DONDONG MOḶANTUD 1:2 - Alkitab Singog In Mongondow Masa In Tanaa

² Ayokaidon in akuoi; tabimu in mopia-pia in anggur!

DONDONG MOḶANTUD 1:2 ပူးပေါင်းရင်းမြစ်များ

KINOBAḺIAN 29:11

Onda intua sia nongayok kon i Rahel, bo nongombaḷ sin notabi in nokoontong.

KINOBAḺIAN 45:15

Onda intua, takin koomba-ombaḷpa, ki Yusup nonggakap kon i utatnea mita bo poḷat doman nongayok kon i monia komintan. Nopaḷut mako kon tua mosia in nomangkoidon nongonguman takinnea.

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 36:7

Kopopia-Mu in ná koḷantud in buḷud, bo kooadil-Mu in ná kodaḷom in dagat; intau bo mahaḷuk biniag-Mu, o Tuhan.

DONDONG MOḶANTUD 1:4

Mokopoḷamemet in kita, o datuku, diádon in akuoi tumuot in gopotmu. Sin popisí in iko dá moḷunganga totok in gina nami, bo modayow kon totabimu in moiḻiu kon anggur; patusdon in mongodeaga mita moibog kon inimu!

DONDONG MOḶANTUD 2:4

Dinianea in akuoi kon yuang poramean, sinontongannea in akuoi takin tabi moḷoben.

DONDONG MOḶANTUD 4:10

Totuu mopia in tabimu, uḻe, nonikaanku, mopia-piabí nongkon anggur. Ḷanamu totuu mobondu, mopia-pia nongkon bayongan toyokayu.

DONDONG MOḶANTUD 5:16

Totuu mokosanang in pososingognea, bayongan yagi-yagi kon inia mokoangá. Natuata batoḷ in dodob bo yobayatku, ei mongodeaga mita in Yerusalem!

DONDONG MOḶANTUD 7:12

Igai in kita doḷo-doḷom mayá in gobá, bo moindoi mongo pangkoi in anggur nonubudon, bo bungainea nobukádon; degá pangkoi in delima nonoburdon. Kon tua ogoikudon in tabiku kon inimu.

DONDONG MOḶANTUD 7:6

Totuu moḷunat in iko uḻeku, inta kinotabi kon sigad inta kinosanang.

DONDONG MOḶANTUD 7:9

bibigmu ná koromimit in tubig in anggur! Pomayádon mako sinbá anggur tatua moiḻig mayá kon batoḷ in dodobku, inta diá moobo-obot; bo mokopomuká kon totanoban, modapot in kon intau mita inta koyogot mosiug.

YESAYA 25:6

Kon Buḷud in Sion, ki Tuhan Inta Totok in mokawasa in mosadia kon pongaanan in bayongan in intau kon dunia. Inoḷudan-Nea in kaanon inta totok in mopia in nanamnea bo anggur inta piniḻí.

MATIUS 26:26

Bo kon dodai in mosia koyogot nongaan ki Yesus in nogamá kon roti bo nomarakat poḷat binonsi-bonsig bo inogoi kon murí-Nea mita, bo noguman: “Gamádon bo kaandon, naa in awak-Ku.”

LUKAS 15:20

Dá nobuatdon in sia bo nobui mangoi kon i amánea. Noyayúpa in sia, inontongdon i amánea. Popisí in tabi bo tanobnea totok dá noribatuk in ki amánea bo notomu kon inia, bo ginakapannea poḷat inayokan.

OUMAN IN RASUL MITA 21:7

Nongkon Tirus kami in minayá in Ptolemais. Dapotdon intua in kapaḷ inta sinakoian nami. Kon tua kami in minayá nokipodungkuḷ kon intau mita inta mopirisaya kon i Yesus kon ḻipú tatua, sin nopoyaput in salam kon i monia. Kami in nogogaipa tosinggai kon sigad monia kon tua.

PETRUS 1 5:14

Moiko in musti mosisalaman tobatú bo tobatú takin tabi saḷaku tumpaḷa Keresten. Poigumonku mako ki Tuhan mobogoi in barakat bo kobiagan motompia kon i monimu komintan inta ain nobaḻí kapunyaan i Kristus. Horomat nami, Ki Petrus