DATU MITA 2 9:14 - Alkitab Singog In Mongondow Masa In Tanaa

^14-15 Natuata ki Yehu noyopopog noḷawang kon i Datu Yoram inta kon tungkuḷ intua kon Yizreel. Ki Yoram minayá intua sin mokiundam kon kekebnea mita inta nouḻínea kon pinoparangan kon Ramot nonayow kon i Hazael datu in Siria. Ki Yehu in noguman kon yobayatnea mita inta tongguḷu totokan in tontara, “Aka moibog in moiko sinbá akuoi in mobaḻí datu, yo ḷukadai sinbá diá tobatúmai in intau inta ḷumuai nongkon Ramot sin mopotaau kon intau mita kon Yizreel.”

DATU MITA 2 9:14 ပူးပေါင်းရင်းမြစ်များ

DATU MITA IMITÁNEA 15:27

Ki Baesa adí i Ahia, nongkon suku in Isakhar noyopopog noḷawang kon i Nadab, bo noḻimod kon inia. Kon dodai intua ki Nadab bo tontaranea mita noḻipungdon kon kotá in Gibeton kon butá in Pilistin.

DATU MITA IMITÁNEA 16:16

Naonda in kinodongogan monia kon ki Zimri in noyopopogdon noḷawang kon i datu bo poḷatdon noḻimod kon i datu, dá kon singgai doman tatua kon pinononḷoḷaigan monia tatua, mosia komintan in noduídon kon i Omri, itoi totokan in tontara monia, binaḻídon datu in Israel.

DATU MITA IMITÁNEA 16:9

Ki Zimri, porwira tobatú in nobaḻí itoi kon tongobotak in tontara inta nomaké in kereta, noyopopog noḷawang kon i Ela. Kon singgai tobatú kon Tirza, ki Ela in nonginumai nodapot in noḷoḷangu kon baḷoi i Arza inta tongguḷu in mopoposadia in kaanon kon komaḻig i datu.

DATU MITA IMITÁNEA 22:3

Munadon in ki Ahab noguman kon porwiranea mita, “Kinotaauandon monimu kon kotá in Ramot kon Gilead tua in kitabí in kitogi! Nongonu sin diábí bui agowon naton nongkon i datu in Siria?”

DATU MITA 2 10:9

Doḷo-doḷom iḷumuaidon in ki Yehu kon bonawang, bo noguman kon intau mita inta noyosipun kon tua, “Akuoi naa inta noyopopog noḷawang kon i Datu Yoram bo noḻimod kon inia; diábí in taḷá monimu kon tua. Táe intau mita tanaa in deemanbí akuoi in noḻimod.

DATU MITA 2 15:30

Kon taong indoyowa nopuḷú kon pinomarentaan i Datu Yotam adí i Uzia kon Yohuda, ki Hosea ki adí i Ela in noyopopog noḷawang kon i Datu Pekah bo noḻimod kon inia, bo nobaḻí datu nomaḷui kon inia.

DATU MITA 2 8:28

Ki Datu Ahazia in sinumakin doman noparang noyotakin i Yoram datu in Israel nonayow kon i Hazael datu in Siria. Noparang in mosia kon Ramot, butá in Gilead. Kinekeban in ki Yoram kon pinoparangan tatua,

DATU MITA 2 8:29

bo nobuidon in sia kon kotá in Yizreel sin undaman, bo minayá in ki Ahazia noḷongow kon inia kon tua.

DATU MITA 2 9:2

Moiyaputmai in iko kon tua tayakdon in ki Yehu ki adí i Yosapat bo ki ompu i Nimsi. Tongganutaidon in sia mayá in gopot sia-sia mita,

DATU MITA 2 9:31

Naonda in ki Yehu sinumuot nongin bonawang, ki Izebel in nomaḷú, “Ei Zimri, moḷoḻimod! Mongonu kon naa in iko?”