudon kon inia, kon takitku naa in takitbí in tanob.

DONDONG MOḶANTUD 6:2

Batoḷ in dodobku minayá in gobánea, kon gobá in toyokayu sin moḷukad kon domba mita kon gobá, bo mosipú kon bungang mita bakung.

DONDONG MOḶANTUD 6:3

Akuoi naa in kapunyaan i batoḷ in dodobku, bo sia in kapunyaanku, sia in noḷukad kon domba mita kon yua-yuak in bungang mobondu.

DONDONG MOḶANTUD 8:13

Ei, intau mita kon gobá, yobayat mita moibog mokidongog kon tosingogonmu; popodongogdon intua kon inakó!

YESAYA 13:20

Diá bidon tobatúmai intau in mogutun kon tua. Diá bidon in intau in Arab mododondaḷoi inta moposindog in ḷoḷaigannea kon tampat tatua, bo diá bidon in gombala inta modia kon bembé dombanea sin moranut kon bonok kon tua.

YESAYA 26:9

Dimukudku in mokotanob kon ini-Mu kon dodai in doḷom, ginaku in mogoḷat mako kon ini-Mu kon dodai in doḷo-doḷom. Aka Iko in monisig kon dunia naa, intau mita kon dunia naa in monotaaudon kon onu inta moitutui.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

YESAYA 5:1

Indongogaipa in dondongku soaḷ gobá in anggur in yobayatku. Yobayatku oyúon in gobá in anggur kon obaga in buḷud inta noḷumbá.

YEREMIA 33:12

Ki Tuhan Inta Totok in mokawasa in noguman, “Butá bo kotánea mita inta ná padang gurun tanaa diá inutunan in intau andeka mahaḷuk. Táe umpaka natua, kon singgai moiduduimai oyúonbí in rawang mita in bonok tampat popokaanan in intau kon dombanea mita.

MIKHA 5:4

bo Sia in mobogoi in kobiagan modame. Aka tontara in Asyur monubu kon butá naton bo mondangat kon poḷoḷukadan naton, yo itoi mita naton inta moropot totok in potabádon momarang kon i monia. Itoi mita naton tatua in monaḷowdon kon Asyur podoyon kon ropot in pakakat in parang, bo moposaḷamat kon i naton nongkon kawasa monia.

MATIUS 10:37

Ki ine in motabi kon i amánea andeka kon i inánea moiḻiu kon tabinea kon i-Nakó sia tua in diá patus mobaḻí dumodudui-Ku. Natua doman ki ine in motabi kon i adínea ḷoḷaki andeka bobay bo moiḻiu kon tabinea kon i-Nakó, sia doman tua in diá patus mobaḻí dumodudui-Ku.

YOHANES 10:11

Akuoibí naa in Gombala inta mopia. Gombala mopia in mobogoibí in nyawanea sin kopontingan in dombanea mita.

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.

PETRUS 1 2:7

Moḷoben totok mangaḻe in batu tatua kon i monimu inta mopirisaya. Táe aka kon i monia inta diá mopirisaya, mobaḻíbí in onu inta ain pinais kon Buk Motusi nanaa, “Batu inta diá pinaké in intau mita inta mogogaid kon bangunan tua noniata magí yo nobaḻídon batu inta totok in moponting,”

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.

WAHYU 7:17

Sin ki Adí in Domba inta iḻimitú kon tampat pomomarentaan tatua in mobaḻí gombala monia, bo diaan-Nea in mosia mayá kon bokaká in tubig inta mokobiag. Bo inggamáandon i Allah in bayongan ḷuá kon mata monia.”

RUT 2:21

Onda intua ki Rut noguman bui, “Iná, intau tatua in noguman doman kon akuoi in motaaubí tantú mopuyut kon gandum moyotakin in intaunea mita modapot in motoḻisí komintan in bungai in boyó kon gobánea.”