DATU MITA 2 9:18 - Alkitab Singog In Mongondow Masa In Tanaa

¹⁸ Takin kotako-takoi kon kabaḷo, minayádon in tontara tatua nokipodungkuḷ kon i Yehu bo noguman, “Pinoki ḻibó i datu mongo ki Tuang in namangoi saḷaku yobayat.” “Tua in deemanbí totaaumu!” tubag i Yehu, “Dugangdon mangoi kon inakó.” Inontong in moḷoḷukad kon ḷangkeang tatua kon tontara tatua in noiyaputdon kon paanan tatua, táe diábí nobui mangoi. Dá pinotaauneadon in tua,

DATU MITA 2 9:18 ပူးပေါင်းရင်းမြစ်များ

DATU MITA 2 9:17

Naonda in moḷoḷukad kon ḷangkeang in kotá in Yizreel nokoontong kon i Yehu bo intaunea mita namangoi, nomaḷú in sia, “Topaanan in intau nopoangoi in naa!” Ki Yoram in notubag, “Potabádon in tontara tobatú tumakoi kon kabaḷo bo mayá monaridi mongo yobayat in mosia tua andeka musung.”

DATU MITA 2 9:19

bo pinotabádon bui in tontara tobatú ibanea. Tontara tatua in noḻibó doman natua kon i Yehu, bo buipa doman sinubagan i Yehu, “Tua in deemanbí totaaumu! Angoidon dugang mangoi kon inakó!”

DATU MITA 2 9:22

“Degá bo iko nion in namangoi saḷaku yobayat?” iḻibó i Yoram kon i Yehu. Ki Yehu in notubag, “Deemanbí saḷaku yobayat aka nobayongpa in mongonggaing kon naa, bo oyúonpa doman in pososumbaan kon berhala inta pinangkoi i Izebel ki inámu tua?”

DATU MITA 2 9:31

Naonda in ki Yehu sinumuot nongin bonawang, ki Izebel in nomaḷú, “Ei Zimri, moḷoḻimod! Mongonu kon naa in iko?”

YESAYA 48:22

Diábí in kasaḷamatan kon intau moraat,” natuata in guman i Tuhan.

YESAYA 59:8

Moiko in diábí moramuji kon kobiagan mopopiaan, bo bayongan in aidmu diá moadil. Daḷanmu in mobelu-belung, bo intau inta dumudui kon daḷan tatua in diábí mosanang.

YEREMIA 16:5

Dika mayá in baḷoi in intau inta koyogot in nonogumatoi, Yeremia. Dikabí monogumatoi kon i ineka. Akuoi in diá bidon momarakat kon umat-Ku bui takin kobiagan motompia, bo diádon doman mopoontong in tabi bo tanob kon i monia.

SURAT I PAULUS KON JAMAAT RUM 3:17

Diábí kotaauan monia in mobiag motompia,