DATU MITA 2 9:30 - Alkitab Singog In Mongondow Masa In Tanaa

³⁰ Noiyaputdon in ki Yehu kon Yizreel. Naonda in kinodongogan i Izebel onu inta ain nobaḻí, nonoguḷanoi in sia kon buoknea bo nomaké in cilá, bo iḷumongow monag nongkon jandela in komaḻig.

DATU MITA 2 9:30 ပူးပေါင်းရင်းမြစ်များ

DATU MITA IMITÁNEA 16:9

Ki Zimri, porwira tobatú in nobaḻí itoi kon tongobotak in tontara inta nomaké in kereta, noyopopog noḷawang kon i Ela. Kon singgai tobatú kon Tirza, ki Ela in nonginumai nodapot in noḷoḷangu kon baḷoi i Arza inta tongguḷu in mopoposadia in kaanon kon komaḻig i datu.

DATU MITA IMITÁNEA 21:23

Bo kon i Izebel, ki Tuhan in noguman kon awaknea in kaanonbí in ungkú kon bonu in kotá in Yizreel.

AMSAL 6:25

Dika in iko koakaḷan monia in koḷunat monia, dika moitontong kon mata monia inta modondouḷug.

AMSAL 7:10

Bobay tatua in bobay inta diá motantú in mogutun kon baḷoinea. Topi-topí kon bingkí in daḷan in sia, onda intua kon rawang, andeka simindog mogoḷat kon poyotangaan in daḷan. Dodianea in mobarani bo diá oyáan. Inontongku in sia iḻumuai nogiḷambung naonda bo sundaḷ, bo nokipodungkuḷ kon tayowmobiag tatua takin tomayá inta moraat.

YEREMIA 4:30

Ei Yerusalem, iko in sinaḷáandon bo diádon mokopongonu! Onubí in mangaḻenea in mogiḷambung in ḷambung nopura bo moḷambá kon awak mopomaké in buḷawan bo saḷaka, poḷat moponggares in cilá kon mata? Diábí in mangaḻenea in iko in mopogaga in pogotmu, sin intau mita inta kinotabimu in doí bidon kon inimu, nodapotbí in mosia in moibogbí morabut kon nyawamu.

YEHEZKIEL 23:40

Nodapotbí in mosia nokidia in sonsoma kon ḷoḷaki mita kon ḻipú mita inta nongoyayú, bo namangoi doman in mosia. Popisí in motomu kon intau mita tatua, dá taya dua mogutat tua in noinggú, nogicilá bo nopomaké in noyagi-yagimai in ḷambá.

YEHEZKIEL 24:17

Dika modapot in ina-inakmu in kodongogan. Dikabí mayá takin diá mogikoḷubung, andeka diá mogi aip in sioḷ, saḷaku intau inta nonogumatoi. Dika doman oḻingoian in pogotmu, bo dika mokaan kon kaanon in mobobaḷu.”

PETRUS 1 3:3

Dikabí tongá koontongan kon ḷuai i moḷunat, ná umpama moḷambá kon buok andeka momaké in ḷambá ibanea mako, andeka mogiḷambung doman inta mongomahaḷ.

SAMUEL 1 29:1

Intau in Pilistin nosipundon kon bayongan in tontaranea kon Apek, bo intau in Israel in nononḷoḷaigan kon diug in bokaká kon Ḷopá in Yizreel.