DONDONG MOḶANTUD 1:4 - Alkitab Singog In Mongondow Masa In Tanaa

⁴ Mokopoḷamemet in kita, o datuku, diádon in akuoi tumuot in gopotmu. Sin popisí in iko dá moḷunganga totok in gina nami, bo modayow kon totabimu in moiḻiu kon anggur; patusdon in mongodeaga mita moibog kon inimu!

DONDONG MOḶANTUD 1:4 ပူးပေါင်းရင်းမြစ်များ

MAZMUR 111:4

Ki Tuhan tua in motabi bo mopia in gina, Sia in nogaid kon inta mokotongaw mita, sinbá umuran kotoropan naton intua.

MAZMUR 119:32

Takin pia in gina dumudui in akuoi kon parenta-Mu, sin binaḻí-Mu in akuoi totok in momangaḻe.

MAZMUR 119:60

Akuoi in ḻimikatbí bo diábí mogoḷat sin mopobayá in parenta-Mu.

MAZMUR 149:2

Koḷungangadon in gina popisí in Momomaḻímu; koḷungangadon, ei intau inta nogutun kon Sion popisí in Datumu!

MAZMUR 42:4

Singgai doḷom mongombaḷ in akuoi, dongkadon ḷuá in mobaḻí kokaanonku. Kinoouput in singgai musungku in moḻibó, “Kon onda in ki Allahmu?”

MAZMUR 48:9

Ná inta dinongog naton, tanaa in inontongdon naton intua, kon Kotá i Tuhan Inta Totok in mokawasa. Kotá tatua in Kotá i Allah naton, Dinuḷuannea intua nodapot in mononoi.

MAZMUR 63:5

Kinoouput in kobiaganku akuoi mopoyaput in sukur kon ini-Mu; tonggóonku in ḻimaku kon ini-Mu poḷat mosambayang.

DONDONG MOḶANTUD 3:4

Bagupa sinaḷáanku in mosia, noyodungkuḷkudon in batoḷ in dodobku. Kinadaianku in sia, bo diádon inukatanku nodapot in diniaku kon baḷoi i ináku, kon gopot in intau inta nopononggadí kon inakó.

DONDONG MOḶANTUD 4:10

Totuu mopia in tabimu, uḻe, nonikaanku, mopia-piabí nongkon anggur. Ḷanamu totuu mobondu, mopia-pia nongkon bayongan toyokayu.

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

YESAYA 45:25

Táe buí i Yakub in posaḷamatonbí, bo mosia in modayowbí kon i-Nakó, ki Tuhan.

YESAYA 61:3

sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i Tuhan. Mosia in mogaidbí kon onu inta mopia bo mobanar, dá ki Tuhan in poḷantudon.

YESAYA 63:7

Akuoi in mopohabar in tabi i Tuhan bo modayow kon i-Nia sin bayongan in aid-Nea. Binarakatan-Nea totok in umat-Nea, sin Sia in nonotabi bo tabi-Nea in diábí moobo-obot.

YEREMIA 31:3

nongkon noyayú Akuoi nokipogontong kon i monia. Ei umat Israel, nongkon koḻipodpabímai Akuoi umuran monotabi kon i monimu, bo umuranbí doman in Akuoi moponiata kon Akuoi in umuranbí motabi kon i monimu.

HOSEA 11:4

Takin ḻimbatú in tabi-Ku, pinodiug-Ku in sia kon i-Nakó. Bayongan in roriganea ininggaanan-Ku, bo takin pia in gina inogoian-Ku in kaanon in sia.

ZEPANYA 3:14

Ei Israel, porogiow bo podondongdon! Ei Yerusalem, koḷungangadon koḻimbatúon in gina!

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

MATIUS 25:10

Táe wakutu in mosia minayá notaḷui kon ḷana. Noiangoidon in nonikaan tatua, bo mosia inta ain nobasadia in sinumuot noyotakinnea kon ruangan ponikaan tatua, bo iḻingkopandon in ḷoḻingkop!

LUKAS 2:10

Táe malaekat tatua in noguman, “Dika moondok! Sin akuoi in mamangoi moguman kon habar mopia kon i monimu, habar inta totok in mokosanang kon gina in bayongan intau.

LUKAS 22:19

Onda intua ki Yesus in nogamá kon roti. Bo naonda in sinambayangan-Nea mako, binonsi-bonsig-Nea in roti tatua bo inogoi kon i monia poḷat noguman, “Naadon in awak-Ku [inta pinosarakan kon i monimu. Aidai doman in naa, saḷaku tanda kon moiko in umuran monorop kon i-Nakó.”

YOHANES 12:32

Táe Akuoi naa, aka Akuoi aindon poḷantudon kon dunia naa, yo daiton-Kudon diaan in intau inta mamangoi kon i-Nakó.”

YOHANES 6:44

Diábí in tobatúmai intau motaau mamangoi kon i-Nakó, aka diá diaan mangoi i Amá inta nopotabá mangoi kon i-Nakó. Ki ine in mamangoi kon i-Nakó, yo biagon-Kubí in sia kon singgai ponantúan.

EPESUS 2:6

Popisí in kita ain notobatú i Kristus, dá biniag bui i Allah in kita noyotakin i Kristus sinbá kita in momarenta doman moyotakin-Nea kon soroga.

EPESUS 6:24

Igumon doman mako barakatan i Allah in moiko komintan inta motabi kon i Tuhan naton inta ki Yesus Kristus takin tabi inta diá moobo-obot. Horomat nami, Ki Paulus

PILIPI 3:3

Bokaka kitabí naa in intau mita inta notarima kon sunat nongkon i Allah. Kitabí naa in intau inta ain dinia i Allah sin mosumba kon i-Nia, bo umuran mosukur mako in kita sin notobatúdon i Kristus Yesus. Diá bidon in kita moitogot mako kon upacara inta sipatnea in tongábí samantara.

PILIPI 4:4

Kosanangdon in gina monimu sin ain nopirisaya bo nobiag notobatú takin i Tuhan. Buipa doman pogumanku: kosanangdon in ginamu!

IBRANI 12:1

Uḻe, soaḷ kita tontaní, kon ḻibumai naton naa in nobayongbí totok in nobaḻí sakusi! Manangka intua, koḻigai ḷumbúondon naton in bayongan inta mokoyoyiga kon i naton bo dosa inta umuran moikompit mako kon i naton. Bo koḻigai mositandingan in kita in mogaid kon onu inta pinoki aid kon i naton.

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.