DONDONG MOḶANTUD 1:16 - Alkitab Singog In Mongondow Masa In Tanaa

¹⁶ Totuu mogaga in iko, uḻeku totuu kon mogagabí in iko! Posiugan naton kon tudu in bonok moḷunow.

DONDONG MOḶANTUD 1:16 ပူးပေါင်းရင်းမြစ်များ

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

MAZMUR 45:2

Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

DONDONG MOḶANTUD 1:15

Iko in moḷunat totok, batoḷ in dodobku, totuu moḷunat in iko! Matamu naonda bo paḷoma.

DONDONG MOḶANTUD 2:3

Naonda bo pangkoi in apel kon yua-yuak in pangkoi in kayu kon kayuon, natuata in batoḷ in dodobku kon sigad in ḷoḷaki mita. Mopiabí in ginaku kon siungonnea, bungainea mita noromimit in nanamnea.

DONDONG MOḶANTUD 3:7

Indoiai, tua in bobuḻigan i Salomo, iḻibu in intau onom nopuḷú inta mongoroton, intau mita in Israel inta mongotorindog,

DONDONG MOḶANTUD 5:2

Akuoi in nosiug, táe ginaku in nobangon. Indongogaidon, batoḷ in dodobku nonangkokó kon ḷoḻingkop. Bukataipa in ḷoḻingkop, uḻe, batoḷ in dodobku, paḷomaku, intau inta totok in kinotabiku; uḷuku nobuntad in oḷú, buokku nobuntad in oḷú doḷom.

DONDONG MOḶANTUD 5:5

Dá nobangondon in akuoi sin momukat kon ḷoḻingkop tuotan in batoḷ in dodobku. Taḷong mobondu mototuyú nongkon ḻima bo gongguyamúku mita, nomuntad kon kokadaian in ḷoḻingkop.

DONDONG MOḶANTUD 7:6

Totuu moḷunat in iko uḻeku, inta kinotabi kon sigad inta kinosanang.

ZAKHARIA 9:17

Totuu mopia in butá i Tuhan kon singgai moiduduimai, totuu mopia bo moḷunat! Kon tua anggur bo gandum motoḷubú in kobobiagnea, mokoropot kon tayowmobiag bo mongodeaga.